Skip to main content
98

Dette jobopslag er udløbet

Aatsitassanut Aqutsisoqarfimmi Pisinnaatitsissutinut immikkoortortaqarfik pikkorissumik suliassanik suliarinnittartumik sulisussarsiorpoq

Aatsitassarsiorfiutileqatigiiffiit pisortallu akornanni ataqatigiissitsisuunissaq piareersimaffigaajuk? Aammalu suliassaqarfimmi ineriartupiloortumi unammilligassat piareersimaffigaagit? Taamaappat Aatsitassanut Aqutsisoqarfimmi Pisinnaatitsissutinut immikkoortortaqarfimmi aallussilluartumik suleqatissarsiorpugut, ingerlatseqatigiiffinnut aamma inunnut ataasiakkaanut Kalaallit Nunaanni aatsitassarsiorlutik misissuisunut tunngatillugu akuersissutinut tunngasunik allaffissornikkut aqutseqataasussamik.

Atorfik
Pisinnaatitsissutinut immikkoortortaqarfimmi inissinneqassaatit. Suliassatit pingaarnerit tassaassapput akuersissutinik tunniussisarnermut tunngatillugu suliassanik suliarinninneq, aammalu ingerlatseqatigiiffinnut inunnullu ataasiakkaanut pingaarnertut attaveqaataaneq. Akuersissutit aalajangersimasut akisussaaffigilissavatit. Aammattaaq pisut malillugit Aatsitassanut Aqutsisoqarfiup aalajangersakkanik atugassarititaasunillu nutarterilluni ineriartortitsinermik suliaqarnerani peqataassaatit aammalu aqutsisoqarfiup paasissutissiinermik suliaqarneranut aamma nittarsaassineranut immersueqataassallutit.

Pisinnaatitsissutinut immikkoortortaqarfik immikkoortortaqarfimmi pisortamit aqunneqarpoq aammalu AC fuldmægtiginik pimoorussisunik 3-inik sulisoqarluni. Immikkoortortaqarfiarannguugatta, suleqatitaassatta suleqatigiinneq annertuumik pingaartissagaa aammalu pisariaqartitsilernermi suleqatiminut ikiuukkumasassasoq, pisariaqartipparput.

Ilisarnaataasussat
Pingaartipparput:
 

  • ataasiakkaatigut suliassanik suliarinninnermut misilittagaqartoq
  • ingerlatsinermut suliassanik suliaqarnissamut piumassuseqartoq piginnaasaqartorlu
  • suleqateqarsinnaassuseqarluartoq
  • paasisimaarinnilluartartoq aammalu aaqqiissutissanut immersueqataarusussuseqartartoq
  • tuluttut allattariarsornikkut oqalunnikkullu sulinissamut piginnaaneqarluartutit
  • qungujunnartunik nuannarisaqarluartutit aammalu persuarsiornanngitsumik nipeqarluni pissusilersullaqqissutit


Kalaallit oqaasii kulturiallu ilisimasaqarfigigukku annertuumik iluaqutaassaaq. Qinnuteqartunut Kalaallit Nunaata avataanersunut tunngatillugu, sungiusimasamit allaanerusumik kulturikkut piumasaqaateqarfiusumi sulinissamut inuunissamullu piumassuseqarneq piginnaaneqarnerlu pingaartinneqassaaq.

Aatsitassanut Aqutsisoqarfik
Aatsitassanut Aqutsisoqarfik Kalaallit Nunaanni aatsitassarsiornermik inerisaanermi pingaaruteqarluinnartumik inissisimavoq. Ingerlatseqatigiiffinnit aamma inunnit ataasiakkaanit aatsitassarsiorluni misissuinissamik kissaateqartunit pingaarnertut attavigineqartarpugut. Suliassat Kalaallit Nunaanni oqartussaasut sullissiviillu allat suleqatigalugit isumagineqarput, tamatumanilu inatsisilerinerup, ingerlatsivimmi ingerlatsinerup, aningaasaqarnerup, ujarassiornerup, teknikkip, pinngortitap avatangiisillu iluanni ileqquusumik suliassanut killissaliussat akimorlugit suleqatigiinnissaq aamma suliniutinik aqutsinissaq pisariaqarpoq.

Suliffeqarfiuvugut pissanganartoq ineriartortoq. Ulluinnarni sulinerput inussiarnersumik oqaloriaaseqarluni suleqatigiiffiuvoq aammalu qullersanut qanittumik inissisimalluni angusanut nammineq sunniuteqarsinnaanermut inissaqartitsiviulluni. Uagutsinnut annertuumik piumasaqarfigisarpugut aammalu suliassatta suliarinerini inernerinilu qaffasissumik pitsaassuseqartitsinissaq naatsorsuutigalutigu.

Aatsitassanut Aqutsisoqarfik Nuummi allaffeqarpoq immikkoortortaqarfinni marlunni 8-it missaannik amerlassuseqartunik sulisoqarluni: Pisinnaatitsissutinut immikkoortortaqarfik aamma Teknikkimut Nakkutilliinermullu immikkoortortaqarfik. Aatsitassanut Aqutsisoqarfik Aatsitassanut Suliffeqarnermullu Naalakkersuisoqarfiup ataaniilluni oqartussasuuvoq.

Inummut piukkunnartumut sinaakkutissat pilerinartut
Atorfik inuttut suliatigullu ineriartornissamut periarfissiilluarpoq. Suleqatit pimoorussisut suleqatigilissavatit, aammalu piffissami sivikitsuaqqami nutaanik ilikkagaqarsinnaanissaq misigissavat.

Paasissutissat annertunerusut
Atorfik pillugu paasisaqarnerorusukkuit, attaveqarfigisinnaavat Nadja Vedsted Sembach, Aatsitassanut Aqutsisoqarfimmi immikkoortortaqarfimmut pisortaq, uani:
oqarasuaat: (+299) 34 68 23 imaluunniit e-mail: navr@nanoq.gl

Kalaallit Nunaat aamma Namminersorlutik Oqartussat pillugit annertunerusumik paasisaqarnerorusukkuit www.naalakkersuisut.gl, aqqutigalugu Atorfiit ataanni paasisaqarnerusinnaavutit. Kalaallit Nunaanni aatsitassanut suliassaqarfik pillugu paasissutissat nittartakkatsinni uani www.govmin.gl nassaarisinnaavatit

Qinnuteqarneq
Qinnuteqarnissamut killigititaavoq ulloq 18 december 2020.

Atorfinitsitsinissamut oqaloqateqarnissat ingerlaavartumik ingerlanneqassasut naatsorsuutigineqarpoq. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut akunnerit 40-t suliffiusarput. Piffissat ilaanni qaangiuttoorlutit sulisarnissat naatsorsuutigissavat.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk