Skip to main content
106

Dette jobopslag er udløbet

Aatsitassanut Inatsisinillu Atuutsitsinermut Naalakkersuisoqarfik Sullissinermut immikkoortortaqarfimmi naatsorsuutinut suliassaqarfimmi siunnersortimik/ kontorfuldmægtigimik sulisussarsiorpoq

Aatsitassanut Inatsisinillu Atuutsitsinermut Naalakkersuisoqarfimmi Sullissinermut immikkoortortaqarfik naatsorsuuserinermik suliassanut kiisalu nalinginnaasumik sullissinermut siunnersortimik/kontorfuldmægtigimik sulisussarsiorpoq. Atorfik sapinngisamik piaartumik imaluunniit isumaqatigiissuteqarneq malillugu inuttalerneqarnissamut inuttaqanngilaq.

Aatsitassanut Inatsisinillu Atuutsitsinermut Naalakkersuisoqarfik pillugu
Aatsitassanut Inatsisinillu Atuutsitsinermut Naalakkersuisoqarfiup ilaatigut Kalaallit Nunaanni aatsitassanut suliassaqarfimmi pingaarnertigut pilersaarusiorneq isumagisaraa, ilanngullugu aatsitassarsiorluni ingerlatassat pillugit politikkikkut oqaluuserisassanut tunngavissanik suliarinninnermut peqataanissaq kiisalu aatsitassanut suliassaqarfimmi aalajangiinerit atuutsinneqalernissaannik isumaginnittuulluni.
Aatsitassanut Inatsisinillu Atuutsitsinermut Naalakkersuisoqarfiup Ujarassiornermut Immikkoortortaqarfik kiisalu Aatsitassanut Aqutsisoqarfik, aatsitassarsiorluni misissuineq aamma aatsitassanik piiaaneq pillugit oqartussat suliassaannik isumaginnittuusoq, qanimut suleqatigai.

Atorfik pillugu
Suliaqarnermi ilaatinneqarput suliassat naatsorsuutinut tunngasut, ilanngullugit kontulersuineq aamma naatsorsuutini allattuineq, aningaasaqarnermi kontunik naligiissaarineq, akiligassallit aamma akiligassaqarfiusut, angalanerit akiligassartaannik suliaqarneq, naatsorsuuserinermut malitassat nutarterneqartarnerat, akiliinerit ingerlanneqarnerat, akiligassiinerit il.il. Siunnersorti/kontorfuldmægtigi aammattaaq pequtit allassimaffiannik nutarterisarnermut akisussaasuuvoq. Kiisalu pineqartoq suliffiup iluani ilitsersuutit malitassallu suliarineqarnerannut nutarterneqarnerannullu peqataassaaq kiisalu natsorsuutinut periaatsimut allamut – Microsoft AX (Prisme) – ikaarsaarnermut peqataassalluni. Suliassat naatsorsuuserinermut immikkoortortaqarfimmi pisortaq suleqatigalugu suliarineqassapput.
Sullissinermut immikkoortortaqarfimmiipput naatsorsuuseriffik aammalu nalinginnaasumik sullissivik. Sullissinermut immikkoortortaqarfik atorfinnik sisamanik sulisussaligaavoq.

Piukkunnassutsit:
Naalakkersuisoqarfik sulisumik eqeersimaartumik nammineersinnaasumillu, naatsorsuutinut suliassaqarfimmik ilisimannilluartumik, sulisussarsiorpoq. Marlunnik oqaaseqartuussaatit aammalu sullivimmit taamaaqataanit naleqquttunik misilittagaqaruit pitsaassalluni. Paasisimaarinnissaatit, eqaatsumik pissuseqarlutit aammalu suleqateqarluarsinnaallutit. Tuluttut oqalussinnaaneq iluaqutaassaaq.
Suliassani ilaatigut ilaatinneqarput:

  • /XAL-imi naatsorsuutini allattuineq
  • Kontuni naligiissaarineq malinnaanerlu
  • Angalanerniit akiligassanik isumaginninneq
  • Akiligassiissutinik suliaqarneq
  • Nunat allat aningaasaannik akiligassiissutinik akiliineq
  • Allattoqarfimmi suliassanngortartut assigiinngitsut

 Pingaartipparput:

  • XAL aamma IRIS kiisalu Prisme ilisimasaqarfigigitit
  • marlunnik oqaaseqartuusutit, aammalu tuluttut oqaluttaruit pitsaassaaq
  • suleqatiginnilluarsinnaasutit aammalu aaqqiissutissat sammillugit sulisartutit
  • assigiinngitsunik arlalinnik suliaqarsinnaasutit, aammalu ajornartorsiutaalersut sukkasuumik paasisinnaagitit
  • suliassat suliarinissaannut sakkortuumik akisussaaffeqarlutit misigisimasartutit


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk