Skip to main content
127

Dette jobopslag er udløbet

Sungiusarfik Ikinngutip immikkoortortarfiani marluusuni aqutisussarsiorneq

Sungiusarfik Ikinngutip immikkoortortarfiani marluusuni aqutisussarsiorneq
Sungiusarfik Ikinngut   imikkoortortaqarfimmi aqutsisussamik sulisussarsiorpoq, imikkoortortaqarfinnut marluusunut.

Atorfik pillugu: 
Sungisuarfik Ikinngut nuna tamakkerlugu ulloq unnuarlu angerlarsimaffiuvoq, inuusuttunut inersimasunullu  17-nik qummut  ukiulinnut, timikkut tarnimikkullu ineriartornerminni kingusissut.
Angerlarsimaffik imiikoortortaqarfeqarpoq sisamanik,  katillungit ineqartunut  20-nut inissaqarpoq.  Taakkua saniatigut Sannaveqarpoq Iffiorfeeraqarlunilu.

Sulilerfissaq ulloq 1/4-19

Iimmikkoortortaqafinni  aqutsisuulersussap suliassarivaai:

  • Ulluinnarni perorsaaqataaneq.
  • Perorsaanermi anguniakkat piviusunngortineri.
  • Sulisunik ataatsimiisitsisarnerit.
  • Sulisunik nutaanik sulilersitsinerit ilinniartisitsinerillu.
  • Suliffimmi tarnikkut timikkullu peqqinnartumik suleqatigiinnissamik anguniangaqarneq.
  • Aqutsisut ataatsimeeqqaitgiinneranut peqataasarneq.

Suliffik neqeroorutingisarput.
Pissanganartuuvoq, namminersornartoq
Ineriartortsitsisoq
Suleqatit suleqatigiuminartut.

Qinnuteqarfissaq ulloq kungulleq 1/3-19

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk