Skip to main content
107

Dette jobopslag er udløbet

Aalisarnermut Piniarnermut Nunalerinermullu Naalakkersuisumut allatsi

Suliffimmi pissanganartumi ullunilu assigiinngisitaartuni suliffiusumi naalakkersuinermi aammalu aaqqissugaanermi suliassanik pissanganartunik avatangiisinilu allanngoraqisuni suliaqarnissamut piumassuseqarlunilu suliumassuseqartumik inummik piaartumik atorfinissinnaasumik sulisussarsiortoqarpoq.
Aalisarnermut, Piniarnermut Nunalerinermullu Naalakkersuisoqarfimmi pissanganartorpassuarnik, ukiuni aggersuni inuiaqatigiit ineriartortinneqarnissaannut qitiusorujussuarnik suliassaqarfeqarpoq. Taamaattumik suliaqarfiusoq innuttaasunit politiikerinillu annertuumik malinnaaffigineqarpoq.

Naalakkersuisup allattaata akisussaaffigalugillu suliassarissavai:
Naalakkersuisup allattaa aaqqissuussaanikkut Aalisarnermut, Piniarnermut Nunalernermullu Naalakkersuisoqarfimmi inissisimavoq makkuninngalu suliassanik suliarinnittussaalluni:

  • Naalakkersuisumut oqaluttarissatigut allakkatigullu saaffiginnissutit akineqarnissaannut ikiuunneq.
  • Naalakkersuisup naalakkersuisoqarfiani suliassat ingerlaavartut suliarinissaat isumagissallugu.
  • Naalakkersuisunut ilaasortap angalanissaanut ataatsimiinnissanullu ullorsiutaanik kiisalu suliassanut allanut Naalakkersuisunut ilaasortamik kiffartuussinermut attuumassutilinnik ingerlatsisinnaassasoq
  • Naalakkersuisoqarfimmi pisortaanerup immikkoortumi pisortat allat suliqatigalugit suliakkiissutigisinnaasai allat.
  • Oqaloqateqarnerni toqqaannartumik nutserisuusinnaaneq
  • Kiisalu kalaallisuumut nutserisinnaaneq

Naalakkersuisup angalanerani Naalakkersuisup allattaa ilaasassaaq taamaattumillu piffissap ilaatigut angalasarnissaq naatsorsuutigineqassaaq.

Pisinnaasat
Atorfimmut ilaavoq inuppassuarnut attaveqartarneq. Taamaattumik Naalakkersuisup allattaata ataqatigiissaarillaqqissuulluarnissaa aaqqissuusserusussuseqarnissaalu, ammasuunissaa kiisalu allattariarsornikkut oqaluttariarsornikkullu attaveqaqateqallaqqittuunissaa pingaaruteqarpoq.
Iluaqutaassaq kisiannili piumasaqaataanani naalakkersuisup allattaa politikkikkut allatulluunniit aaqqissuussaanikkut suliaqartarnermik misilittagaqarnissaa, assersuutigalugu soqutigisaqaqatigiit kattuffianneersuniit assigisaannilluunniit.
Naalakkersuisup allattaata Aalisarnermut, Piniarnermut Nunalerinermullu  Naalakkersuisoqarfimmi suleqatigisaasa suliassat assigiinngiiaartorujussuit naammassisarpaat.  Taamaattumik piumasaqaataavoq, pineqartup suliassat amerlasuut piffissakitsumik peqatigisaanillu assigiinngitsorpassuit malinnaaffigilluarlugit suliarisinnaassagai.
Sumik ilinniagaqarsimaneq aalajangiisuussanngilaq, kisiannili naalakkersuisumut allatsi Kalaallit Nunaanni inuiaqatigiinni inuussutissarsiornermilu pissutsinik ilisimasaqartuussaaq. Kissaatiginarpoq piumasaqaataananili, naalakkersuisumut allatsi kalaallisut danskisullu oqalussinnaallunilu allassinnaassasoq.  Tuluttut minnerpaamik oqaloqatiginnissinnaaneq naatsorsuutigineqarpoq.

Paasissutissat sukumiinerusut:
Atorfik pillugu sukumiinerusumik paasissutissanik pissarserusukkukkit Aalisarnermut, Piniarnermut Nunalerinermullu Naalakkersuisoqarfimmi naalakkersuisoqarfiup pisortaanut Jørgen Isak Olsen-imut saaffiginninnikkut ugguuna oqa. +299 34 50 00.
 
Una pillugu Naalakkersuisumut-tunngasut, aammattaaq takuuk www.naalakkersuisut.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk