Inussuk IT – Grønlands Fællesoffentlige IT-mi ERP atuisut sullissivianut Økonomisystem konsulent-inik marlunnik suleqatissarsiorpugut, naatsorsuuserinermik aningaasanillu aqutseriaatsinik ilisimasalinnik.
 
AX Prisme tassaavoq pisortat ataatsimoorussamik ERP-system atugaat, taannalu kommunit tallimaasunit Namminersorsutillu oqartussani atorneqarpoq. Inussuk IT – Grønlands Fællesoffentlige IT-p akisussaaffigaa ulluinnarni ingerlanneqarnera aammalu atuisuinik sullissineq. Uanilu illit suleqatitit peqatigalugit qitisumik inissisimassaatit.
 
Suliassatit
Kontorchef-imut akisussaaffeqarlutit suliassanik ukuninnga suliaqassaatit:

• Kommunini Namminersorlutik Oqartussanilu økonomimedarbejderinut ikiuineq
• AX Prisme-i atuisunik aqutsineq
• Suleqatitit peqatigalugit ilinniutinik ilitsersuutinillu suliaqarneq
• Kommuneni Namminersorlutik Oqartussanilu atuisunut attaveqarneq
• Inussuk IT-p suliassaataanut allanut ikiuunneq

Piginnaasatit
Uku piginnaasaqarfigissagitit pingaartipparput:

• Regnskabsprincippit ilisimalluassagitit
• Økonomistyring aamma økonomisysteminik suliaqareersimanissaq, soorlu AX (Prisme)
• Supportfunktionimi suliaqareersimanissaq
• Ilinniartitsinermik suliaqareersimanissaq
• Kalaallisut qallunaatullu oqalussinnaanissaq aammalu tuluttut oqaatsit ilisimasaqarfiginissaat

Pingaaruteqarpoq sukkasuumik peqqissaartumik isumatusaartumillu suleriaaseqarnissat.
Sullitarnut suleqarternullu inussiarnersumik pissuseqassaatit. Suliat assigiinngiiaartut tamakkiisumik isigalugit nikerartumik suliarisinnaassavatit, pimoorussineq tulleriiaarinerlu aallaavigalugit.

Ilinniarsimanerit
Suliamut naleqquttumik ilinniagaqarsimassaatit.


Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut
Kalaallit Nunaanni inuiaqatigiit digitalikkut ineriartornerisa siuarsarnissaa, tassunga
ilanngullugu pisortat allaffissorneranni pisariillisaaneq.Tamanna Inussuk IT-miik 
annertuumik peqataaffigaarput. Inussuk IT siulersuisoqarluni ingerlavoq, siulersuisut Kommuneneersuullutillu Namminersorlutik Oqartussaneersuupput. Sulisut Namminersorlutik Oqartussani atorfeqarput.

Neqeroorutigaagut
Atorfik assigiinngitsunik suliaqarfiusoq, namminersorfiusoq unammisassaqarfiusorlu
neqeroorutigaarput, suliamik ingerlatsinermi inuttullu ineriartornissamik periarfissiisoq.
Suleqatit pikkorissut tunniusimasullu peqatigalugit persuarsiorani suliffimmi
avatangiiseqarfiusumi peqataassaatit.
Aaqqissuussaanermi ERP-mi allafeqarfimmiissatit, Inussuk IT ataani.

Atorfik pillugu annertunerusunik paasisaqarusukkuit allaffimmi pisortaq Inger Elisa Jensen attaveqarfigisinnaavat, oqarasuaatikkut +299 482707 / inej@nanoq.gl imaluunnit Pisortaq Emil Kleemann oqarasuaat +299 556368 / emkl@nanoq.gl

Ulloq qinnuteqarfissaq kingulleq 11. april 2023
Atorfinitsitsiniarnermut oqaloqateqarnerit ataavartumik ingerlanneqassapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inigisaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk