Skip to main content
130

Dette jobopslag er udløbet

Aaqa peqqissaasutut assigisaanilluunniit ilinniarsimasumik pissarsiorpoq

Sungiusarfik Aaqa tassaavoq nuna tamakkerlugu ulloq unnuarlu tarnimikkut napparsi-masunut najugaqarfik arfinillinnik immikkoortortalik.  Immikkoortortat tallimat 32-nik inissallik, ornittagarlu 15-inik atuisulik. Najugaqartut / atuisut tamarmik skizofreni nappaatigivaat.

Sungisuarfik Aaqa, Aaqap napparsimaveeraani peqqissaasumik pissarsiorpoq sapaatip akunneranut 4o tiimit sulisartussamik.
Ulloq sulilerfissaq piaartumik imaluunniit isumaqatigiissuteqarnikkut.

Atorfik pillugu
Sungiusarfik Aaqa immikkoortortaqarfeqarpoq ”Napparsimaveeqqamik” taasartakkatsinnik, tassani peqqissaasup sundhedsassistent peqatigalugu makkuninnga suliassaqarpoq:

  • Sulisut nakorsaatit, nappaatillu pillugit pikkorissartarlugit
  • Ineqartut nappaatertik pillugu ilisimasaat annertusarlugu
  • Ineqartut timikkut peqqissusaata misissorneqarnissaanut akisussaasuulluni
  • Peqqinnissaqarfimmut nakorsaatinik, atortussanillu inniminniisarluni
  • Ineqartut nakorsaatai sapaatip akunnikkaartumik nakorsaasiviannut immiineq
  • Ineqartut kapitittartut kapisarlugit, psykiatrisk afdeling, A1 suleqatiginerani qulakkeerinninnissaq
  • A1 peqatigalugu nakorsaatit allattorsimaffiat qulakkeertarlugu
  • Aaqami sapaatip akunnikkaartumik katsorsaaneq pillugu naapeqatigiinnissamut pilersaarusiortarneq, peqataanerlu
  • Nakorsiartussat piffissamik inniminniissullugit, ingiallorlugillu
  • A1 suleqatigalugu ineqartut aaversinnissaat inniminnertarlugu
  • Ineqartoq qupinnguallatsinneqarluni katsornarneqarnissaanut ingiallorlugu
  • A1-mi katsorsaaneq pillugu ataatsimiinnerni aamma ineqartup angerlarnissaa pillugu ataatsimiinnerni peqataasarneq
  • Allaffissornikkut suliassat ataavartumik malinnaatillugit.


Pitsaaqutaassooq peqqissaasoq tarnikkut nappaatilinnik sullissereersimanissaa, ingammik skizofreni-mik nappaatilinnik, pissutigalugu najugaqartuutitta timikkut tarnikkullu anniaatit immikkoortissinnaanngimmatigit, taamaammat pingaaruteqarpoq peqqissaasup najugaqartut oqaloqatigisinnaassagai.
Peqqissaasoq tarnimikkut napparsimasut immikkoortortaqarfiat A1 Nuummiittumut isumaqatigiissutinut attaveqaatassaaq.
Aaqqissuussaanermut peqqissaasoq suleqatigiit 1-p ataaniippoq, tullersortimullu toqqaannartumik  inisisimalluni.
Naatsorsuutigaarput, Peqqissaasutut assigisaanilluunniit ilinniagaqarsimanissat, psykiatrilu pillugu ilisimasarnissat.
 

  • Aaqami ineqartunut attaveqarluartuussasutit.
  • Ilinniartitsinermut tunngasunik misilittagaqartutit, piumasaqaataanngilarli.
  • Tarnikkut nukuttuneq aamma qajannaatsuuneq, nammineerisamillu sulisinnaallutit.
  • Qiimasuuneq suleqatinut najugaqartunullu akaarinnittoq
  • Suleqatigiinni kulturip killingi akimorlugit ilinniakkallu tamat akornannut inississinnaaneq.
  • Suleqatinik najugaqartunillu naalaarluarsinnaaneq.
  • Kalaallisut qallunaatullu allassinnaaneq/atuarsinnaaneq/oqalussinnaaneq, kisiannili piumasaqaataanngilaq.
  • Siunissaq qaninnerusoq ungasinnerusorlu eqqarsaatigalugu sulisinnaaneq.
  • Pinerlussimannginnermut uppernarsaateqarneq.
  • Naatsorsuutigaarpoq inuk tamatigoortoq aalajaatsorlu qitiutinneqassasoq.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk