Skip to main content
110

Dette jobopslag er udløbet

Aatsitassanut Suliffeqarnermullu Naalakkersuisoqarfik, Suliffeqarfimmut Immikkoortoqarfimmi AC-fuldmægtigimik/Immikkut siunnersortimik pissarsiorpoq

Nunatsinni suliffeqarfimmik ineriartortitseqataanissaq kissaatigaajuk? Innuttaasunut inuiaqatigiinnullu akuersaarnartumik assigiinngissuteqarnissat ilinnut kaammattuutaava? Inerneqartussamik suleqatigiinnermut akuerunnissat sapersaatiginngiliuk? Tassaavit suleqatitaassarput?
 
Ukiuni makkunani sulisulisartutut pissarsiassaasut nukittorsarnissaat aamma siunissami suliffeqarfimmut nunami innuttaasut piginnaanngorsarniarlugit Naalakkersuisut assut sammisaqarput. Suliffeqarfimmi suliassaqarfiup iluani sulianik isumaginninnernik, aamma ilinniartitsinermik ineriartortitsinermillu suliassanik isumaginnissinnaasumik suleqatissarsiorpugut.
 
Suliffeqarfik pissanganartoq sukumiisumik ilinniartitsinertalik, soqutigisaqaqatigiinnillu qanimut oqaloqateqarluni sammisanik suliassaqarfinnik ineriartortitsinissamut illit sunniiviginninnissannut periarfissaqarluartoq neqeroorutigaarput.
 
Naalakkersuisoqarfiup akisussaaffia, suliassai iineriartortitassaalu Majorianut tunngasut  suliaqarfigissavatit tassungalu atatillugu Majoriat pillugit kommuunit Namminersorlutillu Oqartussat akornanni suleqatigiissutinik isumaqatigiissutaasunik malittarinninneq.
 
Immikkoortoqarfik assigiinngisitaartunik suliassanik isumaginniffiuvoq, naalakkersuisut isummernissaannut tunngavissiissusiornernit, suliffeqarfiup ineriartortitaaneranit, misissueqqissaarinernit aamma immikkoortoqarfiup suliassaqarfiini ingerlaavartunik sulianik isumaginninnernit iliuuserisat tamaasa pillugit paasissutissiissuteqartarnernut.
 
 
Piukkunnaatitit piginnaasatillu
Takorloorparput:

  • attuumassutilimmik ilisimatusarnermik ilinniagaqartutit
  • naalakkersuinikkut aqunneqartumik aaqqissuussaasumi suliaqarnermik misilittagaqartutit
  • namminersuutigisannik, najoqqutassalikkamit anguniagaqartumillu sulisinnaassuseqartutit
  • suliassat siuarsaaviginissaannut akisussaaffiup tigunissaanut piareersimasutit
  • suliassanik iluarsiinerit pitsaassuseqarnissaannut akisussaaffiup tigunissaanut piareersimasutit
  • attaveqaqatigiissutinik suleqatigiinnissamut piginnaaneqarluartutit
  • sungiussiasuusutit, piffissamik eqqorluaasartutit inussiarnersuusutillu
  • oqaatsit marluk sapinngikkitit, kalaallisut/danskisut imaluunniit kalaallisut/tuluttut
  • angalasarsinnaanissat piareersimaffigissagitit
  • ulluinnaat ulapaarfiusut iluarisimaaritit, aamma suliassat suussusaat arlallit ataatsikkut isumagisinnaallugit

Aamma

  • Sammisanik isumaginnittarfittut aaqqissuussaq F2, allanilluunniit sammisanik isumaginnittarfittut aaqqissuussanik misilittagaqaruit tamanna iluaqutaassaaq
  • Kalaallit Nunaanni inuiaqatigiinnik kulturimillu ilisimasaqarnissat assut pingaaruteqarpoq,
  • Soorunalumi isumagissaartuullutillu suleqataalluarputit.

Immikkut siunnersorti
Qulaani allassimasut piginnaasat pisinnaasallu tamaasa arlalilluunniit pigigukkit ukiorpassuillu Namminersorlutik Oqartussani, kommuunini Majoriamiluunniit sulillutit misilittagaqaruit, nalilerneqassaaq immikkut siunnersortitut periarfissaq atorlugu atorfik pisinnaanerit.
 
Suliassatit
Anguniagarput tassaavoq naalakkersuinermi kissaatigisanut pingaarnersiukkanullu naleqqiullugu suliffeqarfimmik ineriartortitsiviusumik sungiussiasumik nutaaliaasumillu pilersitseqataanissaq. Sulianik isumaginninnermik ”inuppalaartunik” suliassaqassaatit, soorlulusooq takorluugaasutut periusissiat – taakkulu akornanni sunik tamanik – suliaqartassallutit.
 
Pingaarnertut suliassatit tassaassapput:

  • Majorianik nakkutilliineq
  • Majorianik ingerlatsineq pillugu Kommuunit Namminersorlutillu Oqartussat akornanni ukiumoortumik naammassisassanut isumaqatigiissutinik suliaqarneq kiisalu tapiissutinik kisitsineq
  • Naammassisassanut isumaqatigiissutit assigisaallu pillugit kommuuninut Majorianullu siunnersuineq
  • Kipisuitsumik kommuuninut aqutsisunullu attaveqartarneq
  • Majoriani sulisunut pikkorissartitsinernik ataatsimoortitsinernillu ineriartortitsineq aaqqissuussinerlu, soorlu aqutsisut ataatsimiitinneqartarneri, ilinniartitsisunik naapititsisarnerit aamma ilinniartitsisunik piginnaanngorsaaqqinnerit
  • Nuna tamakkerlugu Majoriami misilitsitsisarnerit aqunneri ataqatigiissaarnerilu
  • Suliffeqarfimmi suliassaqarfimmi ineriartortitsinermik suliassanik isumagisaqarneq
  • Naalakkersuisoqarfimmi suliniutinik malittarisitsineq ataqatigiissaarinerlu
  • Sulianik isumaginninneq allaffissorfittut inissisimaffiusumi
  • IRIS-imi aamma XAL-imi aningaasanut inatsimmi kontonik missingersuutinik malitseqartitsineq
     

Neqeroorutigaavut

  • Suliffik pissanganarlunilu inuiaqatigiinni iluaqutaasoq ineriartornermut periarfissatsialannik pilik
  • Inuttut akisussaaffeqarneq iliuuseqarnissamullu inissaqartitaaneq
  • Suliassanut amerlasuunut pissanganartunullu illit sunniuteqarnernik inissiinissamut periarfissaqarneq
  • Piginnaanngorsarnissamut ilinniaqqinnissamullu periarfissatsialaat
  • Suleqatit pitsaasut


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk