Skip to main content
152

AC-fuldmægtig allagarsiuteqqitaq

AC-fuldmægtigi aningaasaqarnermut piginnaanilik
Aningaasaqarnermut Immikkoortortaqarfimmi inatsisinik suliarinnittussamik, ingerlatsinermi aningaasartuutinik immikkoortumullu pilersaarusiornermik immikkut ittumik suliaqartussamik Ilinniartitaanermut, Kultureqarnermut Ilageeqarnermullu Naalakkersuisoqarfimmi aningaasaqarnermut immikkoortortaqarfik AC-fuldmægtigissarsiorpoq.

Atorfik pillugu:
Naalakkersuisoqarfimmi  aningaasaqarnermut tunngasunik suliaqartartunut suleqatigiinnut suleqatitaassarput ilanngutissaaq, Aningaasaqarnermullu immikkoortortami pisortamut toqqaannartumik attaveqassalluni. Atorfimmut illit Kalaallit Nunaanni ilinniartitaanermut kulturimullu tunngasutigut ineriartortitsinermik nangitsinerni qitiusutut inissisimalissaatit, pingaarnertut suliassatit assigiinngitsorpassuit ukuupput:

  • Naalakkersuisoqarfiup Aningaasanut Inatsisissamut  ilanngussassaanik suliarinnittarnerit
  • Naalakkersuisoqarfiup suliassaqarfiini aaqqissuusseqqinnernik inuiaqatigiit aningaasaqarnerannut akilersinnaassutsimik misissueqqissaarnerit inatsisinillu nutaanik il.il. Naalakkersuisoqarfiup immikkoortuini periusissianik suliaqartunik suleqateqakkajulluni  suliaqartarnerit
  •  Ilinniartut ineqarfiinut ilinniarfinnullu tunngasuni pilersaarusiornerit
  • Ilinniartitaanermut tunngasut iluanni ingerlatsinermi aningaasartuutinut tunngatillugu suliassiissutinik suliaqarneq, matumani sanaartugassat tassungalu atatillugu ingerlatsinikkut aningaasaqarnerup akornanni ataqatigiitsitsisoqarnissaata qulakkeerneqarnissaa

Aningaasaqarnermut Immikkoortortaqarfiup pingaarnertut suliassaasa ilagaat Naalakkersuisut ukiumoortumik aningaasanut inatsisissatut siunnersuummik suliarinnittarneranni kiisalu tulliullugu aningaasanut inatsisissap Inatsisartut aalajangiinerini ikiuuttarnissaq. Tamakkununnga ilaavoq Naalakkersuisut inaarutaasumik aningaasanut inatsisissatut siunnersuummik ataatsimoorluni aalajangiinnginnerani naalakkersuisoqarfiup Aningaasaqarnermut Akileraartarnermullu Naalakkersuisoqarfiullu akornanni qanittumik oqaloqatigiinnissaq. Taamaammat naalakkersuisoqarfiup iluani Qitiusumillu Allattoqarfiup sinnerani sulisut amerlasuut attaveqarfigissavatit. Tassunga tunngatillugu pingaartumik immikkoortortaqarfimmi pisortaq, Naalakkersuisoqarfiup iliniartitaanermut kultureqarnermullu immikkoortortaqarfiit, , inatsiseqarnikkut ingerlatsivik kiisalu Aningaasaqarnermut Akileraartarnermullu Naalakkersuisoqarfik qanimut suleqatigineqassapput.
Taassuma saniatigut naalakkersuisoqarfiup sanaartornermi suliassaasa iluini pingaaruteqartutut inissisimallutit ilanngutissaatit.

Atorfimmi naalakkersuisoqarfiup suliassaqarfiisa akornanni suliassat tamakkiisumik ilisimasaqarfigineqarsinnaalissapput, kiisalu aningaasaleeriaatsit aningaasaqarnikkullu kingunerisassanik misissueqqissaarereernikkut naalakkersuinikkut pingaarnertut anguniakkat aalajangernissaat tutsuiginartumik tunngaveqarluni pisarnissaat suleqataaffigissavatit. Ilinniartut ineqarfiinut tunngatillugu ukiuni tulliuttuni sanaartornermut tunngatillugu annertuumik aningaasaliinerit ingerlanneqartussaapput, taakkulu ilinniagaqarnermut periusissiaq atuisullu kissaataat qanimut ataqatigiissinnerisigut ingerlanneqartussaapput, taakkulu ilinniarfinni ataasiakkaanni ilinniartitaanermi avatangiisinut pingaarutilimmik pitsanngoriaataasussaallutik.

Ilinnut tunngasut:
Naatsorsuutigaarput:

  • Aningaasaqarnermut tunngasumik naleqquttumik ingerlaqqiffiusumillu ilinniagaqarsimasuunissat.
  • Suliassannik aaqqissuussillaqqissuussasutit
  • Suliffeqarfigisami avataanilu soqutiginnittorpassuarnik attaveqaqateqarsinnaassuseqartutit
  • Suliassarpassuaqaraangat aammalu paasissutissat pineqartillugit tamakkiisumik isiginnissinnaasutit, aammalu paasissutissarpassuit paasinartunngorlugit aalajangiinissamullu isummerfigisassat eqqortunngorlugit suliarisinnaagitit
  • Suleriaatsinik aaqqissuussinermik ilisimasaqartutit taakkulu pillugit suleqatinik suleqateqarsinnaasutit
  • Ajornanngippat kalaallisut/danskisut oqalussinnaassasutit


Suliffik pillugu:
Naalakkersuisoqarfimmi aningaasaqarnermut immikkoortortaqarfimmi maannakkut  suleqatigiit  tallimaapput, taakku pingaarnertut Inatsisartut aningaasanut inatsisissaannik suliarinnittuupput . Aningaasartuutinik immikkoortortaqarfiillu Naalakkersuisoqarfimmut attuumassuteqartut aningaasartuutaannik nakkutilliineq.Taassuma saniatigut annertunerusunik annikinnerusunillu suleqatigiit misissueqqissaartarput.
 
Ilinniartitaanermut, Kultureqarnermut, Ilageeqarnermullu Naalakkersuisoqarfik suliffeqarfiuvoq assigiinngitsunik suliaqarfiusoq sulinermilu avatangiisit persuarsiorfiunatillu ammasut, suleqatillu pimoorussillutillu isumaginnillutik sulisut. Sulisut  45-ngajaavugut suliatigut qaffasissumik pitsaassusilinnik suliaqarusuttut inooqatigiinnikkullu pitsaasumik avatangiiseqarnissamik pilersitserusuttut.  

Atorfik Nuummiippoq. Atorfiup 1. august imaluunniit atorfimmut tulluuttumik isumaqatigiissuteqarnerup kingorna inuttalerneqarnissaa kissaatigineqarpoq.

Ulloq 29. juli 2019 qinnuteqarnissamut killigititaavoq.
Atorfik pillugu paasisaqarnerorusukkuit immikkoortortaqarfimmi pisortaq Karsten Peter Jensen kapj@nanoq.gl emailikkut attavigiuk.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk