Aalisarnermut Piniarnermullu Naalakkersuisoqarfimmi Aalisarnermut immikkoortortaqarfik, suliniutinik aqutsinermut imaluunniit Aalisarsinnaanermut akuersissutinut immikkoortortaqarfiup ineriartortinneqarneranut siulersuinermik aqutsisutut misilittagalimmik siunnersortaanermik imaluunniit siunnersortinut pisortamik pissarsiorpoq. Inuk tamatigoortoq immikkoortortaqarfimmi sulinermik kiisalu suliniutitut pilersaarutinik ineriartortitsinermut suliassanik arlalinnik pissanganartunik unammillernartunillu tulleriissaarisinnaasoq, aqutsisinnaasoq ataqatigiissaarisinnasorlu pissarsiariniarneqarpoq.

Aalisarnermik piniarnermillu inuussutissarsiornerup kiisalu politikkikkut anguniakkat naapertorlugit uumasunut nakorsaqarnermut tunngasut ineriartortinneqarnissaasa siuarsarneqarnissaat pingaarnertut Naalakkersuisoqarfiup suliassarai. Tassunga ilaallutik Inatsisartunit Naalakkersuisunillu suliassatigut malittarisassat aalajangersakkat ingerlanneqartarnissaat.

Aalisarsinnaanermut akuersissutinut immikkoortortaqarfik Aalisarnermut immikkoortortaqarfiup ataani immikkoortortaqarfiuvoq, immikkoortortaqarfimmi assigiinngitsut qanimut kiisalu inatsisilerinermut, aningaasaqarnikkullu pilersaarusiornermut immikkoortortaqarfik aamma Kalaallit Nunaanni Aalisarsinnaanermut Akuersissutinik Nakkutilliisoqarfik suleqatigineqarput. Suliatigut pisortatut Aalisarnermut immikkoortortaqarfimmi immikkoortortaqarfimmut pisortaq qanimut suleqatigalugu tamatuma ataqatigiissaarneqarnera siulersussavat. Avatangiisini pissanganartuni suliatigullu unammillernartuni sulineq pissaaq suliatigut ineriartornissamut periarfissaqarluni. Taamaalilluta suliffik nutaaliornermik nutaamillu eqqarsarnermik ukkatarinnittoq neqeroorutigaarput; sulineq, politikkikkut aalajangiiniarnerit ingerlasarnerinut qanittoq; avatangiisit persuarsiorfiunatillu ammasut suleqatit pimoorussissut; inuttut pissanganartut suliatigullu unammilligassat.

Atorfik pillugu
Aalisarsinnaanermut akuersissutinut immikkoortortaqarfimmut siunnersortaaneq imaluunniit siunnersortinut pisortaq pissarsiariniarneqarpoq, suliassai pingaarnerit tassaallutik allanngortiterineq ataqatigiissaassallugu immikkoortortaqarfiullu suliassai ineriartortissallugit. Immikkoortortaqarfik ingerlatsinermut suliassanik arlalinnik suliaqarpoq, ilaatigut aalisarnissamut akuersissutinik tunniussisarneq, pisassiissutinik niueruteqarnernik suliarinninneq aamma sinerissap qanittuani aalisarneq pillugu kommuninik suleqateqarneq. Immikkoortortaqarfik allanngortiterneqassasoq aalajangiisoqarpoq, suliassat arlallit immikkoortortaqarfimmut nuunneqassallutik, matumani ilanngullugit suliffiup iluani suliassat kiisalu suliassanik suliarinnittarneq ineriartortinneqarnerussalluni ilaatigut kommuninik aamma Digitaliseeriinermut Aqutsisoqarfimmik suleqateqarneq. Tamatuma saniatigut Aalisarsinnaanermut akuersissutinut immikkoortortaqarfiup ulluinnarni pisortaaffiginera immikkoortortaqarfiullu suliassaasa suliarineqarnerat Siunnersortaanerup imaluunniit siunnersortinut pisortap akisussaaffigilissavai.

Suliassat:

• Aalisarsinnaanermut akuersissutinut immikkoortortaqarfimmi sulisut suliamut tunngasunik aqunneqarnerannut akisussaaneq
• Suliassanut akisussaaffinnullu agguaanneqarsimasunut suliassanik pilersaarusiortarneq isumalluutinillu atuineq
• Immikkoortortaqarfiup ineriartortinneqarnera kiisalu immikkoortortaqarfimmut suliassat tunniunneqartut pilersaarusiornerat akisussaaffigilissavat,
• Maannakkut suliassanut suliassanullu takkukkumaartunut tunngatillugu ineriartornerup ataqatigiissaarnera, digitaliseriineq kommuninillu suleqateqarneq ilanngullugit.
• Naalakkersuisoqarfik Namminersorlutillu Oqartussat akimorlugit suleqatigiinnerup ataqatigiissaarneqarnera
• Aalisarnermut immikkoortortaqarfimmik suleqateqarnerup immikkoortortaqarfimmi pisortaq qanimut suleqatigalugu ataqatigiissarnera
• Immikkoortortaqarfimmi suliamut tunngasut ineriartornerannik qulakkeerineq, ilinniartut ilanngullugit
• Inatsisit malittarisassallu atuuttut naapertorlugit ingerlatsinissamut akisussaaneq
• Naalakkersuisoqarfimmi allaffissornikkut najoqqutassat, ingerlatseriaatsit, pitsaassutsimullu piumasaqaatit nalinginnaasut piviusunngortinnissaanut peqataasarneq
• Politikkikkut aqutsisut aalajangiinissamut tunngavissaannik suliarinnittarnerit pitsaassusaannik qulakkeerinninnissamut peqataasarneq aamma suliassat allaaserineqartut iluanni politikkikkut aalajangikkanik atuutilersitsinerit
• Sinerissamut qanittumi akuersissutinik tunniussineq, pisassiissutinik nuussinermik aamma pisassiissutinik niueruteqarnernik naammassinninneq

Piginnaasassatut piumasaqaatit:
Qinnuteqartoq tamatigoortoq naleqquttumik ilinniagalik pissarsiariniarneqarpoq aamma suliniutitut pilersaarutinik ineriartortitsinermik aamma/imaluunniit aqutsinermik misilittagaqarneq. Tamatuma saniatigut ilaatigut makkua piginnaasaqarfigineqassapput:

• Kalaallisut oqalunneq allattariarsornerlu
• Qallunaatut kalaallisullu oqaatsitigut pisinnaalluartutit,
• Suliniutitut pilersaarutinik aqutsinermik aamma/imaluunniit suliniutitut pilersaarutinik ineriartortitsinermik  misilittagalik
• Naleqquttumik ilinniagalik misilittagalillu, immikkut aqutsinermik misilittagalik
• Naalakkersuisoqarfiup Namminersorlutillu Oqartussat akisussaaffii tamakkerlugit ilaanilluunniit suliamut tunngasutigut misilittagalik
• Aqutsinermut suliassanik suliamut tunngasunik misilittagalik 
• Aaqqissuussamik suliaqartut akimorlugit attaveqaqatigiinnermik suleqateqarnermillu misilittagalik
• Suleqatikkuminarneq, ammasuuneq sungiussiasuunerlu.
• Aalajaanneq qiimasuulluarnerlu

Suliffiup sumiiffia Aalisarnermut, Piniarnermut Nunalerinermullu Naalakkersuisoqarfik, Nuuk Atorfik piaartumik inuttalerneqarusuppoq imaluunniit atorfimmut inummut tulluuttumik isumaqatigiissuteqarnikkut.

Atorfik pillugu paasissutissat pissarsiarineqarsinnaapput uannga Immikkoortortaqarfimmi pisortaq Katrine Kærgaard, katk@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk