Aalisarnermut Piniarnermullu Naalakkersuisoqarfimmi Aalisarnermut immikkoortortaqarfik Kalaallit Nunaanni inuussutissarsiutit pingaarnersaanni aqutserusussusilimmik – piumassusilimmillu – pissarsiorpoq.

Kalaallit Nunaanni aalisarneq pissanganartumik ineriartornermiippoq aalisarnermut inatsisissamik nutaamik malitsigisaanillu atuutilernissaanik aammalu aalisarnernut pingaarutilinnut tamanut aqutsiveqarfinnik pilersaarusiornermut suliaqarnermi. Aalisarnermut immikkoortortaqarfimmi suleqataasutut tamatumanilu inuiaqatigiit ineriartornerat sunneeqataaffigisinnaavat.

Suliassat
Suliassat piginnaasat malillugit aaqqissorneqassapput ilaatigullu makkuusinnaallutik;

• Aalisarnernik nutaanik aqutsiveqarfinnillu periusissatigut, politikikkut allaffissornikkullu ineriartortitsineq
• Aalisarnermut tunngatillugu nunanik tamalaanik suleqateqarneq isumaqatiginninniartarnerillu
• Avataasiorluni sinerissamullu qanittumi aalisarnernik ingerlareersunik ineriartortitsineq ingerlatsinerlu
• Aqutsiveqarfimmut pilersaarusiornerit piujuartitsinissamullu suliniutinik uppernarsaatinillu ataqatigiissaarineq
• Aalisarsinnaanermut akuersissutinik tunniussisarneq
• Aalisarnermut tunngatillugu misissueqqissaarnerit nalunaarusiornerillu aamma siunissami aalisarnermut periusissiornerit
• Nunanik allanik aamma nunamik, pisortani oqartussanik nunami namminerisami nunanilu tamalaani suliffeqarfinnik suleqateqarneq ataqatigiissaarinerlu
• Suliassaqarfimmi Naalakkersuisumik kiisalu aalisarnermut politikinut tunngasunik apeqqutinut tunngatillugu Naalakkersuisunik tamanik sullissineq

Atorfimmut atatillugu angalangaatsiartarnissaq naatsorsuutigineqassaaq.

Piginnaasarineqartussat:
Naleqquttumik ingerlaqqiffiusumik ilinniagaqarsimasumik tullinnguuttunillu piginnaasalimmik pissarsiortoqarpoq:

• Nammineerluni suliaqarsinnaasoq, aaqqissuulluakkamik anguniakkanillu aalajangiussisimalluartuulluni sulisinnaasoq
• Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasoq
• Pitsaasumik attaveqalersitsisinnaassuseqarluartoq, sulisinnassuseqarluartoq sunniuteqaqataasinnaassuseqarluartorlu
• Sulinermut suleqatinullu sungiussiasumik kiinnerartumillu pissuseqartoq
• Danskisut tuluttullu allattarissanik oqaluinnarlutillu erseqqissuliorsinnaasoq
• Kalaallisut oqalussinnaaneq allassinnaanerlu iluaqutaassaaq, piumasaqaataanngilarli.
• Allaffissornermik misilittagaqaruit aamma/imaluunniit politikikkut sulinerup iluani misilittagaqaruit pitsaasuussaaq,
• Aalisarnermut politikimut/aqutsinermut kalaallinillu inuiaqatigiinnut ilisimasaqarneq aamma pitsaasuussaaq.

Immikkoortortaqarfipput anginngimmat suleqateqarluarsinnaassuseqassaatit suliassanullu nutaanut suliassaqarfinnut aammalu suliaqartussanik katitigaasut suleqatiginissaannut ammasuussallutit. Immikkoortortaqarfimmi suliassani unammilligassanik suliatigut ilisimasat atorlugit siunersiuilluni aaqqiiniartarneq qitiutillugu suleqatigiittarpugut. Tamatuma sanitigut nammineq akisussaaffigisat isumaginissaannut nammineerluta annertuumik akisussaaffeqarpugut aammalu inuttut suliamullu atatillugu ineriartornissamut periarfissaqarluarluni.

Immikkoortortaqarfik pillugu
Aalisarnermut immikkoortortaqarfimmi Kalaallit Nunaanni aalisarnermik naalakkersuinikkut ingerlatsinermik ulluinnarni allaffissornikkut aqutsineq piviusunngortitsisarnerlu suliarineqartarput. Aalisarneq Kalaallit Nunaanni inuussutissarsiutaavoq pingaarnerpaaq taamaattumillu politikikkut annertuumik eqqumaffigineqarpoq inuussutissarsiummullu soqutigisaqartunik qanimut suleqateqartoqarluni.
Immikkoortortaqarfiup pisassiissutit aalajangersarneqarnissaannut inassuteqaatit suliarineqartarnerat aamma kalaallinut nunanilu allamiunut umiarsuaatilinnut aalisartunullu aalisarsinnaanermut akuersissutinik tunniussisarnerit, ulluinnarni aalisarsinnaanerup ingerlanneqarnissaa aammalu ineriartortinneqarnissaata qulakkeerneqarnissaat akisussaaffigai. Inuussutissarsiortut suleqatigalugit aalisartunut tunngatillugu aqutsinissamut pilersaarusiortarneq immikkoortortaqarfiup suliassaasa aamma ilagaat.
Atlantikup avannaani EU-milu Nunanilu illugiilluni aalisarnikkut isumaqatigiissuteqartarnerit immikkoortortaqarfiup akisussaaffigai, aalisakkat ataatsimoorussat isumaqatiginninniutigineqarneri pillugit nunat sineriallit isumaqatigiinniartarnerannut peqataasarpoq, nunani aalisartut kattuffiinut soorlu ukununnga NAFO, NEAFC aamma NASCO taamatullu nunat avannarliit issittormiullu suleqatigiinnerinut.
Politikikkut aalajangiisartut qanimut suleqatigineqarput, taamaattumik suliap ilarujussua naalakkersuisumik kiffartuussinerussaaq kiisalu suliassaqarfimmi Naalakkersuisut politikiinik malitseqartitsineq.

Attavigisassat/ilisimatitsissutit:
Atorfik pillugu annertunerusumik paasisaqarusukkuit tikilluaqquneqarputit attavigissallugu
immikkoortortaqarfimmi pisortaq Katrine Kærgaard oqarasuaatikkut + 299 34 5365 imaluunniit e-mail:     katk@nanoq.gl            
Soqutiginnikkuit qinnuteqaativit tigunissaa kingusinnerpaamik 15. April 2023 qilanaaraarput.
Namminersorlutik Oqartussat pillugit paasisaqarnerorusukkuit, paasissutissat allat www.nanoq.gl-imi, Atorfiit ataani atuarsinnaavatit.


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk