Skip to main content
144

Dette jobopslag er udløbet

Pinngortitamut Silallu Pissusianut Suliassaqarfimmi suleqatissatsinnik

Pinngortitamut, Silap Pissusianut Ilisimatusarnermullu Immikkoortortaqarfimmi suleqatissatsinnik tunniusimasumik naammassisaqarsinnaasumillu, Pinngortitamut, Avatangiisinut Ilisimatusarnermullu Naalakkersuisoqarfimmi Pinngortitamut Silallu Pissusianut Suliaqarfimmi suliassanik, naalakkersuinermut nunanullu tamalaanut tunngasunik suliaqartussamik pissarsiorpugut.

Suliffeqarfik naatsumik
Pinngortitamut, Silap Pissusianut Ilisimatusarnermullu Immikkoortortaqarfimmi, Pinngortitamut, Avatangiisinut Ilisimatusarnermullu Naalakkersuisumut sullissisuusumi suleqataalissaatit. Immikkoortortaqarfimmi sulineq avatangiisini pissanganartuni suliatigullu unammillernartuni, suliatigut ineriartornissamut periarfissaqarluartumi suliassanilu suleqateqarfiusumi ingerlanneqarpoq.
Pinngortitamut, Silap Pissusianut Ilisimatusarnermullu Immikkoortortaqarfiup suliassaqarfiit arlallit akisussaaffigai, taakkununnga pinngortitami ingerlatsineq, sumiiffinni eqqissisimatitani ingerlatsineq, nunap iluani silap pissusianut naleqqussarneq ilisimatusarnernillu ataqatigiissaarinerit ilaallutik. Aamma Immikkoortortaqarfik pinngortitamik illersuineq pillugu nunani tamalaani isumaqatigiissutit arlallit ingerlanneqarnissaannut akisussaasuuvoq. Immikkoortortaqarfimmi atorfiit akuerisat tassaapput immikkoortortaqarfimmi pisortaq aamma AC-fuldmægtigit arfineq pingasut.
Suliffeqarfimmi pitsaasunik suleqateqarfiusumi, pingaartorsiorfiunngitsunik periuseqarfiusumi aammalu toqqissisimanissamik ineriartornissamillu pingaartitsiviulluartumi sulilissaatit.

Suliassatit
Ulluinnaat pissanganartut, pinngortitami silallu pissusiani suliassanik assigiinngitsorpassuarnik suliaqarfiusut naatsorsuutigisinnaavatit. Pingaartumik nunatsinni masarsoqarfinni illersukkani ingerlatsineq aammalu nunap iluani silap pissusianut naleqqussarnermi suliassat immikkut aallutissavatit. Atorfik annertuumik akisussaaffeqarfiuvoq ulaperuluffiusinnaallunilu. Sulinermi Naalakkersuisoqarfimmi immikkoortortaqarfiit allat aammalu Namminersorlutik Oqartussani, kiisalu Danmarkimi nunanilu tamalaani oqartussaasut allat annertuumik suleqatigissavatit. Suliassat ilaatigut tassaapput:

  • Immikkoortortaqarfiup nunani tamalaani suliaasa ilaannik isumagisaqarneq, ilaatigut Issittumi Siunnersuisooqatigiinni Ramsar-imullu isumaqatigiissummi suliassanut atatillugu.
  • Naalakkersuisunik sullissineq, tassunga allakkiorneq, naalakkersuinikkut isummerfissanik suliaqarneq naalakkersuinikkullu oqariartuutit ilanngullugit
  • Namminersorlutik Oqartussani naalakkersuisoqarfiit akimorlugit tusarniaassutinik ataqatigiissaarineq
  • Pinngortitaq pillugu suliassaqarfimmi isumaqatigiissutit akuerineqarnissaannut naalakkersuinikkut isummernissamut suliat ingerlanerini ataqatigiissaarineq.

Atorfeqarnermi angalangaatsiartoqartassaaq. Sukannersumik killiliussat tunngavigalugit sulisarnissat naatsorsuutigissavat, taamaattumillu suliavit ilisimaarinissaannut aammalu suliassavit ingerlaavartumik tulleriiaarnissaannut pikkorissuussaatit.

Naatsorsuutigisavut
Naatsorsuutigaarput:

  • ilinniagartuutut ingerlaqqiffiusumik ilinniagaqassasutit
  • aaqqissuussaanermi naalakkersuinikkut aqunneqartumi sulinermik misilittagaqassasutit
  • pinngortitamik silallu pissusianik suliassaqarfimmi misilittagaqassasutit
  • misissueqqissaarsinnaassuseqassasutit naalakkersuinermillu ilisimasaqassasutit
  • ajornartorsiutit pisariusut teknikkimullu tunngasut pillugit oqaatsit ersarissut atorlugit ingerlatitseqqinnissamut piginnaaneqarluassasutit
  • namminersorlutit naammassisaqarsinnaallutillu sulineq nuannarissagit
  • aaqqissuussamik sulisinnaassuseqassasutit suliallu amerlasuut ataatsikkut ingerlassinnaassagitit
  • ammasuussasutit aammalu attavinnik attaveqaqatigiinnillu nukittuunik pilersitsinissamut pikkorissuussasutut

Inuiaqatigiinni kalaallini pissutsinik aammalu kalaallisut, danskisut tuluttullu oqaatsinik ilisimasaqarnissat iluaqutaassaaq.

Paasissutissat amerlanerusut
Atorfik pillugu annertunerusumik paasisaqarusukkuit immikkoortortami pisortaq Karen Motzfeldt  telefon (+ 299) 34 60 19-imut attaveqarfigisinnaavat.
 
Qinnuteqaat:
Qinnuteqarnissamut killigitinneqarpoq 18. marts 2019.
Ulloq atorfiniffissaq: 1. maj 2019 sukumiisumilluunniit isumaqatigiissuteqarnikkut.
Oqaloqatiginninnerit 2019-imi sap. ak. 13-imi ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut 
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Sapaatit akunnerannut piffissaq suliffiusoq nal. ak. 40-nik sivisussuseqarpoq.
 
Naalagaaffiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemanditulluunniit isumaqatigiissut naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfinikkumallutik qinnuteqartut sapinngisamik akimisaarfigineqassanngitut akissarsiaqaratik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.
 
Najugaq 
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk