Skip to main content
70

Dette jobopslag er udløbet

PI/SPS IT-lerisussarsiorpoq - Ilulissani

Perorsaanermik Ilinniarfik IT’lerisussarsiorpoq
 
Perorsaanermik Ilinniarfik 350 missaanik ilinniartoqarpoq ilinniartitaanernut assigiinngitsunut 5-nut agguataarsimasunik: isumaginninnermi ikiortinngorniartunik, socialassistentinngorniartunik bachelorimut sammivilimmik perorsaasunngorniartunik, najugaq qimannagu perorsaasunngorniartunik kiisalu ulluunerani meeqqanik ikiortinngorniartunik ilinniartoqarluni. Saniatigullu PI/SPS pikkorissaanernik ilinniaqqinnermullu tunngassuteqartunik ingerlataqarpoq, Kalaallit Nunaanni ulluinnakkut aammalu ullukkut unnuakkullu paaqqinnittarfinni perorsaanermik sulisunut. Massakkoqqissaaq 45 missaannik sulisoqarpugut. IIlinniarfiup Ilulissaniittup saniatigut PI/SPS Sisimiuni, Maniitsumi, Nuummi Qaqortumilu immikkoortortaqarpoq.
 
Naleqquttumik ilinniagaqarsimasutit, IT-supporteritut imaluunniit Datatakenikeritut, naatsorsuutigaarput. Maannakkulli  pingaartinneruarput ulluinnarni IT-mut attuumassutillit tamatigoortut unammillernartullu naammassisinnaagitit
 
Uku suliarisussanngorsinnaavatit:

  • MS Windows Server 2012 R2 + Windows Server 2016 + 2008 R2 kiisalu Windows 10’inut superbrugeritut Windows Server Backupitut misilittagaqarluassasutit
  • Nittartakkanik suliarinnissinnaanermik ingerlatitseqqiisinnaanermillu “Wordpress”
         misilittagaqarneq
  • Nipilerineq aamma qullilerineq, kiisalu assiliineq/video’liornermik misilittagaqarneq
  • Smartboardinik aserfallatsaaliineq atuisinnaanerlu
  • Office365-imik SharePointimillu misilittagaqarneq
  • Allaniittunik “1St.Linemik aamma SPOC-imik ikiuisinnaaneq

 
Ilinniit makku naatsorsuutigaavut:

  • Suleqatikkuminartoq sineriallu tamakkerlugu suleqatinut nutaanik suleriaaseqarluni
    ikiuunnissaminut piareersimasoq.
  • Suliassat alapernaaffigissagitit. Unittooraangavit nalornigaangavilluunniit apersortassasutit. Allanit siunnersortilluni aamma ajunngilaq.
  • Akisussaaffimmik tigusisinnaasutit tamaallu paasisimasaqarfigalugu takutissinnaagit

 
Uagut neqeroorutigisinnaasagut:

  • Suleqatit aallarniisinnaassusillit pikkorissullu
  • Ilinniartut uummaarissut
  • Ilinniarfik allanngorartoq ineriartortuartorlu

 
Paasissutissat atorfimmut tunngasut sukumiinerusut pillugit saaffigineqarsinnaavoq Pisortaq Nuka Kleemann imaluunniit Allaffimmi pisortaq Lea Jensen e-mailikkut allaffik@pi.sps.gl imaluunniit oqarasuaatikkut 38 35 50-imut
 
Atorfik martsip aallaqqaataani 2020 imaluunniit piaarnerpaamik isumaqatigissuteqarnikkut inuttalerneqarusuppoq.
 
Qinnuteqarfissaq kingulleq februaarip 28-ani 2020.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk