Skip to main content
78

Dette jobopslag er udløbet

Pitsaaliuinermut Isumaginninnermullu Aqutsisoqarfik, Pinaveersaartitsinermut Immikkoortortaqarfia, innuttaasunut sammisumut neqerooruteqartarnermut tunngasunik suliaqartussamik siunnersortaanermik pissarsiorpoq

Pitsaaliuinermut Isumaginninnermullu Aqutsisoqarfik, Isumaginninnermut ajornartorsiutinik suliaqartarpoq, unammillernartunik angusaqarfigilluarusutanillu. Aqqutissiuussisarpugut, siunnersuisarluta, pinaveersaartitsinermullu, inunnillu Isumaginninnermut tunngasunik suliniutunik nutaanik inerisaasarluta.

Atorfimmut tunngasut:
Innuttaasunut sammisumut neqerooruteqartarnermut tunngasunik siunnersortaanermik suleqatissarsiorpugut. Innuttaasunut sammisumut neqerooruteqarneq - kinguaassiutitigut kanngutsaattuliorfigitissimasunik katsorsaanermik suliaqartunik angalaqatigiinnik sulisoqarpoq, Oqarasuaatitigut saaffiginnittarfiini siunnersuisooqatigiit immikkoortortaat Tusaannga kiisalu Alliaq allallu. Nunani avannarlerni soraarnerusutisiaqalernissamik qinnuteqaatit kiisalu tapiiffigitinnissamik qinnuteqaatit.

Siunnersortaanerup, innuttaasunut sammisumut neqerooruteqartarnerup aqunneqarneranik qulakkeerinnissaaq, kiisalu immikkoortortap inerisarneqarneranut peqataassalluni. Innuttaasunut sammisumut neqerooruteqartarneq, innuttaasut pisariaqartitaanut naapertuutissaaq aammalu sulianut toqqammavilersugaalluni.  

Immikkoortortaqarfimmi siunnersortaanertut, aqutsisooqatigiinni peqataassaatit, taakkulu sulianut assigiinngitsunut aqutsisuupput immikkoortortanilu aqutsisut. Sulianut tunngasunik aqutsisut, tamarmik immikkut arlariinnik sulisunik siuttuupput, assigiinngitsunillu suliaminnik uukkataqarlutik. Immikkoortortami atorfik inuttassarsiugaq innuttaasunut sammisumut neqerooruteqarneq pillugu inuttassarsiugaavoq.

Siunnersortaanertut suliassatit pingaarnerit ukuupput:

  • Suleqatigiinni ataqatigiissaarineq, taamaasilluni suliap naammassinissaanut pitsaasumik qulakkeerinninnissaq.
  • Suliamut tunngatillugu imarisaanik sulisorisat peqatigalugit naatsorsuutigisanik qulakkeerinninneq.
  • Sulisorisanik ataasiakkaarilluni sulianik ataavartumik avitseqatigiinneq/isumasioqatigiinneq kiisalu eqimattakkuutaartumik sulianik naammassinninnissamik qulakkeerinninneq aammalu sulisorisanik ineriartortitsinissaq.
  • Sulianut tunngasunik ilisimasanik ujartuinissaq, tamatuminngalu suliareqqiinissaq.
  • Qitiusumik sulianut tunngatillugu anguniakkanik qulakkeerinninneq, akunnattoorutit, unammillernartut imaluunniit sulianut tunngasunik assingusunik.
  • Suliffimmi aqutsinissamut ajortumik sakkussanik ingerlatsineq ineriartortinneqarnerinilu peqataaneq.
  • Immikkoortortaqarfiup iluani sulinerup pitsaasumik pilersitsillunilu ataavartitsinissaq, immikkoortortaqarfimmi qullersaq, sulianullu allanut aqutsisut suleqatigalugit.
  • Suliassat allat.


Naatsorsuutigivarput illit:

  • Suliassanut naleqquttumik ilinniagaqartutit, imarisaanut annertussusaanullu naleqquttumik. Pineqartoq tarnip pissusianik ilinniagaqartuusinnaavoq imaluunniit assingusumik  ilinniagaqartuusinnaavoq. 
  • Aqutsinermik misilittagalik.
  • Pinaveersaartitsinissamik ataavartumik ineriartortitsinissamik uukkatarinnittoq kiisalu immikkoortortami politikkikkut sulianut immersueqataaneq.
  • Isumaginninnerup iluani ilisimasaqarnissaq taamatuttaarlu immikkoortortaqarfimmi suliassanik allanik.
  • Pilersaarusiorsinnaassuseqartoq, misissueqqissaartoq immikkuullarissorlu.
  • Akisussaassusilik, suliassanik nakkutiginnittoq naammassinnissinnaasorlu.
  • Inuttut suliumatuussuseqarputit, pimoorussisoq ineriartortitserusuttorlu.
  • Immikkoortortami sulisunik ineriartortitsinissamik uukkatarinninneq ingerlalluarnissaallu.
  • Inuiaqatigiinnik kalaallinut tunngasunik ilisimasaqarneq, inooriaasaannillu.
  • Marlunnik oqaaseqartuunissaq pingaartinneqarpoq.


Atorfimmut atatillugu piffiit ilaanni angalasariaqartarnissaq naatsorsuutigineqassaaq.

Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik, aqutsiviuvoq Naalakkersuisut ataaniittoq, ukunannga 6-nik immikkoortortalik: Pinaveersaartitsinermut Immikkoortortaq PAARISA, Aningaasaqarnermut Immikkoortortaq, ulloq unnuarlu- kiisalu inissititerinermullu Immikkoortortaqarfik, Oqartussaatitaanermik Immikkoortoq, Pinaveersaartitsinermut Immikkoortortaq Allattoqarfillu.
Immikkoortortaqarfik qanimut imminnut suleqatigiipput, suliffeqarfiuvorlu sulianut unamminartulik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfimmut tunngasunik paasisaqarnerorusukkuit, Suliamut aqutsisoq Stina Mølgaard attavigissallugu tikilluaqqusaavutit, oqarasuaammut uunga  +299 346017 imaluunniit nittartakkamut uunga e-mail: stmo@nanoq.gl 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk