Ilinniarninnut atatillugu suliffimmik, politikikkut aalajangiinernut qanimut malinnaaffiusumi, Kalaallit Nunaanni piniarnermik inuussutissarsiummik ingerlatsinermi suliffimmilu ingerlariaatsimik paasinniffiusumi soqutiginnippit? Ilinniartumik piaartumik ikiortissarsiorpugut.
 
Suliassat
Sulineq sukkasuumik ingerlavoq, suliassatit ullormiit ullormut allanngorartassapput, ilaatigut Piniarnermut immikkoortortaqarfik ukuninnga ikiortassavat;
 

• Akuersissutinikqarasaasiakkut aqutanik ilusilersuineq annikitsumillu sullissinermik suliaqarneq.
• Suliniutinut ikiuineq, tassunga atatillugu ataqatigiissaarineq aammalu attaveqaqatigiinnermut suliassat
• Saaffiginnissutinik akissuteqarneq, kukkunersiuineq aammalu allakkialiorneq
• Attaveqaqatiginnikkut suliassat soorlu nittartakkatsinni paasissutissanik nutarsaaneq
• Ataatsimiinnernut pilersaarusiorneq ataatsimiitsitsinerlu, tamatumunngalu imaqarniliortuuneq
• Piniarnermut aallaaniarnermut paasissutissanik qarasaasiami databaseni suliaqarneq (paasissutissanik ”amusineq”)
• Suliassallu suliareqquneqarsinnaasut allat.

 
Piginnaasat:
Naatsorsuutigaarput ilinniakkamik attuumassutilimmik ilisimatusarnermut ilinniagaqartuusutit, assersuutigalugu, inuiaqatigiilerineq, oqaasilerineq, atuakkialerineq aamma tusagassiuutilerineq imaluunniit allaffissorneq:

• Isumagissuuneq, sullisserusussuseqartuuneq suliffimmilu politikikkut ingerlanneqartumi sulinissamut soqutiginnittuuneq.
• Suliassanut tunngatillugu ikiuutillaqqissoq suliassallu eqqarsaatigalugit aalajaatsuusoq.
• Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qulakkeerinninnissamut piareersimassasoq
• Qallunaatut tuluttut kalaallisullu allannikkut erseqqissuliorsinnaasoq
• Suleqatigiuminartuuneq.

Immikkoortortaqarfik pillugu
Piniarnermut immikkoortortaqarfimmi ulluinnarni allaffissornermik ingerlatsisuni aammalu Kalaallit Nunaanni piniarnermut politikimik atuutsitsilersitsisartuni ilaalissaatit. Kalaallit Nunaanni piniarneq assut naalakkersuinikkut eqqumaffigineqarpoq soqutigisat aporaassutaasartut amerlaqalutik. Tamannarpiaq pissutaalluni suliassaqarfik pissanganartuuvoq unammilligassartaqarlunilu.
 
Immikkoortortaqarfiup pisassiissutit aalajangersarneqarnissaannut inassuteqaatit suliarineqartarnerat,  piniarnermullu akuersissutinik tunniussisarnerit, ulluinnarni piniarnerup ingerlanneqarnissaa aammalu ineriartortinneqarnissaa akisussaaffigai. Uumasoqatigiinnut ataasiakkaanut ingerlatsinermut pilersaarusiortarneq immikkoortortaqarfiup suliassaasa aamma ilagaat.
 
Atlantikup avannaani Nunanilu illugiilluni, nunap immikkoortuini nunallu tamat akornanni pinarnikkut isumaqatigiissuteqartarnerit immikkoortortaqarfiup akisussaaffigai, piniakkat ataatsimoorussat isumaqatiginninniutigineqarneri pillugit nunat sineriallit isumaqatigiinniartarnerannut peqataasarpoq, nunani piniartut kattuffiinut soorlu ukununnga NAMMCO, JCNB, JCPB aamma PBRS.  
  
Persuarsiunngitsumik avatangiiseqarluta sulivugut suliassallu assigiinngiiaartorpassuit naammassiniartarlugit, inuttut ataasiakkaarluta aamma suleqatigiinni assigiinngitsunik inuttalinni annikinnerusuni aamma pisortat suliassaqarfiinik allanik kattuffinnillu akuttunngitsumik suleqatiginnittarluta. 
Piniararnermut immikkoortortaqarfik Kalaallit Nunaannilu piniarneq pillugu maani annertunerusumik atuarit: Naalakkersuisut.gl/departementer/dep_for_fiskeri_og_fangst/fangst_og_jagt?sc_lang=kl-gl

Attavissaq/paasissutissat:
Atorfimmut tunngatillugu paasissutissanik allanik pisariaqartitsiguit immikkoortortaqarfimmi pisortaq Amalie A. Jessen attaveqarfigisinnaavat oqarasuaatikkut   + 299 34 5304 imaluunniit e-mail: amalie@nanoq.gl, imaluunniit Immikkut Siunnersorti Masaana Dorph  +299 345334, imal. E-mail mado@nanoq.gl, imaluunniit AC fuldmægtig Naja Holm + 299 345336 imal. e-mail naho@nanoq.gl
 
Namminersorlutik Oqartussat pillugit paasisaqarnerorusukkuit, paasissutissat allat www.nanoq.gl Atorfiit ataani atuarsinnaavatit.
 
Qinnuteqarneq
Qinnuteqarnissamut ulloq piffissarititaatoq kingulleq tassaavoq 23. februar 2023.
 
Sulilerfissaq piaarnerpaamik isumaqatigiinnikkulluunniit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk