Skip to main content
122

Dette jobopslag er udløbet

Aatsitassanut Suliffeqarnermullu Naalakkersuisoqarfik inatsisilerituunik marlunnik sulisussarsiorpoq

Aatsitassanut Suliffeqarnermullu Naalakkersuisoqarfik pillugu
Aatsitassanut Suliffeqarnermullu Naalakkersuisoqarfiup Namminersorlutik Oqartussani aatsitassanut suliffeqanermullu suliassaqarfik pillugu Naalakkersuisoqarfimmi suliassat isumagisarai, ilanngullugit inatsisit, aatsitassarsiornissamut akuersissutinik isumaqatiginninniarneq aamma suliassaqarfinni suliassanik ataqatigiissaarineq, aamma oqartussanut allanut tunngatillugu.
Naalakkersuisoqarfik suliassat taakkua isumagineqarneranni ikiuuttussanik inatsisilerituunik marlunnik sulisussarsiorpoq.

Atorfik pillugu
Aaqqissuussaanikkut atorfiit naalakkersuisoqarfimmi pisortap ataani atorfilittatut inissisimassapput. Inatsisilerituut suliassai pingaarnertigut aatsitassanut suliassaqarfimmut attuumassuteqassapput, kisianni aamma suliffeqarnermut suliassaqarfimmut tunngassuteqartunik suliassaqartassaaq. Suliassat ilaatigut tassaassapput Naalakkersuisoqarfimmi taassumalu ataani immikkoortortani sulisunut isumasioqataasarneq kiisalu aatsitassanut suliassaqarfimmi immikkoortortaqarfiit aatsitassarsiornissamut pisinnaatitsissutinik aqutsinermik suliaqarneranni tapersiisaneq. Kisianni aamma ukiumoortumik ataatsimiinnerit marluk pisartut ingerlaneranni Naalakkersuisut aamma Inatsisartut (naalakkersuisut aamma inatsisartut) akornanni suleqatigiinnermut annertuumik paasisimasaqalernissamut periarfissaqassaaq.
Naalakkersuisoqarfitsinni pisut sukkasoorujussuusinnaasarput, taamaattumillu ulluinnarni ilaannikkut sukkasuumik iliuuseqarfiusussami eqqarsarfiusussamilu sulinissaq piareersimaffigineqassaaq. Taamaattoq aamma inatsisissatut siunnersuummik sukumiisortaannut eqqarsarfiusussamik suliaqarnissamut allannissamullu piareersimassaatit.
Naalakkersuisoqarfimmi persuarsiorfiunngitsumik nipeqarneq qiimanerlu atorneqarput aammalu suliniuteqarnerit qujarunneqartarput tapersersorneqartarlutillu.

Suliassanut ilaatigut ilaapput

  • inatsisissatut siunnersuutinik nalunaarutinillu suliaqarneq, ineriartortitsineq allanngutsaaliuinerlu
  • inatsisinik suliaqarnermi imaluunniit iluarsiissuteqarnerni suliniummut akisussaasuuneq aamma aqutsineq
  • Naalakkersuisoqarfimmi pisortanut qullersaasunut siunnersuineq aamma isumasioqataaneq kiisalu suliaqarfinnut immikkoortortaqarfinnut suliffiup iluani inatsisilerinikkut ikiuunneq
  • isumaqatigiissuteqarnerni aammalu suleqatigiinnissamik isumaqatigiissuteqarnerni isumasioqataaneq
  • aatsitassarsiornermik suliassanut atatillugu isumaqatigiissutit akuersissutillu isumaqatiginninniutigineqarneri
  • inatsisilerinikkut suliassanik aalajangersimasunik suliarinninneq

Pingaartipparput

  • inatsisinik suliaqarnermi iluarsaassisarnermilu misilittagaqarneq
  • cand. jur.-itut ilinniagaqarsimaneq aammalu ilinniagalittut patajaatsumik piginnaasaqarneq
  • aaqqissuussaanermi politikkikkut aqunneqartumi sulinermit misilittagaqarneq aamma/imaluunniit piginnaasaqarneq paasisimasaqarnerlu
  • ilinniagalittut atituumik suliaqarsinnaassuseqarneq aammalu ajornartorsiutinut nutaanut sukkasuumik paasinnissinnaaneq
  • danskisut tuluttullu oqaluttariarsornikkut allattariarsornikkullu attaveqaqateqallaqqinneq
  • suliniutinut sammisumik sulinermik misilittagaqarneq namminersorsinnaanerlu
  • atorfilittatut sulinermi suliassanik suliarinninnissamut sakkortuumik akisussaassusermik misigisimaneq
  • Kalaallit Nunaanni pissutsinut ilisimasaqarneq imaluunniit taakkua iserfiginissaannut piumassuseqarneq

Naalakkersuisoqarfimmi suliassaqarfiit sorliit immikkut pikkoriffigalugit takutitsineq aammalu suliaqarfigiligassat apeqqutaallutik annertussusilimmik angalasarnissaq piareersimaffigineqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartunut ukiunik arlalinnik sivisussuseqartunik uppernarsarneqartunillu misilittagaqareersunut isumaqatigiissuteqartoqarsinnaavoq immikkut isumaqatigiinniareernikkut tapisiaqartitsinissamut.

Najugaq
Atorfiup aappaanut atatillugu sulisunut inissiamut pisatsersugaanngitsumut maleruagassat sukkulluunniit atuuttut malillugit innersuussisoqarsinnaavoq. Ineqarnermut akiliut aamma qularnaveeqqusiineq inissiamut innersuunneqartumut maleruagassat sukkulluunniit atuuttut malillugit akilerneqassapput. Sulisunut inissiaq atorfeqarnermut atatinneqarpoq, aammalu atorfeqarunnaarnermi nuulluni qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat annertunerusut
Paasissutissanik annertunerusunik pisariaqartitsiguit, fuldmægtigi Bo Simmelsgaard, oqarasuaammut +299 346808, e-mail: bosd@nanoq.gl imaluunniit naalakkersuisoqarfimmi pisortaaneq Jørgen T. Hammeken-Holm, oqarasuaammut +299 346846, e-mail: joeh@nanoq.glattavigisinnaavatit.

Qinnuteqaat 
Qinnuteqarnissamut killiliunneqarpoq ulloq 15. februar 2019. Naatsorsuutigaarput qinnuteqarnissamut killiliussap naanerata kingorna piaartumik oqaloqateqarnerit ingerlanneqassasut, aammalu atorfik tamatuma kingorna sapinngisamik piaartumik atorfiniffigineqarrsinnaalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk