Skip to main content
130

Dette jobopslag er udløbet

Aalisarnermut Piniarnermullu Naalakkersuisoqarfik, Kalaallit Nunaanni Uumasunut Nakorsaqarfik Inuussutissalerinermullu Oqartussaaffik Uumasut nakorsaattut taartaasussamik pissarsiorpoq

Uumasut nakorsaattut piginnaasatit tamakkiisumik atortarusuppigit, suliassanillu assigiinngitsunik anguniagaqarfiusumik nammineerlutillu sulisarusuppit - taamaappat Kujataani atorfimmik pissanganartumik tamaviaarnartumillu neqeroorfigisinnaavatsigit.
 
Atorfik pillugu:
Kalaallit Nunaanni Uumasunut Nakorsaqarfik Inuussutissalerinermullu Oqartussaaffik (UNIO) Nunarput tamakkerlugu uumasunut nakorsaqarnermut inuussutissalerinermullu tunngasut akisussaaffigai. Nunatta kujataani Uumasut nakorsaattut taartaasutut uumasunut nakorsaqarnermut tunngasut suliassat soorlu savaatilinnik siunnersuinerit, nakorsiartitsinerit, uumasuutilinnut tikeraartarnerit aamma savaatinik nersutaatinillu nakkutilliisarnerit pingaarutilittut suliassaapput taakkulu nakorsiartitsisartutut misilittagaqarnermik namminersorsinnaanermillu pisariaqartitsipput.
Nunatta kujataani uumasuutilinnik nakkutilliinermut pissusissamisoortumik aamma suliassartarivai toqoraanermi misissuinerit toqoraavimmilu inuussutissalerivinnilu allani nakkutilliisarnerit. Tamanna ukiassariartulernerani ukialerneranilu pigajunnerusarpoq.
Suliassanut tamakkununnga ingerlatassat isumaginiarlugit angalajumassuseqarneq angalasinnaanerlu piginnaasaralugit naatsorsuutigineqassapput.

Uumasut nakorsaattut aamma naatsorsuutigineqarpoq UNIO-mi nalinginnaasumik suliassaqarfiit peqataaffigisassagitit aamma UNIO-p ingerlanneqarsinnaaneranut siunissarlu ungasinnerusoq eqqarsaatigalugu ineriartortinneqarnissaanut peqataassasutit. Suliassat soorlu uumasunik inuussutissanillu nunatsinnut eqqus­sisarnermut nunatsinniillu annissisarnermut tunngatillugu innutaasunik siunnersuisarneq, ilitsersuutinik aamma suliassat ingerlanneqartarneranit malitassanik suliarinnerit taaneqarsinnaapput.
 
UNIO-mi maannakkorpiaq ataatsimik Uumasut Nakorsaanertut taartaasoqarpoq, uumasut nakorsaat sisamat kiisalu nakkutilliisartut inuussutissalerinermut sulianik misilittagaqartunik marlunnik sulisoqarpoq.
Aaqqissugaaneq eqqarsaatigalugu Kalaallit Nunaanni sumiiffinni assigiinngitsuni marlunni agguarneqarluta inissisimavugut atorfigiligassallu Qaqortumi inissisimavoq. Uuma­su­nut Nakor­saqarfik Inuussutissalerinermullu Oqartussaaffimmi Uumasut Nakorsaanermut Nuummi inissi­simasumi ulluinnarni attaveqartassaatit. UNIO-mi sulisut allat Nuummi inissisimapput pingaarnertullu suliassaraat naalakkersuisumik innuttaasunillu sullissineq, nakkutilliiartortarnerit, uumasunik illersuinernillu nakkutiginninnerit aammalu oqartussatut suliassat allat soorlu killeqarfinni nakkutilliinerit.
 
Suliffiup saniatigut uumasut nakorsaattut namminersortutut sulisinnaanissaq periarfissaavoq.
 
Ilinnut tunngasut:
Uumasut nakorsaatut (Cand.med.vet) ilinniagaqarsimassaatit Qallunaat Nunaanniillu piginnaatitaaffeqassallutit.
 
Suliffik nuannaralugu suliffigisinnaassagukku makku iluaqutaapput:

  • tamakkiisumik isiginnissinnaassuseqarnissat, aaqqissuussamik sulisinnaassuseqarnissat suliassannillu pilersaarusiorluarsinnaassuseqarnissat.
  • suleqatinik, innuttaasunik, oqartussanik allanik soqutigisaqartunillu suleqateqarluarsin­naassu­seqarnissat.
  • nammineerluni sulisinnaassuseqarnermik nuannarisaqassaatit pisuni ilungersu­nartor­siorfiusuni eqqarsarluarsinnaassuseqassallutillu.
  • Nakorsiartarfimmi toqoraavimmilu suliaqarnermik misilittagaqassaatit.
  • Oqartussat aqutsiveqarfiani ajornanngippallu inuussutissalerinermik uumasut nakorsa­qarnermilluunniit suliaqarnermik misilittagaqassaatit.
  • Kalaallisut oqalussinnaallutillu allassinnaaguit iluaqutassaaq. 
  • Arlalinnik oqaaseqartuussaatit. Allaffimmi ulluinnarni sulinermi danskisut oqaatsit atorneqarput annikitsumillu tuluit oqaasii atorneqartarlutik.

 
Neriuppugut qiimasuusutit immikkoortortaqarfimmilu immitsinnut ungasilluta suliffigisatsinni taamaattorli immitsinnut pisariaqartitsiffiusumi suliassallu naammassineqarnissaat anguniarlugu suleqatigiiffiusartumi persuarsiorfiunngitsumik nuannersumillu oqaluffiusartumi sulisinnaas­suseqassasutit.

Aningaasarsiaqartitaanermi atorfeqartitaanermilu atugassarititaasut
Akissarsiat atorfinitsitaanermullu tunngasut, taakkununnga ilaallutik atorfinikkiartorluni soraarnermilu angalanissanut pequtinillu nuussinermut tunngasut atorfininnerup nalaani Namminersorlutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.
Qinnuteqartunut tjenestemanditut atorfeqareersunut tjenestemanditut atorfinitsitsisoqarsinnaassaaq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.
Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq. 

Ineqarneq
Atorfinittussamut maleruagassat sukkulluunniit atuuttut naapertorlugit sulisunut inissiamik utaqqiisaagallartumik pequsersoriigaasumik inissaqartitsisoqarsinnaavoq. Ineqarnermut akiliut qularnaveeqqusiissullu inissiamut innersuunneqartumut maleruagassat sukkulluunniit atuuttut malillugit akilerneqartassapput. Ineqarnermut akiliut inissiallu pitsaassusaa inissiap pisoqaassusaa, piginnittoqarnera il.il. apeqqutaallutik allanngorarsinnaapput. Sulisunut inissiaq atorfeqarnermut atasuuvoq, atorfeqarnerullu atorunnaarnerani qimanneqartussaalluni..

Paasissutissat allat
Atorfik pillugu sukumiinerusumik paasisaqarusukkuit Uumasut Nakorsaanertut taartaasoq Stella Ege Kristensen oqarasuaat +299 345390 / +299 551997 imaluunniit allagaqarlutit uunga uumasut@nanoq.gl attaviginissaanut tikilluaqqusaavutit.
Kalaallit Nunaat Namminersorlutillu Oqartussat pillugit annertunerusumik paasisaqarusukkuit, ugguuna atuarsinnaavatit:

Qinnuteqaat
Qinnuteqaat naalakkersuisoqarfiup tigoreersimassavaa kingusinnerpaamik ulloq maajip 26-ianni 2022 tigoreersimassavaa.
Atorfinitsitsinissamut oqaloqatiginninnissat ataavartumik ingerlanneqassapput attaveqaatit atorneqarsinnaallutik taamatullu atorfinitsitsineq ataavartumik pisinnaalluni.
Piaartumik atorfinittoqassaaq.
Qinnuteqaammut ilinniakkanut uppernarsaatit attuumassuteqartut nuutsinneri ilanngullugit kiisalu siusinnerusukkut suliffigisimasanit oqaaseqaatit qinnutigineqassapput ataani iserfigisassakkut nassiunneqassapput.
"Atorfik maanna qinnuteqarfigiuk"

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk