Nalik Ventures A/S-imi aningaasaqarnermut aqutsinermut ikorfartuutaasussamik, suliassanut malittarinninnikkut suliaqartussamik kiisalu Aningaasaqarnermut immikkoortortaqarfimmut atassuteqartunik allaffissuussinikkut suliaqartussamik aningaasaqarnermut siunnersortissarsiorpugut.

Inuussutissarsiornikkut ineriartortitsinermik ilaatigut siunnersuinikkut, nioqqutissanik ineriartortitsinermi tapiisarnikkut, nunat assigiinngitsut akornanni tapiissutinut periarfissat aqqutigalugit sullissinermik, aallarnisaasunut suliffeqarfinnullu aningaasanik taarsigassarsititsinikkut aningaasalersuinermillu periarfissat atorlugit suliaqartarpugut.

Nalik Ventures pissanganartumik ineriartorfimmiippoq, taamaammat naatsorsuutigaarput peqqissaartuullutillu aaqqissuussaasumik suleriuseqartuussasutit aammalu suleriutsit sullissanut suliffeqarfiullu sinneranut iluaqutaasussanngortinniarlugit ineriartortitseqataarusussasutit.

Suliffeqarfimmi mikinerusumi 15-inik sulisoqartumi atorfimmik neqerooruteqarpugut. Suliffeqarfimmut pingaarutilittut ilaalissaatit, immitsinnut naleqartitsiviusumi suleqatigiinnermillu pingaartitsiviusumi.

Suliffik pillugu

Illit aningaasaqarnermullu immikkoortortaqarfimmi sulisut allat marluk peqatigalugit, tassaassaasi aningaasaqarnermik suliaqartuusut, suliffeqarfillu akimorlugu suleqateqartassallusi. Suliassanilu ukkannerusagassatit tassaassapput:

• Aningaasaqarnermik aqutsineq
• Aningaasaqarnikkut suliassat malittaralugit suliassat
• Aningaasaqarnermut immikkoortortaqarfimmi sulinikkut allaffissuussinermi suliassat attuumassuteqartut takkussuuttut allat
• Aningaasaqarnikkut naatsorsuuserineq
• Aningaaserivinnik naligiissaarineq
• Akiliinissanik pilersitsiortornermi akisussaaneq
• Taarsigassarsititsinernik qaammatikkaartumik naligiissaarineq
• Unicontami akiitsulinnut akiligassiinerit ataavartut
• Unicontami nalunaarsorsimaffinnik ingerlatsillunilu nutarterisarneq
• Aningaasaqarnikkut naligiissaagassat allat
• Aningaasaqarnermut suliassaqarfinni assigiinngitsuni suleriutsinik nutarterillunilu ingerlatsineq

 

Naatsorsuutigaarput:

• Aningaasaqarnermut suliassaqarfimmi sulinermik sukumiisumik ilisimasaqartutit minnerpaamillu ukiunik tallimanik misilittagaqartutit
• Aningaasaqarnerup iluani ilinniagaqartutit (AU, Aningaasaqarneq Isumalluutinillu aqutsineq, Aningaasaqarnikkut aammalu naatsorsuuserinermi Diplomitut ilinniagaq, HD 2. delimi Naatsorsuuserinermik aningaasaqarnermillu aqutsineq, Inuussutissarsiornikkut aningaasaqarnermi Bachelori imaluunniit assigisaanik)
• Suliassaqarfiup iluani inatsiseqarnermut tunngasut ilisimalluaritit
• Suleriaatsinik pitsanngorsaanissanik digitaalinngorsaanissamillu ukkatarinnissasutit
• Aaqqissuussaalluakkamik peqqissaarussamillu suliassat pitsaassusaannik qaffasissumik ingerlatsisartutit
• Nuannersumik aaqqiissuteqarusussuseqarlutillu inunnut suliassannullu kiinnertartuusutit
• Atortut Uniconta allallu misilittagaqarfigereersimagukkit pitsaaqutaassaaq
• Oqaatsitigut piginnaasaqarluartutit

 

Neqeroorutigaarput:

• Suliffik namminersornartoq allanngorartunillu suliaqarfiulluni aammalu ´Akisussaaffiup ataani kiffaanngissuseqarneq´, suliffeqarfimmut tamarmut akiitsulerisunut, akiligassalerisunullu attuumassuteqartunik suliaqarfiusoq
• Ingerlatseqatigiiffimmi ineriartorfiusumi suleqatigiit akornanni pitsaasumik ataatsimoorfiusumillu suleqataaneq
• Inuttut suliassaqarfimmilu pitsaasumik ineriartorsinnaaneq
• Pilerinartumik akissaateqartinneqarneq peqqinnissakkullu sillimmasersugaaneq (sundhedsforsikring)

Attaveqarfissaq qinnuteqarfissarlu

Atorfik 1. august 2023 imaluunniit isumaqatigiissuteqarnikkut inuttalerneqassaaq.

Atorfik pillugu annertunerusumik paasisaqarusukkuit, CFO aammalu pisortaanerugallartoq Peter Christiansen oqarasuaat 56 08 45-mut sianerfigalugu attaveqarfiginissaanut tikilluaqqusaavutit.

Nalik Ventures suliffeqarfiullu suliassai pillugit annertunerusumik uani atuarsinnaavutit www.nalik.gl

Qinnuteqaat suliffigisimasallu pillugit paasissutissanik allattorsimaffik CV, ilinniakkat atorfimmullu attuumassuteqartut uppernarsaatit, oqaaseqaatit assigisaallu Nalik Venturesip kingusinnerpaamik 16. juni 2023 tigoreersimassavai.

Qinnuteqaat mailikkut nassiunneqassaaq uunga pch@nalik.gl

Atorfininnissamut oqaloqatiginninnerit ingerlaavartumik ingerlanneqassapput.