Skip to main content
114

Dette jobopslag er udløbet

Aatsitassanut Naalakkersuisoqarfik Seniorgeologissarsiorpoq (Pisortatut siunnersorti) ujarassiornikkut suliniutinut ilisimatusarnikkullu suleqatigiinnermik aqutsisuusussamik

Ujarassiornikkut ilisimatusarnermi suliniutinik aatsitassarsiornikkut missuinermi aqutsinermik annertuumik misilittagaqarpit (ujarassiornikkut nunap assinganik ilusilersuineq ilanngullugu), kiisalu aamma ilisimatusarnikkut suleqatiginninnermik saqqummersitsinermilu nukittuumik misilittagaqarpit? Kalaallit Nunaanni aatsitassarsiornikkut ineriartornermi ujarassiornikkut ilisimasat paasissutissallu aallaavigalugit akisussaaffimmik pingaarutilimmik pigusinissamut soqutiginnippit? Taamaappat Aatsitassarsiornermut Naalakkersuisoqarfimmi Ujarassiornermut Immikkoortortaqarfimmi Seniorgeologitut atorfik ilinnut tulluarsinnaavoq.

Ulloq atorfiniffissaq: 1. september 2021 (isumaqatigiissutigineqarsinnaavoq)

Atorfik

Immikkoortortaqarfimmi pisortaq suleqatigalugu Kalaallit Nunaanni ujarassiornikkut paasissutissat ilisimasallu pillugu misissuinerit ujarasiornikkut ilisimatusarnerit ineriartortitseqataaffigissavatit. Ilisimasatit misilittakkatillu annertuut aallaavigalugu immikkoortortaqarfimmi ujarassiornikkut ilisimatusaanerit suliniutaasut aqutseqataaffigissavatit, matumani ilaatigut nunap assinganik takussutissiornikkut misilittakkatit atussallugit. Nutaanik ujarassiornikkut paasissutissanik ineriartortitseqataassaatit kiisalu aamma nutaanik ujarassiornikkut paasisanik pilersitseqataassallutit.
  Pitsaassuseq qaffasissoq aallaavigalugu ujarassiornikut ilisimatusarnermi nioqqutissiornissamut nunat tamalaat akornanni suleqateqarnikkut aqqutissiuusseqatigissavatit. Taakku nioqqutissiat ilaatigut ujarassiornikkut nunap assingiupput, GIS-atortorissaarutit, paasissutissanik toqqorsiviit kiisalu aamma ujaqqat sananeqaataannik, nunap pissusaannut aammalu ujaqqat ilusaannut paasissutissat pillugit nalunaarusianik siammasissunik pilersitseqataassallutit. Kalaallit Nunaanni ujarassiornikkut ilisimatusarnermi suliniutit aningaasartalersorneqarnissaannut attaveqarfiit kiisalu aamma misissuinermi misilittakkat annertuut aallaavigalugit tapersersortissanik pilersitseqataassaatit. Ujarassiuut allat immikkoortortaqarfimmiittut ikorfartussavatit aammalu suliassaqarfimmi ilisimasanik kiffartuussinermillu aamma tunniussissallutit. Immikkoortortaqarfimmittaaq ataavartumik suliassat ilaatigut siunnersuinerit, avammut nittarsaassinerit suliassallu allat aamma peqataaffigalugit suliarisassavatit.


Kinaassutsit
Naatsorsuutigivarput:

  • Ujarassiuutut/ujarassiornikkut ilisimatuutut PhD-eqarnissat.
  • Saqqummersitsinissamut piginnaasaqarluassasutit.
  • Nunap iluani suliniutit ilaatigut nunap assingani suliaqarnermut tunngassuteqartut ingerlannissaannik akisussaaffiginissaannillu misilittagaqassasutit.
  • Misissuinermi suliniutinut aningaasaateqarfinnut qinnuteqarnermik misilittagaqassasutit.
  • Siunnersuinermik ikorfartuinermillu misilittagaqartutit
  • Piffissaliussat sivikitsut iluani sulinissaq ingerlassinnaassagit suliassallu arlallit ingerlassinnaanissaat aamma sungiusimallugu.
  • Oqaluttariarsornikkut allakkatigullu attaveqaqatigiilluarsinnaasutit.
  • Suleqateqarluarsinnaasutit kiisalu aamma aalajaatsuussasutit.
  • Torersumik, namminersorsinnaasumik kiisalu aamma naammassinnissinnaasumik suleriuseqassasutit.
  • Oqaatsinut pikkorittuussasutit, pingaartumik tuluttut.


Pitsaaqutaassaaq:

  • Immikkut ilisimasaqanngitsunut ilisimatusarnikkut paasissutissanik nassuiaasinnaassasutit, ilaatigut ilisimasanik paasissutissanillu politikkikkut atugassanik avatangiisinullu suleriaatsinut atugassanik ingerlatitseqqiisinnaassasutit.
  • Digitalimik nunap assiliornermut, GIS, paasissutissanik toqqorsiviit kiisalu nittartakkakkut paasissutissanik saqqummiinermut ilisimasaqarluassasutit immikoortortaqarfimmilu allat peqatigalugit digitalimik nioqqutissat ineriartortissinnaassallugit.
  • Kalaallit Nunaanni oqaatsinut piorsarsimassutsikkullu ilisimasaqassasutit.


Neqeroorutigaarput
Immikkoortortaqarfimmi aalajaatsumi nutaaliorfiusumilu peqataalissaatit, suleqatigiittut ataatsimoorfiusumi suliat pillugit avitseqatigiinnissamut periarfissaqarluartumi. Immikkoortortaqarfiuvugut anginngitsoq, tamannalu isumaqarpoq suliat nammineerlutit piginnaasaqarfiginerusatit soqutigisaqarfiginerusatillu aallussinnaagitit.

Pissarsiarissavatit:

  • Atorfik pissanganartoq, unamminartoq allanngorartorlu.
  • Inuttut sulianullu atatillugu ineriartornermi pissarsiaqarnissamut periarfissaqat pitsaasut.
  • Akisussaaffilimmi annertuumik kiffaanngissuseqarsinnaaneq.
  • Atorfimmi atugassarisat eqaatsumik ingerlanneqartut.


Ujarassiornikkut immikkoortortaqarfimmi sulineq pillugu uani sukumiinerusumik paasisaqarsinnaavutit: Geologiimut.pdf

Angalasarnerit
Kalaallit Nunaata iluani avataanilu angalanerit ussassaarinermut, nunami sulinermut, ilinniaqqinnermut, ataatsimiinnermut kiisalu aamma nakkutilliinermut suliat assigalugit annertussuseqarnissaat naatsorsuutigineqassaaq.

Uagut pilluta
Aatsitassanut Naalakkersuisoqarfimmi Ujarassiornikkut immikkoortortaqarfimmi pingaarnertut atorfimmi ilaapput:

  • Kalaallit Nunaanni oqartussanut ujarassiornikkut siunnersuinerit.
  • Paasissutissat pitsaassuseq qaffasissoq aallaavigalugu misissuinerit nassaassarsiornermut tunngassutillit ingerlanneqarneri.
  • Kalaallit Nunaanni aatsitassarsiornikkut nassaassaqarneranik ussassaarinerit.


Aatsitassanut Naalakkersuisoqarfimmi sulisut 20 missaaniippugut. Taassuma saniatigut Naalakkersuisoqarfiup ataatni Aatsitassanut Aqutsisoqarfimmi aamma sulisoqarluni.

Suliffeqarfiup ilusilersugaanerani atorfik Ujarassiornikkut Immikkoortortaqarfimmi inissisimavoq, tassani ujarassiuunut pisortatut ataaseq kiisalu ujarassiuut arfinillit sulisuullutik. Ujarassiornikkut Immikkoortortaqarfiup Aatsitassanut Aqutsisoqarfik, Danmarkimi aamma Kalaallit Nunaanni GEUS, kiisalu aamma Kalaallit Nunaanni Nunanilu allani ilisimatusarnikkut- aamma teknikkikkuti suliaqarfiit qanimut suleqatigai.

Naalakkersuisoqarfik pillugu www.govmin.gl-ikkut annertunerusumik paasisaqarit, kiisalu aamma Namminersornerullutik Oqartussat pillugit www.naalakkersuisut.gl-ikkut. Nuummi najugaqarpugut, tassani piniarnissamut, aalisarnissamut, angalaarnissamut, asimukarnissamut, sisorarnissamut allatigullu pinngortitami sammisaqarnissamut periarfissarpassuaqarluni. Illoqarfiup innuttaasuinut 17.000-isunut filmertarfimmik. Kulturikkut illorsuaqarnikkut, golfertarfimmik, naluttarfimmik allarpassuarnillu inooriaatsikkut periarfissanik neqerooruteqarfigineqarput.

Paasissutissat sukimiinerusut
Atorfik pillugu paasisaqarnerorusukkuit Immikkoortortaqarfimmi Pisortap Julie Hollis oqarasuaat +299 58 61 70 imaluunniit e-mail: juho@nanoq.gl imaluunniit seniorgeologi Anette Juul-Nielsen oqarasuaat +299 34 68 17 imaluunniit e-mail: anjn@nanoq.gl attaviginissaannut tikilluaqqusaavutit.
 
 
Aningaasarsiat- aamma atorfinitsinneqarnermi inissisimaffiit
Akissarsiat- aamma atorfinitsinneqarnermi inissisimaffiit, matumani atorfininnermi soraarnermilu angalanermut nutsernermilu atugassaritinneqartut Namminersornerullutik Oqartussat kiisalu peqatigiiffik isumaqatigiissutigineqarsimasup akornanni malittarisassat naapertorlugit atuutsinneqarput. Siunnersortit pisortaattut tapisiat tunniunneqarsinnaapput piginnaasat tulluuttut uppernarsarneqarpata.

Sap. ak. sulineq 40 tiiminik annertussuseqarpoq.

Ineqarneq
Atorfimmut inimik pisatsersorneqarsimanngitsumik neqerooruteqartoqarsinnaavoq. Inimut neqerooruteqartumut qaammammut akiliut kiisalu aamma siumoortumik qularnaveequsiineq malittarisassat naapertorlugit inissinneqassaaq. Suliffimmit ineqartinneqarneq atorfeqarnermi atuutsinneqarpoq, atorfeqarnerullu taamaatinneqarnerani ini qimanneqassalluni.

Qaammammut akiliut inillu pitsaassusaa inip nutaanngissusaa, piginnittuussuseq allallu aallaavigalugit nikerarput. Suliffimmit inimik pissarsinissaq utaqqinarsinnaavoq, taamaattumillu inissikkallartoqarsinnaalluni allamut, matumani allanik ineqateqarallartoqarsinnaalluni, akunnittarfinni inissianiittoqarallarsinnaalluni akileraarnikkut ilanngaataasussamik.


Qinnuteqaat, CV, ilinniarsimanermut- aamma pikkorissarsimanermut uppernarsaatit paasissutissallu allat attuumassutillit ilanngullugit ”Qinnuteqaat nassiuguk” toorlugu nassiunneqassaaq. 

E-mail-ikkut qinnuteqaatit tiguneq ajorpagut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk