Skip to main content
106

Dette jobopslag er udløbet

Perorsaanermik Ilinniarfiup immikkoortortaqarfia Nuummi inissisimasoq Isumaginninnermi ikiortinngornianut nunap immikkoortuani atuarfimmi ilinniartitsisussamik pissarsiorpoq

Perorsaanermik Ilinniarfiup immikkoortortaqarfia Nuummi inissisimasoq Isumaginninnermi ikiortinngornianut nunap immikkoortuani atuarfimmi ilinniartitsisussamik pissarsiorpoq.
 
Perorsaanermik Ilinniarfik/Socialpædagogisk Seminarium – aamma taaneqartartoq PI/SPS, immikkoortortaqarfia Nuummi inissisimasoq Isumaginninnermi ikiortinngornianut nunap immikkoortuani atuarfimmi ilinniartitsisussarsiorpoq aamma Najugaq qimannangu perorsaasutut ilinniarfimmi  ilinniartitsisinnaasumik.
 
Perorsaanermik Ilinniarfik Kalaallit Nunaanni Isumaginninnermi ikiortinngorniarnermut aamma Perorsaasunngorniarnermi akisussaavoq.
Isumaginninnermi ikiortinngorniarneq agguataagaavoq atuagarsornernut pingasunut aamma sungiusarluni sulinernut marlunnut. Atuagarsornerit siulliit marluk Maniitsumi, Nuummi aamma Ilulissani nunap immikkoortuini atuarfinni ingerlanneqartarput. Atuagarsornerit pingajuat – brancheskolemiinneq, Ilulissani PI/SPS’imi pisarpoq. Sungiusarluni sulinerit nammineq najugarisami ilinniarnermut isumaqatigiissuteqarnikkut pisarput.
Najugaq qimannangu perorsaasutut Ilinniarneq  pingaarneq tassaavoq piffissami nikerartumi piffissaq naallugu ilinniarneq ullullu ilaannatigut ilinniarneq, ilinniartoq piffissami aalajangersimasumi ilinniarfimmiittassaaq piffissarlu ilaanni suliffimmiittassalluni.
 
Ilinniartitsisumik pissarsiorpugut fag-ini tamani ilinniartitsisinnaasussamik, Nuummi nunap immikkoortuani Isumaginninnermi ikiortinngorniarnermi ilinniartitsisussamik taavalu piareersimaffigissallugu najugaq qimannangu perorsaasunngorniani ilinniartitsisinnaanissani.
Nunap immikkoortuani atuarfiup ulluinnarni aqunneqarnera Immikkoortortami pisortamut isumagineqarpoq.
 
Atorfinitsinneqartussaq perorsaasutut/ilinniartitsisutut imaluunniit Master imal. Kandidatitut ilinniarsimasuussaaq. Isumaginninnermi ilinniartitsinerup iluani ilinniagassani arlalinni ilinniartitsisuusinnaassaaq ukunani:

  • perorsaaneq aamma psykologi
  • nipilersuutinik atuineq aamma nutaaliorsinnaaneq
  • isumaginninnermut inuiaqatigiilerinermullu tunngasut
  • ilinniakkat pillugit siunnersuineq aamma sungiusaammik sulinermi ilitsersuineq

Ilinniartitsineq kalaallisut ingerlanneqartarpoq. Atuakkat qallunaatuujusinnaammata kalaallisut qallunaatullu oqaaseqarneq iluaqutaassaaq.
 
Annertunerusumik paasisaqarusukkuit saaffigisinnaavat Rektori, Nuka Kleemann, imal. Immikkoortortami pisortaq Lena Mathiesen Fly, PI/SPS, Ilulissat oqarasuaat 38 35 50.
 
Annertunerusumik paasisaqarusukkuit nittartagarput www.pi.sps.gl
 
Atorfik decembarip aallaqqaataani 2019 inuttalerusunneqarpoq. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk