Skip to main content
67

Dette jobopslag er udløbet

Pinngortitap Paarsisui pillugit paasititsiniaanermut ilinniartumik sulisussamik sulisussarsiorneq

Pinngortitamut Avatangiisinullu Naalakkersuisoqarfik, Sullissinermut, Aningaasaqarnermut Sulisoqarnermullu immikkoortortaqarfik paasititsiniaanerit iluanni suliassanik suliarinninnissamut ilinniartumik sulisussamik pikkorissumik aallussilluartumillu sulisussarsiorpoq, tassani paasititsiniaaneq Pinngortitap Paarsisui suliaqarfigilissavatit, siunnerfigineqartut tassaallutik meeqqat inuusuttullu. 

Neqeroorutigaavut:
Ilinniartutut ikiortitut sulinerni Pinngortitamut Avatangiisinullu Naalakkersuisoqarfimmi Sullissinermut, Aningaasaqarnermut Sulisoqarnermullu immikkoortortaqarfimmiilissaatit.

Pinngortitap Paarsisui pillugit paasititsiniaanermut siunertaavoq innuttaasut, pingaartumik meeqqat inuusuttullu, piujuartitsinermik aammalu Kalaallit nunaanni pinngortitamik avatangiisinillu paarsilluarnissamik eqqarsalernissaannik kajumissuseqalersinnissaat.

Suliffik pillugu
Ilinniartutut suliffissaq sapaatip akunneranut nalunaaquttap akunneri 10-15-inik sivisussuseqarpoq, isumaqatigiissuteqarneq malillugu agguarneqartartussanik. Piffissanut soraarummeerfiusussanut tunngatillugu naleqqussarsinnaassuseqarpugut.
Ulluinnaat suliassanit pissanganartunit assigiinngitsunik ilusilinnit sunnersimaneqartartut naatsorsuutigisinnaavat, soorlu Pinngortitap Paasisuinut nittartakkap www.inua.gl-ip aamma Facebook-imi quppernerup imarisaannik allannermut ikiuunneq. Nutaaliorsinnaassuseqaruit pitsaassaaq, taamaalillutit najoqqutassat siunnerfigineqartunut soqutiginnilersitsisinnaasut suliarisinnaassallugit. Tamatuma saniatigut ukiup ingerlanerani innuttaasunut assigiinngitsunik aaqqissuussisoqartarpoq, taakkua aaqqissuunnerat peqataaffigilissallugit. 

suliassat nikerartuussapput, kisianni pingaarnertigut suliassatit tassaassapput:

  • Pinngortitap Paarsisuinut paasititsiniaanermik suliassanik assigiinngitsunik isumaginninneq
  • Pinngortitap Paarsisui pillugit allaganngorlugu saaffiginnissutinut akissuteqarnerit
  • Paasissutissiinermi najoqqutassanik, ilanngullugit nittartagaq aamma facebook-imi qupperneq, suliaqarneq nutarterinerlu


Illit pillutit
Naatsorsuutigaarput:

  • Ingerlaqqiffiusumik ilinniartitaanermi ilinniartuusutit, assersuutigalugu inuiaqatigiilerinermi imaluunniit perorsaasutut ilinniarfimmi, imaluunniit attaveqaqatigiinnermut ilinniarfimmi imaluunniit ilinniarfimmi naleqquttumi allami ilinniartuusutit
  • kalaallit danskillu oqaasii pikkoriffigalugit kiisalu nutaat iserfigilluarsinnaallugit naleqqussallaqqissutit
  • Word ilisimassagit aammalu F2 sunaanersoq ilisimagukku iluaqutaassaaq
  • piujuartitsinissaq soqutigigit, ilanngullugit pinngortitaq avatangiisillu
  • kalaallit Kulturiat soqutigigit
  • nittartakkanik suliaqarnermut ilisimasaqarneq iluaqutaassaaq, kisianni piumasaqaataanani
  • ilikkagaqarusupputit, sullissiumatuujullutit namminersorsinnaallutillu
  • aaqqissuussaanermi politikkikkut aqunneqartumi sulinissat piareersimaffigigit


Annertunerusumik paasisaqarusuppit?
Atorfik pillugu annertunerusumik paasisaqarusukkuit Sullissinermut, Aningaasaqarnermut Sulisoqarnermullu immikkoortortaqarfimmi pisortaq Paninnguaq Clasen attaveqarfigisinnaavat oqarasuaammut: 345416.
Qinnuteqarfissaq naappat, qinnuteqarsimasut oqaloqaginninnissamut aggersarneqassapput. Piaarnerpaamik sulilersinnaanissat kissaatigineqarpoq.

Namminersorlutik Oqartussat pillugit paasissutissanik annertunerusunik perusukkuit, uani annertunerusut atuarsinnaavatit www.naalakkersuisut.gl aammalu Pinngortitap Paarsisuinut tunngatillugu nittartakkami www.inua.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk