Skip to main content
92

Dette jobopslag er udløbet

Aalisarnermut, Piniarnermut Nunalerinermullu Naalakkersuisoqarfimmi / Aningaasaqarnermut immikkoortortaqarfik Allaffimmi fuldmægtigimik pissarsiorpoq

Sulilerfissaq 1. februar 2021 imaluunniit piaarnerpaamik
Aalisarnermut, Piniarnermut Nunalerinermullu Naalakkersuisoqarfimmi / Aningaasaqarnermut, Allaffissornermut HR-imullu immikkoortortaqarfik Allaffimmi fuldmægtigimik pissarsiorpoq. Atorfimmi pingaarnertut anguniagaq tassa, Naalakkersuisoqarfimmi naatsorsuuserineq, sulisunillu allaffissornikkut sullissineq. Aammattaaq allaffissornikkut suliassat allat, immikkoortortaqarfinnut ataasiakkaanut agguaassimanngitsut kiisalu allaffissornikkut sulisunik siunnersuisarnerit.

Atorfimmut tunngasut.
Inuttaasup qulakkiissavaa, naalakkersuisoqarfiup naatsorsuutitigut ingerlatsivia, akiligassatigut ilanngussat, akilikkanik allagartat,  tamarmiusut, malittarisassat ASA-mit atulersinneqartut naapertorlugit naligiissaarinernik ingerlatsisarnerit kiisalu suliassat allat naatsorsuusiorfiup ataani inissisimasut.
Naalakkersuisut Inatsisartullu naalakkersuinikkut anguniagassatut siunniussimasaat aalajangersimasaallu tamakkiisut naapertorlugit aningaasaqarnermut tunngatillugu pilersaarusiortarneq aalajangersimasunillu suliniuteqartarnissaq atorfinittussap isumagisassavai.
Naalakkersuinikkut siuttut siunnersorneqartarneri, tassunga ilanngullugu aalajangernissani naammattumik tunngavissaqartarnissaq kiisalu aalajangiussat maleruagassat, suleriaatsit pitsaassusissaanillu piumasaqaatit naapertorlugit atuutsilersinneqartarnissaat akisussaaqataaffigissavatit.
Missingersuutinik- naatsorsuutinillu malitseqartitsisarnertigut suliassat suliarisassavatit, tassunga ilanngullugu aningaasanut inatsisissatut siunnersuummut ilanngussassanik suleqataasarneq naalakkersuisoqarfiup immikkoortortaqarfii ataasiakkaat qanimut suleqatigalugit.

Suliassat

  • Naatsorsuuserivik
  • Nalimmassaaneq
  • Angalanernik naatsorsuinernik suliarinnitarneq
  • Aningaasaqarnermik aqutsineq
  • Missingersuutinik- naatsorsuutinillu malitseqartitsineq
  • Webtas-imut tunngasutigut siunnersuisarneq
  • Akiliutigineqartartut pillugit qinnuteqaatit
  • Akissarsianik nalimmassaanerit
  • Naatsorsueqqissaarutinik suliarinnittarneq
  • il.il.


Piginnaasat:
Naatsorsuutigaarput:

  • Niuernikkut allaffimmiutut attuumassutilimmik ilinniagaqarsimasutit
  • Atorfimmik assingusumik misilittagaqarsimanissaq
  • Namminersorlutik Oqartussani suleriaatsit, maleruagassat sakkullu ilisimasaqarfigigitit
  • Nammineerlutit, aaqqissuulluakkamik anguniakkanillu aalajangiussisimalluartuullutit sulisinnaasutit
  • Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasutit.
  • Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluartutillu
  • Kalaallisut danskisullu allattarissanik oqaluinnarlutillu erseqqissuliorsinnaassasutit
  • Suleqatigiuminartuusutit
  • Sulinermut suleqatinullu tamatigoortumik ilalaartumillu isummersinnaasutit


Attavigisassat/ilisimatitsissutit:                  
Atorfik pillugu sukumiinerusunik paasisaqarusukkuit, tikilluaqquneqarput attavigissallugu immikkoortumi pisortaq Pollas Lyberth oqarasuaat + 299 34 5302 imaluunniit e-mail: poly@nanoq.gl
Namminersorlutik Oqartussat pillugit paasisaqarnerorusukkuit paasissutissat allat www.nanoq.gl-imi, Atorfiit ataani atuarsinnaavatit.

Qinnuteqaat
Qinnuteqaammut killigititaasoq tassa ulloq 27. januar 2021.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk