Skip to main content
130

Dette jobopslag er udløbet

Aatsitassanut Inatsisillu atuutsinneqarnerannut Naalakkersuisoqarfimmi pisortaq

Kalaallit Nunaanni Namminersorlutik Oqartussat Aatsitassanut Inatsisillu atuutsinneqarnerannut Naalakkersuisoqarfimmi misilittagalimmik pisortassarsiorpoq.

Aaqqissuussaaneq
Aatsitassanut Inatsisillu atuutsinneqarnerannut Pisortaqarfik sisamanik immikkoortortaqarpoq, Pisortaqarfimmi ingerlatsinermut immikkoortortaq, kiffartuussinermut aningaasaqarnermullu immikkoortortaq, ujarassiornermut immikkoortortaq, kiisalu inatsiseqarnermut immikkoortortaq. Aatsitassanut Aqutsisoqarfik Pisortaqarfiup oqartussaaffianiipportaaq.

Pisortaqarfik Namminersorlutik Oqartussat qitiusumik allaffeqarfiannut ilaavoq aatsitassaqarfimmi pilersaarusiornermik suliaqarfiulluni, aatsitassarsiornerlu pillugu naalakkersuinermi oqallinnermi tunngavissanik suliaqarfiulluni. Pisortaqarfiup ilanngullugu akisussaaffigivaa aatsitassarsiorneq pillugu inatsiseqarnermi atuutsitsineq.

Inatsiseqarneq pillugu suliassaqarfimmi pisortaqarfik danskit oqartussaasui pinerluttulerinermi eqqartuussiveqarnermilu inatsiseqarneq pillugu qanimut suleqatigivai. Suleqatigiinnermi tamatumani siunertaavoq Naalakkersuisut anguniagaat pingaarnersiuinerallu inatsiseqarnikkut atuutsitsinermi siuarsarneqarnissaat.

Suliffeqarfiuvugut pissanganartoq ineriartorfiusorlu. Suliffitsinni ulluinnaat attaveqatigiilluarnermik aalajangiinissamullu aqqutinik naatsunik sunnersimaneqarput, suliatigut angusat nammineq inuttut sunniuteqarfiginissaanut inissaqarluni.

Akisussaaffiit
Naalakkersuisoqarfiup pisortaata pingaarnertut suliassarai aqutsisoqatigiit allat peqatigalugit Naalakkersuisoqarfik ulluinnarni aqutarissallugu, kiisalu Aatsitassanut Inatsisillu atuutsinneqarnerinut Naalakkersuisoq naalakkersuisoqarfiup suliassaqarfii pillugit siunnersortassallugu.

Aammattaaq Naalakkersuisoqarfimmi pisortap makku akisussaaffigai:
Naalakkersuinikkut aqutsisut aalajangiinissaannut tunngavissiornissaq siunnersuinissarlu aamma anguniakkat naammassisassallu anguneqarnissaat qitiutillugu naalakkersuinikkut aalajangiinerit atortuulersinneqarnissaat
Naalakkersuisoqarfinnut allanut, aqutsisoqarfinnut, immikkoortortaqarfinnut, suliffeqarfinnut, paaqqinnittarfinnut suliaqartunullu allanut tunngatillugit naalakkersuisoqarfiup suliassaanik ataqatigiissaarineq, kiisalu taagorneqartut taakku pitsaasumik suleqatigiinnissaannut aqqutissiuussinissaq
Nalinginnaasumik allaffissornikkut malittarisassanik, ingerlatseriaatsinik pitsaassutsimullu piumasaqaatinik piviusunngortitsinissaq
Naalakkersuisoqarfimmik aqutsineq, matumani ilanngullugit: 

  • Aaqqissuussaassutsimik inerisaaneq aamma attaveqartarnernik atassuteqartarnernillu pitsaasunik erseqqissunillu pilersitsineq
  • Suliassanik pilersaarusiortarneq isumalluutinillu atuineq
  • Sulianut tunngatillugu ineriartorneq
  • Naalakkersuisoqarfimmi suleqatigisartakkanillu avataaneersunik suleqatigiilluartarnerup pitsanngorsaaffiginissaa

Piginnaasat
Atorfimmik inuttaliiniarnermi makku pingaartinneqarumaarput:

  • Naleqquttumik qaffasissumik ilinniagaqarsimasoq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq
  • Inuiaqatigiinnik kalaallinik, kalaallit kulturiannik oqaasiinillu paasisimasaqarluartutit ilisimasaqarluarlutillu
  • Iluaqutaassaaq atorfimmut assigusumik nunat tamalaat akornanni attuumassuteqartumik misilittagaqarsimaguit.
  • Akuersissuteqartarnermik, aatsitassarsiorneq pillugu isumaqatiginninniarnermik malittarisassiornermik il.il. misilittagaqarnissaq suliassaqarfilluunniit alla pillugu nunat tamalaat akornanni misilittagaqarnissaq iluaqutaasinnaavoq.
  • Naalakkersuisut, Inatsisartut kommunillu akornanni sunniiveqatigiittoqartarneranik ilisimasaqarluartutit
  • Pingaarnersiuinissamut siunnerfeqartumillu suliaqarnissamut, sunniuteqarnissamut angusaqartarnissamullu tunngatillugit piginnaasaqarluartutit
  • Suliffeqarfimmik naalakkersuinikkut aqunneqartumi sulianik aqutsinissamut misilittagaqarluartutit kiisalu aningaasanik aqutsinermi akisussaassuseqartutit
  • Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu illup iluani avataanilu suliaqartartunik peqataatitsisinnaassuseqartutit
  • Aqutsisinnaanermut ataqatigissaarisinnaanermullu piginnaasaqartutit, aammalu pilersaarutinik annertunerusunik sunniuteqarluartumik ingerlatsinissaq qulakkeersinnaagit
  • Attaveqarnermut suleqatiginninnissamullu piginnaasaqarluarnissaq.
  • Oqalulluni allalluniluunniit oqaatsinik piginnaasaqarluarnissaq, tuluit oqaasii ilanngullugit.
  • Inuttut angusaqarumassuseqartuullutillu ajornartorsiutinik aaqqiiniarumassuseqartuussaatit, najugarisamut naleqquttunik aaqqiissutissallu patajaatsuunissaannik pingaartitsisuullutit.


Attaveqartarfissat
Naalakkersuisoqarfiup pisortaa naalakkersuisoqarfiup suliassaqarfiini taamatullu sulianut tunngatillugu ingerlatsinermi naalakkersuisoqarfimmillu ingerlatsinermi Naalakkersuisut naalakkersuinikkut anguniagaasa piviusunngortinneqartarnerat pillugu apeqqutini Aatsitassanut Inatsisillu atuutsinneqarnerinut Naalakkersuisumut attaveqartarpoq.  Naalakkersuisoqarfinnut allanut tunngatillugu naalakkersuisoqarfiup suliassanik ataqatigiissaarisarneranut tunngatillugu apeqqutini, aamma nalinginnaasumik allaffissornikkut ingerlatsinermi anguniakkanik, malittarisassanik, periutsinik pitsaassutsinullu piumasaqaatinik il.il. malitseqartitsinissamut tunngatillugu apeqqutini naalakkersuisoqarfimmi pisortaq Naalakkersuisut Siulittaasuata Naalakkersuisoqarfiani pisortamut attaveqartarpoq.
 

Atorfinitsitaanermi atugassarititaasut
Atorfik ukiuni sisamani piffissalikkamik inuttarsarsiuunneqarpoq, piaarnerpaamik imaluunniit isumaqatigiissutit naapertorlugit atorfinittussamik. Atorfik akissaateqarfimmi LR 39/40-mi maanna inissisimavoq. Akissarsiat aalajangersimasumik agguartorneqarsimapput ukiunut aalajangersimasunut isumaqatigiissuteqarnermut tapit ilanngullugit LR 39  1. april 2022-miit qaammammut Kr. 89.391 qaammammut ukiumullu kr 1.072.692  taavalu soraarnerussutisiassat.

Aallaaviatigut isumaqatigiissutini atugassarititaasut malillugit atorfinitsitsisoqassaaq:  Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.

Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaarnerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut innersuussutigisimavaa.  Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.


Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat annertunerusut qinnuteqarfissarlu pillugit:
Aaqqissuussaaneq naalakkersuisoqarfiullu suliassai il.il. takuneqarsinnaapput www.naalakkersuisut.gl-imi.
Suliffissarsiorneq isumagineqarpoq jobs.gl-imit. Qinnuteqartut piukkunnartut oqaloqatigiinninnissamut qaaqqusassavavut.
Atorfik pillugu paasisaqarnerorusukkuit Naalakkersuisut Siulittaasuata Naalakkersuisoqarfiani Hans-Peder Barlach Christensen hape@nanoq.gl-mut saaffigisinnaavaat.
Atorfimmik inuttassarsiuineq pillugu apeqqutissaqaruit attavigisinnaavat Managing Partner Jan Mørch Pedersen jan@jobs.gl-imut imaluunniit oqarasuaatikkut +299 538 708/+45 5431 0600-imut.

CV, ilinniagaqarsimanermut pikkorissartarsimanermullu uppernarsaatit, paasissutissat allat ilanngullugit nassiunneqassapput toorlugu “Qinnuteqaat nassiuguk”.
Mail-ikkut qinnuteqaatit tiguneq ajorpagut.
Ulloq qinnuteqarfissaq kingulleq 5. juli 2022, nal. 12:00.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk