Skip to main content
111

Dette jobopslag er udløbet

Sarliaq Kontorfuldmægtigissarsiorpoq

Kissaataavoq atorfik sukkanerpaamik imaluunniit isumaqatigiissuteqarnikkut inuttalerneqarnissaa.

Meeqqat angerlarsimaffiat Sarliaq ulloq unnuarlu meeqqanut angerlarlarsimaffiup avataanut inissinneqarsimasunut paaqqinnittarfiuvoq Ilulissaniittoq. 20-nik inissaqarpoq, ukiut agguataarneranni 0-miit 18-nut ukiulinnut immikkoortortanut pingasunut agguangaalluni. Immikkoortortani agguaanerni ukiut isinginiarneqakkajuttarput. Meeqqat angerlarsimaffiup avataanut inissinneqarsimasut alliartornerminni ilaatigut sumiginnangaanermik; atornerluinermik assigiinngitsutigut misigitinneqarsimasarput, sinerissamiillu tamanit aggertuullutik.
Sarliami perorsaariaaseq Relationspædagogik i et anderkendende perspektiv aallaavingalugu suleriaaseqarpungut, aaqqissuussaasumillu maleruangassanut pingaartitsilluta ataqqeqatigiinnermik siunertalimmik meeqqanut inuusuttunullu sullissineq ingerlataralutingu.
Ulluinnaat aalaakkaasut pingaartitaraangut, atuarneq, sunngiffimmi soqutigisat kiisalu Sarliap avataani inooqataaneq eqqarsaatigalungit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillungit, piniariartillugit, sisorariartillugit allanulluunniit illoqarfiup iluani aaqqissuussanut peqataatillungit.

Kontorfuldmægtigip pingaarnertut suliassarai:

  • Suliffeqarfiup naatsorsuutaanut ingerlatsinermik tunngasunik aqutsisoqatigiit peqatingalungit suliaqarneq.
  • Sulisut ullut 14-ikkaarlungit qaammammoortumillu aningaasarsiaasa nalunaarutigisarneri.
  • Nalunaarutit isertut agguaattarnerat aammalu suliffeqarfiup telefonianik nuussisarnerit.
  • Journalinnguisarnerit aammalu toqqortuinernut tunngasunik suliaqarnerit.
  • Aqutsisunit suliakkiutaappat allatsitut suliaqarneq, uani pineqarput nutserinerit annikittut, kontorfuldmægtigep forstanderi/souchef-i imaqarniliuussinnaavaa.

Ilinniit naatsorsuutigaarput:

  • Sullarissuusutit, suleqaternullu suleqatikkuminartuusutit, sullisserusussuseqartuusutillu tamanut.
  • Misilittangaqareertutit assingusumik suliffimmik.
  • PC-mut atuinissamut misilittangaqartuusutit. Iris/XAL, Word Exel-ilu nalunngilluaritit.
  • Qajannaatsumik tamamut isiginnissinnaassuseqartutit, sullisserusussuseqartuusutit, sullarissuusutit aammalu namminersorusussuseqartuusutit.
  • Allannermik piginnaasaqartuusutit.

Makku neqeroorutigisinnaavangut:

  • Suliffik pissanganartoq, unammillernartoq, suliffik tamatigoortoq minnerunngitsumillu suliffik piumasaqaatiteqartoq.
  • Annertuumik aaqqissuussaanermik sunniuteqarsinnaaneq aammalu aaqqissuussamik suleriaatsinut tunngasunut.
  • Suliffik ineriartorfiusoq, aammalu sunniuteqarnissamut periarfissangissaartoq.

Paasissutissanik annertunerusumik pissarsiniaruit akisussaaffinnut suleriutsinullu tunngasunik Forstander Inunnguaq Fleischer-imut saaffiginnissinnaavutit if@sarliaq.gl
Sianerlutit aamma Sarliamut paasiniaasinnaavutit +299 94 65 01 iml. +299 94 65 00

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk