Skip to main content
156

Dette jobopslag er udløbet

Aatsisartoqarfimmi nuutsisarfimmilu immikkoortortami pisortaq

Namminersorlutik Oqartussat kiffartuussinermut immikkoortortaqarfiat siuttuuffigerusuppiuk?  Taamaassappat atorfik pillugu uani annertunerusumik paasisaqarit. 
Aatsisartoqarfimmi nuutsisarfimmilu allaffik Naalakkersuisut Siulittaasuata Naalakkersuisoqarfiata kiffartuussinermut allaffeqarfianut ilaavoq. Nuutsisarfiup pingaarnerusutut suliassaa tassaavoq innuttaasut oqarasuaatikkut namminerlu takkunnikkut saaffiginnissutaat pitsaasumik suliarineqarnissaat.  Aatsisartoqarfik assigiinngitsorpassuarnik suliassaqartarpoq, soorlu VIP-inik angallassinerit, allakkanik suliaqartarnerit Inatsisartunilu ataatsimiittoqartillugu paarsisuusarneq. 
Nuutsisarfik aatsisartoqarfimmi nuutsitsisarfimmilu sulisut ataatsimut quliupput, nuussisarfimmi sulisut tallimaallutik aatsisartoqarfimmilu aamma tallimaallutik.
Immikkoortortami pisortatut suliassat makku pingaarnertut isumagisassaraatit:

  • Aalajangersimasumik atorfillit qulit pisortatut akisussaaffigineri
  • Sulisut sulinerminni pitsaasumik atugassaqartinnissaat aammalu suliosunik sulerusussuseqalersitsisarnerit
  • Suliassat allaffissornerullu ajunngitsumik ingerlanissaasa qulakkeertarnissaat

Naatsorsuutigaarput:

  • pisariaqartinneqartumik ilinniarsimassasutit imaluunniit suliamut assingusumik misilittagassasutit
  • aqutsisutut maligassiusinnaallutillu akisussaaffimmik tigumminnissinnaassasutit, sulerusussuseqalersitsinnaassasutit attaveqaqatigiuminartuullutillu.
  • Sullisserusussuseqartuussasutit
  • susassaqarfiit akimorlugit suleqatigiissitsilersinnaassasutit
  • ineriartortitsinissamut periarfissanik kajumissuseqarlutit ujartuillaqqissuussasutit

Aqutsisutut suilinermik misilittagaqaruit kalaallisullu allattariarsornikkut oqaluinnarnikkullu piginnaasaqaruit.iluaqutaassaaq
Atorfik suliassanik assigiinngitsunik unamminartorpassualik, inussiarnersumik suleqatigiiffiusoq aamma assigiinngitsunik suliassarpassualik akissussaaffeqatigiinnertalillu ilinnut neqeroorutigisinnaavarput.
Atorfik pillugu sukumiinerusumik paasisaqarusukkuit allaffimmi pisortaq Elisabeth Levisen Jensen, attavigisinnaavat oqa:  346792 imaluunniit ELE@nanoq.gl.
Atorfik 1. Septembari 2022 imaluunniit isumaqatigiissuteqarnikkut inuttalerneqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk