Skip to main content
153

Dette jobopslag er udløbet

Sungiusarfik Aaqa-mi Optræning/akuitsut-mi immikkoortortami pisortaq

Sungiusarfik Aaqa tassaavoq nuna tamakkerlugu ulloq unnuarlu najugaqarfik, arfineq marlunnik immikkoortortalik. Immikkoortortaqarfiit arfinillit 31-imik inissalik, ornittagarlu 15-imik atuisulik. Najugaqartut tamarmik skizofrenimik nappaatilittut suussusersineqarnikuupput. Aaqa suliffeqarfiuvoq ineriartortoq. Periarfissaqartitsilluni supervision-ernissamik, ineriartornissamik tunngavilimmik oqaloqatiginninnermik, pikkorissartarnerillu naleqqussakkat.

Immikkoortortaqarfimmi Optræning/akuitsut-mi aqutsisussamik suliaminut tunniusimalluartumik suleqatissarsiorpugut, tamakiisumik isiginnissinnasumik unammillernartuugaluanullu aporfeqarneq ajortumik. Aaqa suliffeqarfiuvoq ineriartortoq. Periarfissaqarpoq supervision-ernissamik, ineriartornissamik tunngavilimmik oqaloqatiginninnernik pikkorissartarnerillu naleqqussakkat.
Immikkoortortaqarfimmi Optræning/Akuitsut/-mi nakorsaaserinermik suliaqarsimaneq iluaqutaassaq, kiisalu naliginnaasumik timip sananeqaataanik anniaateqartarnermik ilisimasaqarneq, najugaqartuutivut utoqqasaajummata ukiorpassuarnilu nappaat suussusiligaq skizofreneernertut atorsimallugu. Taakku saniatigut aamma inuusunnerusut nammineersinnanerusullu Optræning/Akuitsut/-mi najugaqarput.
 
Imikkoortortaqarfimmi aqutsisoq aqutsisoqatigiinnut ilaavoq  taamaattumillu Aaqap ineriartortinneranut sunniuteqaqataavoq ammalu ulluinnarni aqutsinermut tunngasunik aaliangeeqataasarluni. Tassunga ilaavoq immikkoortortaqarfimmi sulisunik ilitsersuisarneq siunnersueqatiginnittarnerlu, najugaqartunik   perorsaanerup isumaginninnerup peqqissuunissaatalu tungaatigut naliginnaasumik sulisisarnernermut tunngassuteqartunik.
 
Immikkoortortaqarfinni aqutsisup ilaatigut isumagisussavaa, nalunaarusiortarneq, najugaqartunut aningaasanut tunngasunut qinnuteqaassusisarneq socialrådgiveri peqatigalugu, sulinissanik pilersaarusiortarneq, suleqatigisanut attaveqartarneq, qanoq iliuuseqartarnissamik najugaqartoq suleqatigalugu pilersaarusiortarneq.
 
Immikkoortortaqarfimmi aqutsisup qullersaraa forstanderi.

Makkuninnga piginnaasaqartariaqarpoq

  • Pædagog, Peqqinnissamut assistentitut assigisaanilluunnit ilinniagaqarsimaneq.
  • Aqutsinermillu misilittagaqarneq.
  • Tarnikkut nukittuujuneq, qanimajaatsuuneq nammineersinnaassuseqarnerlu
  • Qiimasuuneq suleqatinut atuisunullu akaarinnittoq
  • Suleqatigiinni kulturip killingi akimorlugit ilinniakkallu tamat akornannut inissisimasinnaaneq
  • Suleqatinut atuisunullu naalaarluarsinnaaneq
  • Ersarissumik pisortatut inissisimasinnaaneq
  • Aqutsisunut ilumoortuuneq suleqatiginnikkusuttorlu
  • Suliassanik agguataarillaqqissuuneq tamakkiisumillu isiginnissinnaaneq
  • Kalaallisut qallunaatullu allassinnaaneq/atuarsinnaanerlu kisiannili piumasaqaataanngilaq.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut pineqarsinnaaput forstander Maria Heilmann Nielsen, mail: maria@aaqa.gl, tlf: +299 36 22 30 imal.
Souschef Sussi B.Lynge, mail suly@aaqa.gl, tlf. +299 36 22 31.

Qinnuteqarfissaq kingulleq 5.marts 2019 Oqaloqatiginninnerillu tamatuma kingorna ingerlanneqassapput .
 
Ulloq atorfiniffissaq Isumaqatigiissuteqarnikkut pissaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk