Skip to main content
153

Dette jobopslag er udløbet

Aasiaanni Gux-mi marlunnik pedel-it ikiortissarsiorpungut

Aasiaanni Gux-mi marlunnik pedel-it ikiortissarsiorpungut

Avannaani Ilinniarnertuunngorniarfia pedel-inut ikiortissarsiorpoq. Illut kollegiatut atorneqartut 17-it, inissiat 4-t missaanniittut, aamma ilinniarnertuunngorniarfiup kantiinaa.
Pedel-it sulisut massakkumut marluupput. Qaninnerpaatut ittorineqassooq teknik-imi aqutsisoq

Pedel-it ikiortiat ataani eqqaaneqartut suliarisassarivai:

  • Suliakkiissutinik pisinnaasaq malillungu suliaqarneq, suliakkiissutingineqartullu killiffii pedel-it ittuannut nalunaarutinginissai
  • Ukiukkut aputaajaanerit
  • Sillimaniarnermi akisussaaqataaneq
  • Assartungassanik biilinik assartuineq, uani ilai makkuupput kantinarmiut assartungassaat, allaffimmiullu allakkanik aalleraangata ingerlattarnissaat
  • Avannaani Ilinniarnertuunngorniarfiup silataa ilualu torersuunissaa qulakkiissallungu
  • Sulereernerup kingorna pilersaarusiamik sillimasuunissaq. Sillimasuulluni ammaanermi matusinermilu aaliangersimasunik suliassaqarpoq.
  • Avannaani Ilinniarnertuunngorniarfiata susassaqarfii tamaasa aserfallattaaliorlungit

Piffissaq suliffiusoq sapaatit akunnerannut nal. ak. 40-upput.

Suliffimmi assingusumi atorfimmi assersuunneqarsinnaasumi misilittagaqarneq iluaqutaalluassaaq. Piumasarissuarput kørekort B minnerpaamik pingineqassasoq.
Arlaannik ilinniangaqarsimanguit iluaqutaassooq.
pineqaatissinneqarsimannginermut uppernarsaammik tunniunneqassaaq.

Naatsorsuutigaarput 15 Februar 2022 aallartissinnaanerit imaluunniit piaartumik sulilersinnaallutit.

Attavissaq
Atorfimmut atatillugu paasissutissat sukumiinerusut pissarsiarineqarsinnaapput uunga saaffiginninnikkut: Dorthie Siegstad, dorthie@gux-aasiaat.gl immaqaluunniit mobil +299 56 01 46

Kingusinnerpaamik qinnuteqaateqarfissaq tassaavoq 1 Februar 2022.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk