Skip to main content
67

Dette jobopslag er udløbet

Pikkorissarnernut ataqatigiissaarisoq

Niernermik Ilinniarfimmi Nuuk, Pisortatut Ilisimatusarfimmi pikkorissartitsinermi ataqatigiissaarisumik pissarsiorpoq.

Allaffissornikkut nukittuumik suliriaaseqarpit? Ilinniartut, sulisut aammalu avataaniik suleqatigut pitsaasumik eqqortumik saaffigiuminartumik sullissinnaavigit? Taamaappat  illit ujarpatsigit
Pisortatut Ilisimatusarfik Niuernermik Ilinniarfiup ilagaa ilaatigullu aqutsisunngorniarlutik ilinniartitsinerit pikkorissartitsinerillu tassani ingerlanneqartarput, aningaasarsiorneq, attaveqaqatigiinneq, aporaannermilu periusissanut tunngasut kiisalu inuttut ineriartornermi pikkorissartitsinerit ingerlanneqartarlutik.
Pisortatut Ilisimatusarfik ineriartortitsileruttorpoq pingaarnertut neqeroorutinik nutaanik,  angusaqarluarnissatsinnut nukittuungortitsisussanik, minnerunngitsumik inuussutissarsiornerup pisariaqartitanik sulisunik pikkorissunik peqarnissamut nalimmassaanissaq.

Suliassatit
Suleqatigiinnut ilanngutissaatit, sulisunut pisortat ilisimatusarfiani pikkorissarnikkut aammalu ilinniaqqinnerit aqqutigalugit pikkorissartut pissarsilluarnissannik qulakkeerinnikkusuttunut.
Suliassavittaaq ilagissavaat pikkorissartitsinermut atatillugu attaveqarnissaq, saaffiginnissutit pikkorissarnernut aammalu ilinniaqqinnernut tunngasut, kiisalu attartorniartunut apeqqutit. Pikkorissartunut sullissineq pingaartinneqarpoq, aammattaaq pikkorissarnerit pilersaarusiortassavatit, nittartakkap iluarsaannera suliaralugu.
Sullissinerup pisariaqartippaa, akimut suleqateqarnissaq, sulianik aallussilluarsinnaaneq. Pikkorissarnernut aqutsisoq attaveqarfigissavat.

Kissaatigaarput

  • Inuussutissarsiutigalu allaffissornikkut ilinniagaqarsimassasutit, aamma immaqa suliffinni taamaattuni misilittagaqarsimassasutit.
  • Pikkorissarnernut ilinniaqqinnernullu pilersitsinermik piumassuseqarluassasutit annertuumik.
  • Nammineersinnaassuseqassasutit aammalu allat peqatigalugit, ilusilersuisinnaallutit, pisunullu assigiingitsunut takunnissinnaassuseqassallutit.
  • Tamatigoortuunissat, sapiissuseqarnissat aammalu ulapaarfiusumik sulisinnaanissat pingaaruteqarpoq.
  • Kalaallisut qallunaatullu piginnaasaqarnissat pingaartinneqarpoq


Neqeroorutigaarput
suliffik pissanganartoq, ilinniartoqarfimmi ineriartorfiusumi ulapaarfiusumilu, ilinniartunik, sulisunik pinngaartitsisumi, ineriartortitsinissamillu siunertaqartumi sulinissat. Tassani periarfissaqarputit ilinniartitaanermi ingerlariaatsinut pilersaarusiornernullu pilersitsinermi peqataanissannut. Suliassanik unammillernartunik pisoqarfiusumi, aammalu sulisuni tunniusimasuni, isumassarsiffiusunilu ilaalernissat, ulluinnarnilu qiimaneq ilaalluinnarpoq.
Suliffik sap.akunneranut nal. Ak. 40-nik sivisussuseqarpoq. Atorfik 1. oktober 2020 inuttalerneqarnissaa kissaatigineqarpoq, piaartumik imaluunniit isumaqatigiissuteqarnikkut sulilertoqarsinnaavoq.

Paasissutissat allat
Atorfik taanna suliffigilersinnaallugu takorloorsinnaagukku, allanillu atorfimmut tunngasunik paasisaqarusullutit Pia Nissen Olsen, tlf. 342589 imal. kursus@ninuuk.gl –imut.
Pisortatut Ilisimatusarfik pillugu annerusumik paasissutissanik atuarit uani www.ninuuk.gl pikkorissartitsinerit ataanni.

Qinnuteqarfissaq
Qinnuteqarnissamut killissaritinneqarpoq pingasunngorneq 21. august 2020 atorfininnissamut atatillugu oqaloqateqarnissaq ataavartumik ingerlanneqassaaq.

Tusarfiginissat qilanaaralugu!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk