Skip to main content
115

Tarnip pissusiinik immikkut ilisimasalimmik, Allorfimmi sulilersussamik

Allorfik tarnip pissusiinik ilisimasalimmik innuttaasunik katsorsaanermik misilittagalimmik sulisussarsiorpoq. Imigassamik, ikiaroornartumik aningaasanoorajunnermillu pinngitsuuisinnaajunnaarsimasunik sullissisussamik atorfik inuttassarsiorpaa. Oktobarip aallaqqaataani (01/10-2019)-mi aallartissinnaasumik isumaqatigiinnikkulluunniit atorfinitsitserusuppugut.

Neqeroorummi meeqqanut inuusuttuaqqanullu 15-niit 24-it tungaannut ukiulinni illoqarfiit Allorfeqarfiusuni sullissinissat naatsorsuutigissuat, aamma Allorfik, Pinngitsuuisinnaajunnaarnermi Paasisimasaqarfimmi Nuummiittumi suleqataalissaatit.

Pinngitsuuisinnaajunnaarnermik Paasisimasaqarfik tassaavoq nuna tamakkerlugu meeqqat inersimasullu pinngitsuuisinnaajunnnaarnerinut suliniuteqarfiulluni qitiusoq. Illoqarfinni Allorfeqarfiusuni kiisalu namminersortut katsorsaasartut suleqatigalugit. Kommunini tamani Qaqortumi, Nuummi, Sisimiuni, Aasianni Ilulissanilu Allorfeqarpoq. Pinngitsuuisinnaajunnaarnermilu Paasisimasaqarfik ataanniipput.

Suliffissaq pillugu
Allorfiup meeqqanut inuusuttuaqqanullu sullissinissaa nutaajuvoq. Suleriaaserlu neqeroorutinut allanut sanilliullugu kommuninut tamanut 2019-miit 2021-ip tungaanut neqeroorutaasussaavoq, akisussaaffillu taanna aamma illoqarfiit Allorfeqarfiusunut tunngatinneqassalluni.

Katsorsaariaaserlu ilisimatuussutsikkut ilisimasat malillugit inersimasunut atorneqartoq aamma meeqqanut inuusuttuaqqanullu atorneqassaaq. Katsorsartinnissamik neqeroorut Allorfeqarfiusunut ulluinnarlugu ornigunnikkut ingerlanneqartassaaq, paasinnittaaserlu aqqutigalugu ilaqutariinnut katsorsaaneq pillugu sakkut atorlugit katsorsaariaaseq ingerlanneqartarpoq. Ikaarsaariarnermut aqqutissiuussisoq kiisalu maanna inuunermut akuersaarneq tunngavigalugu utersaarnermik pitsaaliunineq (mindfulness), ajornartorsiutillu aallaavianik tunngaveqarluni oqaloqatiginnissinnaaneq. 

Allorfiup pisortaa peqatigalugu kiisalu nunap immikkoortuani katsorsaasut ineriartortissuarsi meeqqanut inuusuttuaqqanullu katsorsaanermut ilusissaq tunaartaralugu: ”Pilersaarut meeqqanut inuusuttuaqqanullu aanngajaarniutinik aamma aningaasanoorajunnermik ajornartorsiutilinnut katsorsaanissamik neqeroorut”. Iliuusissamillu siunnersueqataassaatit qanoq ”Nuna tamakkerlugu pilersaarut siunissami atornerluinermut katsorsaasarneq pillugu siunnersuummut”

Suliallu aallartisarnerani Allorfinni tallimaasuni meeqqanut inuusuttuaqqanullu katsorsaasarnissanut pilersaarusiornerni peqataalluinnassaatit, taamaasilluni ilinniarsimassutsikkut paasisimasaqarnikkullu katsorsaanernut pitsaasunut qulakkeerinneqataallutit.

Naatsorsuutigaarput,

  • ilinniarluarsimasuunissat ilisimasaqarluartuullutillu kiisalu tarnip pissusiinik ilinniarsimasuunissat
  • angajoqqaanik, atuarfeqarfinnik ulloq unnuarlu angerlarsimaffinnik suleqateqarlutit misilittagaqarnissat
  • meeqqanik inuusuttuaqqanillu ilisimasaqarnissat, sulerisarnerinillu
  • nammineerluarsinnaasoq kiisalu akissussaaffimmik tigusisinnaasoq
  • pilersaarutit naqinneqarsimasut piviusunngortinnissaannut piumassuseqarlutit
  • attaveqaqatigiilluarsinnaallutit
  • inissaqartitsillutit, inuttullu nuannersuunissat
  • Allorfeqarfinnut angalasarsinnaanerit naatsorsuutigissuat


Neqeroorutigaarput:

  • suliffik periarfissanik ulikkaartoq
  • suliffik avatangiiserissaarluartoq
  • suliannut sunniuteqaqataaffiginissaannut periarfissaqarputit
  • nammineerluni sullissisinnaasoq kisianni siunnersueqatigiissinnaasoq
  • suleqatit pikkorissut suleqatigilissavatit
  • suleqatitsialaat
  • marluinnik oqaaseqartuunissat kissaatigaarput kalaallisut qallunaatullu
  • Faginut arlalinnut sammisut akimorlugit suleqatiginnissinnaassutit faginillu allani ilinniartitsisinnaasutit

Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Birgit Niclasen oqarasuaat +299 525343, mail bivn@allorfik.gl

Allorfimmut tunngatillugu paasissutissat: www.allorfik.gl
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk