Skip to main content
134

Dette jobopslag er udløbet

Aatsitassanut Inatsisillu Atuutsinneqarnerannut Naalakkersuisoqarfik Ujarassiuunik marlunnik aamma Qarasaasiatigut paasissutissaasivimmi sulisussamik ataatsimik sulisussarsiorpoq

Aatsitassat aamma ujarassiornermi ilisimatuussutsikkut paasissutissat nalunaarsukkat soqutigisaraagit kiisalu immikkoortortaqarfimmi ineriartortumi nunanit tamalaanit sunnersimaneqartumi sulerusuppit? Taava immaqa illiuvutit Aatsitassanut Inatsisillu Atuutsinneqarnerannut Naalakkersuisoqarfimmi Ujarassiornermut Immikkoortortaqarfimmi amigaatigisarput.

Atorfininnissap ullua: 1. december 2022 (imaluunniit isumaqatigiissuteqarneq malillugu).

Qarasaasiatigut paasissutissaasivimmi sulisoq
Pingaarnertut akisussaaffeqarfiit immikkoortortaqarfimmi ujarassiornermut ilisimatuussutsikkut qarasaasiakkut paasissutissaasivimmut tunngassuteqartussaavoq. Qarasaasiatigut paasissutissaasivinnik aatsitassarsiorluni misissuinermut attuumassuteqartunik nutaanik ineriartortitsinissaq aammalu qarasaasiatigut paasissutissaasiviit ingerlaavartumik allanngutsaaliorneqarnerannut pitsanngorsarneqarnerannullu suleriaasissanik atuutsitsilernissaq, suliassarissavatit. Aamma immikkoortortaqarfiup suliassaanni allani suleqataassaatit, ilanngullugit siunnersuinermik suliassat aammalu Kalaallit Nunaanni nunanilu tamalaani suleqatigisartakkat suleqatigalugit suliniutit.

Pingaartipparput illit:

  • teknikkikkut attuumassuteqartumik tunuliaqutaqartutit.
  • paasissutissanik nalunaarsukkanik suliarinninneq, qarasaasiatigut paasissutissaasivinnik ineriartortitsineq aqutsinerlu aammalu internet atorlugu paasissutissanik pilersuineq misilittagaqarfigigitit.
  • immikkoortortaqarfimmi allat suleqatigalugit digitalimik sulianik ineriartortitsinissaq kajungerigit piumassuseqarfigigillu.
  • aallussilluartartutit suleqatiginnillaqqittutillu.
  • aaqqissugaasumik, namminersorlutit angusassanullu sammisumik sulisinnaasutit.



Iluaqutaassaaq:

  • ujarassiornermi ilisimatuussutsikkut qarasaasiatigut paasissutissaasiviit misilittagaqarfigigukkit.
  • GIS misilittagaqarfigigukku imaluunniit ilisimasaqarfigigukku.
  • suliniutinik aqutsineq suleqatigisanik soqutigisalinnillu assigiinngitsunik akuutitsiviusartoq, misilittagaqarfigigukku.
  • Naatsorsueqqissaarnermut software-t misilittagaqarfigigukkit.



Ujarassiooq
Immikkoortortaqarfitsinnut ujarassiuunik marlunnik sulisussarsiorpugut, taakkunannga atorfiup aappaa aalajangersimasumik atorfiulluni aappaalu sivitsorneqarnissaa periarfissaqarluni ukiuni pingasuni suliniummut atorfinitsitsinerussalluni.

Atorfiit marluusut tamarmik aatsitassarsiorluni inuussutissarsiortunut, innuttaasunut, ilisimatuunut allanullu soqutiginnittunut ujarassiornermit paasissutissanik ingerlatitseqqiisarnermut tunngatillugu pingaarutilimmik inissisimapput. Ujarassiooq aalajangersimasumik atorfeqartussaq tamatuma saniatigut ujaqqanut pinnersaasiassanut suliassaqarfimmi siunnersuinermik suliaqartussaassaaq, taamaattumillu gemmologi iluani pikkorissaanermi ilaanissaq piareersimaffigissallugu.

Suliassaqarfiit pingaarneq tassaassaaq Kalaallit Nunaanni aatsitassanut periarfissaqarfiusunik ujarassiornermillu paasissutissanut nittarsaassinermullu najoqqutassanik suliaqarneq allatigullu paasissutissiisarneq. Nunani tamalaani nittarsaassinerit/nuisitsinerit aaqqissuuttussaassavatit peqataaffigisussaassallugillu, aammalu ujarassiornermi suliniutinut assigiinngitsunut atatillugu suliassaqarfiit akimorlugit suliassat ataqatigiissaartussaassallugit. Ujarassiornermut Immikkoortortaqarfiup ilisimatuussutsikkut sulinerani suleqataassaatit, ilanngullugu ujarassiornermut nunap assiliorneq, aammalu allaffissornikkut suliassat assigiinngitsut suliarisassallugit, soorlu ujarassiornermut apeqqutilliinernut akissuteqaatit, ujarassiornermut nalunaarusianik suliaqarneq, ujarassiornermi nakkutilliineq il.il.

Pingaartipparput, illit:

  • ujarassiornermi ilinniagartuujusutit
  • aallussilluartartutit suleqatiginnillaqqittutillu.
  • allattariarsornikkut oqaaseqatigiiliullaqqissutit.
  • tuluttut pitsaasunik piginnaasaqartutit.
  • aaqqissugaasumik, namminersorlutit angusassanullu sammisumik sulisinnaasutit.


Takorusupparput, illit:

  • aatsitassanut suliassaqarfiup iluani misilittagaqartutit, ujaqqat pinnersaasiassat misilittagaqarfigigukkit pitsaassalluni.
  • GIS misilittagaqarfigigit.



Uagut pilluata
Aatsitassanut Inatsisillu Atuutsinneqarnerannut Naalakkersuisoqarfippiami sulisut 20-t missaaniippugut. Tamatuma saniatigut immikkoortortaq Aatsitassanut Ikummatissanullu Aqutsisoqarfik Naalakkersuisoqarfiup ataaniippoq. Atorfik aaqqissuussaanermi Ujarassiornermut immikkoortortaqarfimmiippoq, tassaniillutik ujarassiuut pisortaat ataaseq aamma ujarassiuut 10-t.

Immikkoortortaqarfimmi ineriartortuartumi sioqqutaarillaqqissumilu ataqatigiiffiulluartumi aammalu suliatigut ineriartornissamut periarfissarissaartumi, ilaalissaatit. Immikkoortortaqarfiaraavugut, tamatumalu kingunerisaanik suliassaqarfiit piginnaasaqarfigilluakkavit soqutigisavillu suliaqarfiginissaannut pitsaanerpaanik periarfissaqalissaatit.

Pissarsiarissavat:

  • Suliffik pissanganartoq, unammilligassartaqartoq tamatigoortorlu.
  • Inuttut suliatigullu ineriartornissavit sunniuteqarfiginissaanut periarfissarissaartoq.
  • Akisussaaffeqarluni annertuumik kiffaanngissuseqarneq.
  • Sulinermi atukkat allanngorartinneqarsinnaasut.


Ujarassiornermut Immikkoortortaqarfik aatsitassanut suliassaqarfimmi Naalakkersuisunut ujarassiornermi ilisimatuussutsikkut siunnersuinermi pingaarnersaavoq. Immikkoortortaqarfiup Aatsitassanut Ikummatissanullu Aqutsisoqarfik, De Nationale Geologiske Undersøgelser for Danmark og Grønland (GEUS), ASIAQ allallu Kalaallit Nunaanni nunanilu allani kattuffiit qanimut suleqatigai.  

Naalakkersuisoqarfik pillugu annertunerusut atuarsinnaavatit uani www.govmin.gl aammalu Ujarassiornermut Immikkoortortaqarfimi sulineq pillugu quppersakkami uani.
 
Aningaasarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusoq aallaaviatigut sapaatip akunneranut nalunaaquttap akunnerit 40-t.

Qinnuteqartunut eqqortunik piukkunnassusilinnut immikkut siunnersortitut imaluunniit siunnersortaanertut tapeqarnissaq inassutigineqarsinnaassaaq.

Ineqarneq
Atorfiit arlaannut ataatsimut maleruagassat sukkulluunniit atuuttut malillugit sulisunut inissiamik pisatsersugaanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat annertunerusut
Ujarassiornermut Immikkoortortaqarfimmi atorfik pillugu annertunerusunik paasisaqarusukkuit, immikkoortortaqarfimmi pisortaq Anette Juul-Nielsen attavigisinnaavat, oqarasuaammi (+299) 346817 imaluunniit e-mail anjn@nanoq.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk