Skip to main content
91

Dette jobopslag er udløbet

Pitsaaliuinermut Isumaginninnermullu Aqutsisoqarfimmi Paarisami Inuussutissat Timigissarnerlu pillugit immikkoortumi siunnersorti

Peqqinnissamik siuarsaanermik pitsaaliuinermillu pimoorussisuuit – taamaappat atorfissaqartippatsigit! Pitsaaliuinermut Isumaginninnermullu Aqutsisoqarfimmi pitsaaliuinermut immikkoortoq piaartumik immikkulluunniit isumaqatigiissuteqarnikkut atorfinissinnaasumik, peqqinnissaq pillugu siunnersortimik pissarsiorpoq.
Atorfik aaqqissuussaanikkut pitsaaliuinermut immikkoortortami Paarisami, peqqinnissamut pitsaaliuinermullu immikkoortumi, pingaarnertut iliuusissatut siunniussassanik pilersaarusiornermik, ataqatigiissaarinermik inerisaanermillu isumaginnittumi inissisimavoq.
Suliat Inuuneritta II-mit aallaaveqarput suliniutitullu ingerlanneqarlutik.
Pitsaaliuineq peqqinnissamillu siuarsaaneq, peqqinnissamik, sanngisuujunermik ilinniagaqarnermillu annertuumik ukkassinerup nalaani pingaaruteqarluinnarput. Taamaammat inuttut inuiaqatigiinnut pitsaanerpaamik kissaassineq, maligassiuisuuneq siuttoorusunnerlu pingaaruteqarput.

Neqeroorutigaagut:

  • Peqqinnissamik siuarsaanermi pitsaaliuinermilu suliat pissanganartut
  • Suliffimmi suleqatit pimoorussisut
  • Suliffimmi annertuumik nammineersinnaatitaaneq atituumillu aalajangiisinaatitaaneq
  • Suliffimmi sulisut ataasiakkaat piginnaasaannut ammasuuneq ataqqinninnerlu
  • Suliffik ilinniakkat akimorlugit suliffiusoq

Siunissami ilaatigut makku suliassarissavatit:

  • Inuuneritta II-miit Inuuneritta III-nngorumaartussamiillu taakkununngalu atatillugu nerisat timimillu atuineq aqqutigalugit peqqissutsimik siuarsaaneq pitsaaliuinerlu pingaarnertut suliassaralugit, iliuusissatut siunniussanik suliaqarneq.
  • Suliassat politikkikkut pingaarnersiukkat
  • Peqqinnissamik siuarsaanermi pitsaaliuinermilu sulianik siunertanut aalajangersimasunut tunngasunik suliaqarneq sulianillu ingerlatsineq
  • Suleqatillu siunersioqatigiittarneq, feeriartoqarnerani assigisaannilu taartaasarneq/attaviusarneq.

Suleqatigilerumaagassatut makkunannga piginnaaneqartuunissat kissaatigaarput:

  • Peqqinnissap inuussutissallu iluanni bachelori imal. ilinniagartooq
  • Nunatsinni inuiaqatigiinnut tunngasunik ilisimaarinninneq
  • Ingerlatitseqiinermi attaveqatigiinnermilu allattariarsornikkut oqaatsinillu atuinikkut piginnaaneqarluarneq
  • Politikkikkut aqunneqartumi peqqissuunissaq anguniarlugu suliniuteqarnermik misilittagaqarneq
  • Namminersinnaaneq, inerisaarusunneq siunnerfeqarnerlu

Peqqinnissap, pitsaaliuinerup peqqinnissamillu siuarsaanerup iluini nunatsinni peqqissuunissamut naleqassusilimmillu inuuneqarnissamut siuarsaasumik suliniutinillu ilinniagaqassutsip qaffasissuunissaanik qulakkeerisumik inerisaaneq, misissueqqissaarneq piviusunngortitsinerlu Paarisap suliassaasa pingarnersaraat.
Suliffimmik inerisaanissamut nutaamillu eqqarsarnissamut kulturimik, kikkut tamarmik peqataanissaannut periarfissalimmik inerisaaneq anguniagaraarput. Taamaammat illit suleqatiginnikkusussuseqarnissat suleqatinnik qiimasumik, ataqqinnittumik soqutiginnittumillu naapitsinissat pingaaruteqarluinnarpoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Annertunerusunik paasisaqarusukkuit Kirsten Fencker oqarasuaatikkut: +299 48 75 97 imal. e-mailikkut kfen@nanoq.gl attavigisinnaavat.

Qinnuteqarfissaq kingulleq: tallimanngorneq 10. maj 2018.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk