Skip to main content
136

Dette jobopslag er udløbet

Aalisarnermut Piniarnermullu Naalakkersuisoqarfimmi Piniarnermut Aallaaniarnermullu immikkoortortami AC-fuldmægtigimik/konsulentimik erninermut atatillugu sulinngiffeqartumut paarlattussarsiorpoq

Aalisarnermut Piniarnermullu Naalakkersuisoqarfimmi Aalisarnermut immikkoortortaqarfik AC-fuldmægtigimik erninermut atatillugu sulinngiffeqartumut taartimik pissarsiorpoq.  Atorfininnissaq kingusinnerpaamik 1. juli 2022-mi isumaqatigiissuteqarnikkulluunniit pissaaq.

Atorfik pillugu
Atorfik qaffasinnerusumik ilinniagalinnut atorfiuvoq piniakkanik killilersukkanik killilersugaanngitsunillu aqutsineq aamma naalakkersuisuisumik naalakkersuisunillu sullissineq pingaarnertut suliassaqarfiullutik.
Immikkoortortaqarfipput anginngimmat suleqateqarluarsinnaassuseqassaatit suliassanullu nutaanut suliassaqarfinnut aammalu suliaqartussanik katitigaasut suleqatiginissaannut ammasuussallutit. Immikkoortortaqarfimmi suliassani unammilligassanik suliatigut ilisimasat atorlugit siunersiuilluni aaqqiiniartarneq qitiutillugu suleqatigiittarpugut.  Tamannalu peqatigisaanik nammineq akisussaaffigisani kivitsinissamut inuttut akisussaassuseqarneq annertooq pigalugu.
Immikkoortortami ulluinnarni sulineq ilaannikkut ulapaarfiusinnaasoq suliassarpassuaqarlunilu unamminartoqarsinnaavoq. Taamaasillutit ingerlatsinikkut suliassanik, suliniutinik suliaqarnissat piareersimaffigissavat aammattaaq ingerlatsinermut suliassanik suliaqarneq ingerlassinnaassallugu.
 
Suliassat
Suliassat piginnaasat malillugit iluarsaanneqassapput ilaatigullu makkuusinnaallutik;

  • Piniakkanik killilersukkanik killilersuugaanngitsunillu allaffissorneq aqutsinerlu
  • Piniarnermut akuersissusiorneq atulersitsinerlu.
  • Pisassiissutinik aalajangeriikkanik malinnaaneq nalunaarsuinerlu
  • Piniakkanik aqutsinissamut pilersaarusiornerit piujuartitsinissamullu suliniutinik ataqatigiissaarineq
  • Naalakkersuisumut Naalakkersuisunullu isummernissamut aalajangiinissamut isummernissamut tunngavissianik suliaqarneq
  • Suliassaqarfimmi Naalakkersuisumik kiisalu piniarnermut politikinut tunngasunik apeqqutinut tunngatillugu Naalakkersuisunik tamanik sullissineq.

 
Piginnaasarineqartussat:
Naatsorsuutigaarput, illit imaattuusutit:

  • Ilinniagartuutut naleqquttumik ilinniagaqarsimassasutit
  • Nammineerlutit, aaqqissuulluakkamik anguniakkanillu aalajangiussisimalluartuullutit sulisinnaasutit
  • Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasoq
  • Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluartutillu
  • Danskisut tuluttullu allattarissanik oqaluinnarlutillu erseqqissuliorsinnaassasutit. Kalaallisut oqalussinnaanissat allassinnaanissallu iluaqutaassaaq, piumasaqaataanngilarli.
  • Suleqatigiuminartuuneq.

 
Sulinermut suleqatinullu tamatigoortumik ilalaartumillu isummersinnaasutit
Allaffissornermik misilittagaqartuunissat, naalakkersuinermik avatangiiseqarlutit sulisimanermik misilittagaqartuunissat, piniarnermut naalakkersuinermik ilisimasaqartuunissat Kalaallit Nunaannilu pissutsinik ilisimasaqartuunissat iluaqutaassaaq.
 
Immikkoortortaqarfik pillugu
Piniarnermut Aallaaniarnermullu immikkoortortaqarfimmi Kalaallit Nunaanni piniarnermik aallaaniarnermillu naalakkersuinikkut ingerlatsinermik ulluinnarni allaffissornikkut aqutsineq piviusunngortitsisarnerlu suliarineqartarput. Kalaallit Nunaanni piniarneq aallaaniarnerlu assut naalakkersuinikkut eqqumaffigineqarpoq soqutigisat aporaassutaasartut amerlaqalutik. Tamannarpiaq pissutaalluni suliassaqarfik pissanganartuuvoq unammilligassartaqarlunilu.
Immikkoortortaqarfiup pisassiissutit aalajangersarneqarnissaannut inassuteqaatit suliarineqartarnerat aamma piniarsinnaanermut akuersissutinik inuussutissarsiutigalugu piniarsinnaanermut sunngiffimmilu piniarsinnaanermut allagartanik peqartunut tunniussisarnerit piareersartarlugit, ulluinnarni piniarnerup aallaaniarnerullu ingerlanneqarnissaa aammalu ineriartortinneqarnissaa akisussaaffigai. Inuussutissarsiortut suleqatigalugit aqutsinissamut pilersaarusiortarneq immikkoortortaqarfiup suliassaasa aamma ilagaat.
Atlantikup avannaani Nunanilu illugiilluni piniarnikkut isumaqatigiissuteqartarnerit immikkoortortaqarfiup akisussaaffigai, piniakkat ataatsimoorussat isumaqatiginninniutigineqarneri pillugit nunat sineriallit isumaqatigiinniartarnerannut peqataasarpoq, aqutseqatigiinnissamut kattuffinnut soorlu ukununnga NAMMCO, JCNB, JCPB aamma IWC. Politikikkut aalajangiisartut qanimut suleqatigineqarput, taamaattumik suliap ilarujussua naalakkersuisumik kiffartuussinerussaaq kiisalu suliassaqarfimmi Naalakkersuisut politikiinik malitseqartitsineq.
Erninermut atatillugu sulinngiffeqartumut taartaaffik 1. juli imaluunniit isumaqatigiissuteqarnikkut inuttalerneqarusuppoq.
 
Attavigisassat/ilisimatitsissutit:
Atorfik pillugu annertunerusumik paasisaqarusukkuit
Immikkoortortaqarfimmi pisortaq Amalie A. Jessen oqarasuaatikkut attaviginissaanut tikilluaqquneqarputit  + 299 34 5304 imaluunniit e-mail: amalie@nanoq.g
Namminersorlutik Oqartussat pillugit paasisaqarnerorusukkuit, paasissutissat allat www.nanoq.gl-imi, Atorfiit ataani atuarsinnaavatit.
 
Qinnuteqaat
Qinnuteqarnissamut killigititaq tassaavoq ulloq 17. juni 2022.
Atorfininneq isumaqatigiinnikkut imaluunniit kingusinnerpaamik 1. juli.
 
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Ineqarneq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk