Skip to main content
131

Dette jobopslag er udløbet

Aatsitassanut Aqutsisoqarfimmi Pisinnaatitsissutinut immikkoortortaqarfik AC-fuldmægtigimik sulianut piginnaasaqarluartumik sulisussarsiorpoq

Aatsitassanut Aqutsisoqarfimmi Pisinnaatitsissutinut immikkoortortaqarfimmi ingerlatseqatigiiffinnut aamma inunnut ataasiakkaanut Kalaallit Nunaani aatsitassanik misissuiniartunut akuersissutinut tunngasunik aqutsinermut peqataasussamik AC-fuldmægtigimik pimoorussisinnaasumik sulisussarsiorpugut.
 
IT-mut piginnaasaqarluartumik, pitsaasunik tulleriissaartumik suliaqarnermik piginnaasaqartumik, inatsisilerinermik paasisimasaqartumik, aamma politikkimik paasinnillaqqissumik suleqatissarsiorpugut.
 
Aatsitassanut Aqutsisoqarfik
Aatsitassanut Aqutsisoqarfik Kalaallit Nunaanni aatsitassarsiornermik inerisaanermi pingaaruteqarluinnartumik inissisimavoq. Ingerlatseqatigiiffinnit aamma inunnit ataasiakkaanit aatsitassarsiorluni misissuinissamik kissaateqartunit pingaarnertut attavigineqartarpugut. Suliassat Kalaallit Nunaanni oqartussaasut sullissiviillu allat suleqatigalugit isumagineqarput, tamatumanilu inatsisilerinerup, ingerlatsivimmi ingerlatsinerup, aningaasaqarnerup, ujarassiornerup, teknikkip, pinngortitap avatangiisillu iluanni ileqquusumik suliassanut killissaliussat akimorlugit suleqatigiinnissaq aamma suliniutinik aqutsinissaq pisariaqarpoq.
 
Suliffeqarfiuvugut pissanganartoq ineriartortoq. Ulluinnarni sulinerput inussiarnersumik oqaloriaaseqarluni suleqatigiiffiuvoq aammalu qullersanut qanittumik inissisimalluni angusanut nammineq sunniuteqarsinnaanermut inissaqartitsiviulluni. Uagutsinnut annertuumik piumasaqarfigisarpugut aammalu suliassatta suliarinerini inernerinilu qaffasissumik pitsaassuseqartitsinissaq naatsorsuutigalutigu.
 
Aatsitassanut Aqutsisoqarfik Nuummi allaffeqarpoq immikkoortortaqarfinni marlunni 15-it missaannik amerlassuseqartunik sulisoqarluni: Pisinnaatitsissutinut immikkoortortaqarfik aamma Teknikkimut Nakkutilliinermullu immikkoortortaqarfik. Aatsitassanut Aqutsisoqarfik Aatsitassanut Suliffeqarnermullu Naalakkersuisoqarfiup ataaniilluni oqartussasuuvoq.
 
Atorfik 
Pisinnaatitsissutinut immikkoortortaqarfimmi inissinneqassaatit. Suliassatit pingaarnerit tassaassapput suliassanik suliarinninneranni suliassat akuersissutinik tunniussisarnermut tamatumalu kingorna Kalaallit Nunaanni aatsitassanik misissuinermik ingerlatassanik akuersissuteqartarnernut tunngassutillit. Aammattaaq pisut malillugit Aatsitassanut Aqutsisoqarfiup aalajangersakkanik atugassarititaasunillu nutarterilluni ineriartortitsinermik suliaqarnerani peqataassaatit aammalu aqutsisoqarfiup paasissutissiinermik suliaqarneranut aamma nittarsaassineranut immersueqataassallutit.
 
Ulloq suliffiusoq allanngorartuussasoq naatsorsuutigisinnaavat, tassani illit assigiinngitsorpassuartigut aatsitassanik ingerlatsivimmi aqutsineq suliaqarfigisinnaallugu.
Taamaattoq suliassanut aalajangersimasunut tunngatillugu, siusinnerusukkut misilittakkatit piginnaasaqarfitillu apeqqutaassapput.
 
Pisinnaatitsissutinut immikkoortortaqarfik immikkoortortaqarfimmi pisortamit aqunneqarpoq aammalu AC fuldmægtiginik pimoorussisunik 4-inik sulisoqarluni.
 
Ilisarnaataasussat
Pingaartipparput:

  • ilinniagartuutut ingerlaqqiffiusumik attuumassuteqartumik ilinniagaqarsimassasutit, pisortat ingerlatsivianni sulinermut ilisimasaqaruit iluaqutaassalluni
  • ingerlatsinermut suliassanik suliaqarnissamut piumassuseqartutit piginnaaneqarlutillu. Suliassanik suliarinninnermi misilittagaqarneq iluaqutaassaaq,
  • IT-mut piginnaasaqarluarneq allanngortoqarnissaanullu piareersimaneq. Pisinnaatitsissutinut immikkoortortaqarfik maannakkorpiaq IT atorlugu suliassanik suliaqarnermut periaatsimik allamik atuilernissamut ikaarsaaleruttorpoq,
  • IT atorlugu periaatsinik qarasaasiamilu paasissutissaasivinnik suliaqarnissamut soqutigisaqartoq pikkorissuseqartorlu,
  • paasisimaarinnilluartutit aammalu misissueqqissaarnissamik piginnaaneqarluartutit,
  • killissaliussat suleriaatsillu atugassiissutigineqartut iluanni tulleriissaartumik sulinissamut piginnaaneqartutit,
  • naleqquttumik misilittagaqartutit, pitsaassaaq politikkikkut/allaffissornikkut aaqqissuussaanermi suliffeqarsimanermeersuuppata,
  • tuluttut allattariarsornikkut oqalunnikkullu sulinissamut piginnaaneqarluartutit
  • qungujunnartunik nuannarisaqarluartutit aammalu persuarsiornanngitsumik nipeqarluni pissusilersullaqqissutit

Kalaallit oqaasii  kulturiallu ilisimasaqarfigigukku annertuumik iluaqutaassaaq. Qinnuteqartunut Kalaallit Nunaata avataanersunut tunngatillugu, sungiusimasamit allaanerusumik kulturikkut piumasaqaateqarfiusumi sulinissamut inuunissamullu piumassuseqarneq piginnaaneqarnerlu pingaartinneqassaaq.
 
Inummut piukkunnartumut sinaakkutissat pilerinartut
Atorfik inuttut suliatigullu ineriartornissamut periarfissiilluarpoq. Suleqatit pimoorussisut suleqatigilissavatit, aammalu piffissami sivikitsuaqqami nutaanik ilikkagaqarsinnaanissaq misigissavat.

Paasissutissat annertunerusut
Atorfik pillugu paasisaqarnerorusukkuit, attaveqarfigisinnaavat Rasmus Brock Kjærgaard oqarasuaammut (+299) 34 68 23 imaluunniit e-mail rabk@nanoq.gl
 
Kalaallit Nunaat aamma Namminersorlutik Oqartussat pillugit annertunerusumik paasisaqarnerorusukkuit www.naalakkersuisut.gl, aqqutigalugu Atorfiit ataanni paasisaqarnerusinnaavutit. Kalaallit Nunaanni aatsitassanut suliassaqarfik pillugu paasissutissat nittartakkatsinni uani www.govmin.gl nassaarisinnaavatit.

Qinnuteqarneq 
Qinnuteqarnissamut killigititaavoq ulloq 8. februari 2019.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk