Skip to main content
127

Dette jobopslag er udløbet

Suliniutinut suleqat atulersitsisarnerni suliaqartarnernut soqutigisalik

Ilinniartitaanernut tunngasutigut atulersitsisarnernik suliniutinillu ineriartortitsisarnernik aallartitsisarnernullu peqataarusuppit: Ilinniartitaanermut, Kultureqarnermut Ilageeqarnermullu Naalakkersuisoqarfiup suliniutinut atorfimmut suleqatissamik nutaamik ilumut atorfissaqartitsivoq, tassunga suliniummut suliaqataanissamut ilanngussinnaasoq. 
 
Ulloq atorfiniffissaq tassaavoq 1. maj isumaqatigiissuteqarnikkulluunniit.
 
Atorfik pillugu
 Meeqqat atuarfiat inuusuttullu ilinniartitaanerat allanngujuitsumik ineriartortinneqarpoq. Misissuineq- aammalu suliniummik ineriartortitsineq maannakkut ingerlasoq tamakkununnga ilaasoq ungasinnerusoq isigalugu maanna ilinniartitaanernut allannguutissatut siunnersuutitigut arlalitsigut kinguneqartitssiinnaavoq. Suliniut 2019-ip naalerneraniugallartoq naammassineqassaaq.
 
Taakkunuunga allannguinernut suliassanik aqutsinernut atulersitsinernullu sakkutut atorneqarpoq IT-kkut sakkoq ASANA. Suliniummik suliaqartutut sulineq annertuumik tassaassasoq ilaa.
 
Atorfik piffissamut killeqartumut suliniummut atorfinitsitsineruvoq piffissamut 1. maj – decemberi 31, 2019-imut sivitsuinissamut periarfilerneqarsinnaalluni imaluunniit isumaqatigiissuteqarnikkut  siusinaartumik aallartinnissamut piffissalerlugu.
 
Pingaarnertut suliassatut akisussaaffigisassat ukuupput:

  • Susassaqartut sulissutigisallu akornanni ataqatigiissaarisarnerit attaveqaqateqartarnerillu
  • Ineriartortitsinikkut suliniutini sulissutigisat ilaasa amerlasuut akornanni ataqatigiinnernik tamaallu ataatsimut isiginnissinnaasumik suliniarneq
  • Paasissutissanik katersisarnermut peqataasarneq kiisalu tamakkuninnga misissuineq qarasaasiamullu allattuisarneq
  • Inaarutaasutut allannguutissatut siunnersuutinik ataatsimoortillugit allattuisarnernik inernerillu ilaannik ingerlatitseqqiisarnernut peqataasarneq
  • Suliniutinik aqutsisumik suliaqaqataasullu sinnerinik ikiuisarneq
  • misissuinermik ineriartortitsinermillu suliniutinut atatillugu tassanngaannartumik suliassat

 
Naatsorsuutigaarput, illit:

  • suliamut tunngassutilinnik assingusunik misilittagaqartutit, ajornanngippat ingerlaqqiffiusumik qaffasinnerusumik ilinniagaqartutit
  • Paasissutissiinermut attaveqaqatigiinnermullu teknologiinullu tunngasutigut (PAT-ip) iternga tikillugu ilisimasaqarluartutit.
  • ajornanngippat nalinginnaasumik ilinniartitaanermut tunngasutigut ilisimasaqarluartutit
  • inuiaqatigiinnut tunngasunik ilisimasaqarluartutit
  • ineriartortitsiniarluni suliassat suliarineqartarnernik misilittagaqartutit
  • paasisimasaqarluartuusutit ulapaarfimmilu sulisinnaassuseqartutit
  • Suliassanut namminersorsinnaassuseqarnissaq
  • suliarinnilluartartuusutit aaqqissorluakkamillu sulisaaseqartutit
  • paasissutissanik attuumassutilinnik nalilersuisinnaallutillu pissarsiniallaqqissuusutit
  • suliami ajornakusoortumi ataqatigiissitsisinnaasutit ineriartorsinnaallutillu
  • Oqalulluni allattarissatigullu oqaasertaliornermut piginnaasaqarluartoq

Paasissutissat sukumiinerusut
Atorfik pillugu annertunerusumik paasisaqarusukkuit, tikilluaqquneqarputit attavigissallugu suliniutinik aqutsisoq Poul Klitgaard, oqa. +299 345618, e-mail pokl@nanoq.gl
 
Kalaallit Nunaat aamma Namminersorlutik Oqartussat pillugit annertunerusumik paasisaqarusullutit kissaatigigukku, www.nanoq.gl aqqutigalugu Atorfiit ataanni paasisaqarnerusinnaavutit.
 
Qinnuteqaat
Qinnuteqarnissamut killissaritinneqarpoq ulloq15/3-2019

Aningaasarsiatigut atorfinitsitaanermilu atugassarititaasut
Piffissaq suliffiusussaq tunngaviusumik sapaatit akunnerannut nal. ak. 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk