Skip to main content
116

Dette jobopslag er udløbet

Pinngortitamut Avatangiisinullu Naalakkersuisoqarfimmut Naalakkersuisoqarfimmi allatsi

Pinngortitamut Avatangiisinullu Naalakkersuisoqarfimmi suleqatissatsinnik nutaamik, Naalakkersuisoqarfimmi pisortaq qanillugu suleqatiginnissinnaasumik, aammalu Naalakkersuisoqarfimmi immikkoortortaqarfiit akimorlugit suliassanik malinnaasinnaasumik pissarsiorpugut.
Suliat ullullu suliffiusut eqaatsumik pitsaasumillu ingerlanissaat qulakkeereqataaffigissavatit – Naalakkersuisoqarfimmi pisortap, pisortaaqatigiit Naalakkersuisoqarfiullu sinnerata kiffartuunnerisigut. Naalakkersuisoqarfimmi pisortaq, Naalakkersuisup allattai aamma Kiffartuussinermut, Aningaasaqarnermut Sulisoqarnermullu Immikkoortortaqarfik qanillugit suleqatigissavatit.
Pissanganartunik unammilligassaqarnissat, Naalakkersuisoqarfimmi suliassaqarfinnik paasinnilluarnissat suliassavillu allanngorangaatsiarnissaat naatsorsuutigisinnaavatit.

Atorfik 1. juni 2019-imi imaluunniit piaartumik atorfiniffigineqarsinnaalluni inuttaqanngilaq.
 
Suliassatit

  • Pisortaaqatigiit ataatsimiinnissaannik piareersaaneq taakkuninngalu malinnaaneq
  • Najoqqutassat Naalakkersuisoqarfimmi pisortamut Naalakkersuisumullu saqqummiussassat pitsaassusiinik qulakkeerisarneq
  • Naalakkersuisup, Naalakkersuisut Inatsisartullu suliassaannik ataqatigiissaarisarneq malinnaasarnerlu
  • Naalakkersuisoqarfimmi pisortap allattoqarfittut kiffartuunneqarnera, tassunga ataatsimiinnissanik piareersaanerit saaffiginnissutinullu akissuteqartarnerit ilanngullugit
  • Tusagassiorfinnut nalunaarutinik isumagisaqartarneq
  • Tusarniaanernut akissuteqartarneq ataqatigiissaarisarnerlu
  • Pinngortitamut Avatangiisinullu Naalakkersuisoqarfimmi immikkoortortaqarfiit akimorlugit suliani suleqataasarneq

 
Piginnaaneqarfiit
Naatsorsuutigaarput:

  • attuumassutilimmik ilinniagaqassasutit
  • naalakkersuinikkut aalajangiisarnernik paasisimaarinnissasutit, ajornanngippat assingusumi atorfeqarsimallutit
  • ingerlatitseqqissinnaanermik piginnaaneqarluassasutit, pingaartumik allakkatigut
  • ulluinnarni nikerartunik malitassaqarfiusuni suliassaqarfiusunilu ulapaarsinnaaneq iluarisimaassagit
  • aaqqissuussamik pitsaasumillu piffissaliussat malinneqarnissaat qulakkeersinnaassagit
  • namminersorlutit sulisinnaassasutit suleqatikkuminartuussasutillu
  • kalaallisut, danskisut tuluttullu oqaatsinut piginnaaneqarluassasutit

 
Inuk piukkunnaatilik:

  • suliassaminik ilisimaarinnittuuvoq inissaqartitsillunilu
  • aaqqissuussamik sulisinnaassuseqarpoq torersaartuullunilu
  • akisussaaffimminik ilisimaarinnittuuvoq isumagissaarlunilu sulisinnaassuseqarluni
  • suliniarumatuujuvoq siulliusarlunilu

Annertunerusumik paasisaqarusuppit? 
Atorfik pillugu paasissutissat sukumiinerusut Naalakkersuisoqarfimmi pisortaq Mette Skarregaard Pedersen (+299 346476/mesp@nanoq.gl) saaffigalugu pissarsiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk