Skip to main content
106

Sulisoqarnermut siunnersortinik 1-2-nik HR pissarsiorpoq

Piginnaasanik aaqqissugaanermillu ineriartortitsinermut tunngasuni immikkoortortami pissanganartumi eqeersimaarfiusumilu sulerusuppit?
Namminersorlutik Oqartussat Qitiusumik allattoqarfiani sulisorpassuit pikkorissut assigiinngiiaartorujussuit naapissavatit, tamarmik sulianut tunngasutigut inuttullu assigiinngiiaartorpassuit?

Sulisoqarnermik suliaqartarnernik, sulisut akornanni piginnaasanik ineriartortitsisarnernik kiisalu aaqqissugaanermik ineriartortitsinernik suliaqarusuppit? Taava qinnuteqaativit tigunissaa qilanaaraarput.
Sulisoqarnermik ineriartortitsisarfik Aningaasaqarnermut Sulisoqarnermullu Aqutsisoqarfiup aamma Aningaasaqarnermut Akileraartarnermullu Naalakkersuisoqarfiup ataani aaqqissugaanikkut inissisimavoq. Piginnaasanik ineriartortitsinermik, sulisussarsiortarnermik atugarissaarnermullu Qitiusumik Allaffeqarfimmut tamarmiusumut ilaatigut sullissisuuvugut. Allaffimmi suleqatigiit peqatigalugit Namminersorlutik Oqartussanut sulisoqarnermut tunngasut immikkoortortaqarfiup anguniagai anguniarlugit suliaqartartussaassaatit.
Atorfinni aalajangersimasunik akisussaaffeqassaatit, kisiannili peqatigisaanik suliavit ilagissavaat suliffiup iluani aammalu naalakkersuisoqarfiit aqutsisoqarfiillu akimorlugit suleqatigisatsinnik sulianut tunngasutigut siunnersueqatigiittarnernik ikiorsiisarneq.

Pingaarnertut suliassatit:

  • Pisortat Ataatsimoorlutik Piginnaanngorsaaviani Suliniutinut aqutsisoq
  • Atukkat pillugit aamma Suliffiup avatangiisai (APV) pillugit pilersaarusiortarnerit aammalu atorunnaarsitsisarnerit (ajornanngippat ukiut allortarlugit)
  • Piginnaasanik ineriartortitsisarnernik pisariaqartitsinermik ukiumoortumik qulaajaasarnernik suliarinnittarnerit atorunnaarsitsisarnerillu.
  • Namminersorlutik Oqartussat pikkorissarnertigut neqeroorutaasa pitsaassussaannik qulakkeerinnittarnernik ineriartortitsisarnernillu suliaqartarnermut suleqataasarneq

Tamakku saniatigut suliassanut attuumassuteqartunik suliassaqartassaaq

  • Nunani avannarlerni tjenestemandit paarlaasseqatigittarnerinik aqutsisarnerit
  • Sulisoqarnermut najoqqutassianik pilersaarutinillu ineriartortitsisarnerit
  • Sulisoqarnermut ineriartortitsisarnernut assigiinngitsunut ikiuisarneq soorlu nittarsaasarnernut sulisussarsiortarnernullu assersuutigalugu Danmarkimi Kalaallit Nunaata suliffeqarfiinik nittarsaassinermut Ilinniartitaanernullu takutitsivinnut atatillugu

Piginnaasassatit:

  • Ilisimatusarnermut attuumassutilimmik ilinniagalik
  • Ajornanngippat Sulisoqarnermut ineriartortitsisarnertigut suliassanik misilittagaqarneq
  • Allatatigut oqaatsitigullu pitsaasumik ingerlatseqqittarnernut piginnaasaqarneq
  • Periutsinik amerlasuunik pitsaasunillu ilisimasaqarneq

Inuttut piginnaasat:

  • Aalajaatsoq sullissillaqqissorlu
  • Saaffigiuminartuusutit
  • Akisussaassuseqartoq
  • Aallarneerusussusilik
  • Sunniuteqartumik suleqatikkuminartoq.


Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu. ASAp tunngavia tassaavoq ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugu sulissuteqarpoq ASAp periusissanut tunngasutigut anguniagai tassaapput Kalaallit Nunaanni ineriartortitsisarnernut isumalluutinik tunniussinissaq, tamanna pisinnaavoq pisortat ingerlataqarfiinik naammassiuminarsaaneq aqqutigalugu, piginnaasatigut ineriartortitsisarnernik pigaarnersiuineq kiisalu ASAp pingaarnertut suliassaanut tamanut erseqqarissumik anguniagaqarneq.

ASA-mi Naleqartitat

  • Akisussaaffik: Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut.
  • Suleqatigiinneq Suleqatigut sullitavullu pitsaasumik suleqatigaagut
  • Isumassuineq Ikiuukkumatuujuvugut akunnitsinnilu paareqatigiilluta



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk