Skip to main content
101

Dette jobopslag er udløbet

Peqqissutsimut Pitsaaliuinermullu Aqutsisoqarfimmi aningaasaqarnermut siunnersorti

Peqqissutsimut Pitsaaliuinermullu Aqutsisoqarfiup aningaasaqarnermut immikkoortortaa aningaasaqarnermut siunnersortimik 1. November 2020 immikkulluunniit isumaqatigiissuteqarnikkut atorfinittussamik pissarsiorpoq.
Peqqissutsimut Pitsaaliuinermullu Aqutsisoqarfik immikkoortortanut tallimanut agguataarsimasunik 100 -it missaannik sulisoqartoq, suliffiuvoq ilinniagaqarnermut tunngatillugu unammilligassanik neqeroorutissalik immikkoortortallu akornanni siunersioqatigiinnermik suleqatigiinnermillu pingaartitalik.
Aningaasaqarnermut immikkoortortaq pimoorussisunik ilinniakkat akimorlugit sulisunik sullivimmilu pitsaasunik avatangiiseqarnissamik annertuumik pingaartitsisunik sulisoqarpoq.
Atorfimmi Nuummi allaffissornikkut ingerlatsinermi naatsorsuuserinermullu tunngatillugu suliat isumaginissaat akisussaaffigissavat.

Allaffissornikkut ingerlatsinermut/naatsorsuuserinermut tunngatillugu suliassat:

  • IRIS -imi uppernarsaatinik/bilag naatsorsuutinut nalunaarsuineq
  • Qaammatikkaartumik ukiumullu ataasiarluni kukkunersiuineq
  • Pikkorissarnissanut aningaasaateqarfinnut qinnuteqaatinut akisussaaneq
  • Angalanissanik, akunnittarfinni inissanik assigisaannillu inniminniineq angalanermullu atatillugu naatsorsuutinik nakkutilliineq.
  • Aningaasanik akiliinissamut innersuussutinik suliaqarneq
  • Karsimik bankimilu kontonik kukkunersiuineq
  • Mailikkut attavimmik ataatsimoorussamik isumaginninneq
  • Iggavimmut peqqumaasivimmullu inniminniineq
  • Suliat allat siunertanut aalajangersimasunut tunngasut.


Naatsorsuutigaarput:

  • Naapertuuttumik aningaasaqarnermut/naatsorsuuserinermut tunngasumik tunuliaqutaqarnissat
  • Qarasaasiakkut sullississutinik IRIS-imik ledelsesinfo-mik, EXCEL-imik kiisalu F2-mik ilisimaarinninnissat  
  • Sulianik ingerlatsinermi nammineq akisussaaffimmik tigusinissamik kajungerisaqarnissat
  • Ilinniakkat akimorlugit suliffiusumi avatangiiseqarluni, ataasiakkaat ataatsimut isiginnittumik aaqqiissuteqarnissamut peqataaffigisaanni sulinissamut kajungerisaqarnissat
  • Isumagissuunissat, sapiissuseqarnissat qiimasuunissallu
  • Kalaallisut oqaasilik piumaneqarnerussaaq.


Sap. ak. nal. ak. suliffiusartut: 40

Qinnuteqarfissaq kingulleq: 2. oktober 2020 nal. 8.00, qinnuteqarfiullu ingerlanerani oqaloqateqartarsinnaanissarput naatsorsuutigaarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk