Skip to main content
111

Dette jobopslag er udløbet

Peqqissutsimut Pitsaaliuinermullu Aqutsisoqarfik allaffimmi sulisussarsiorpoq

Torersumik suliaqarsinnaavit allaffissornermilu sulianik ingerlatsisinnaallutit, suliassatit suunersut ataatsimut isigiitigalugit oqarasuaammik qungujulallutit tigusisinnaavit? Aqutsisoqarnermut allattoqarfimmi allaffimmiussarsiorpugut, taannalu illiusinnaavoq.

Aqutsisoqarnermut allattoqarfik Peqqinnissaqarfimmi atorfeqarfiuvoq Dronning Ingridip Napparsimmavissuani inissisimasoq. Suliarisartakkagut aqutsisunut sullissinerupput, attaveqarnerupput aammalu nakorsianut tunngatillugu inatsisitigut ilitsersuinermik suliaqartuulluta. Allattoqarfimmi Peqqinnissaqarfimmi suliassaqarfiit nunalu tamakkerlugu innuttaasut attaveqarfigineqartarput. Taamaattumik pingaaruteqarpoq qiimasuussasutit, inussiarnersuussasutit kiffartuusserusussuseqassasutillu.

Aqutsisoqarnermut allattoqarfimmi allaffimmiutut suliassat assigiinngitsut suliarisassavatit. Suliassat ilaat akiligassanik akiliinerussapput, ullorsiutinik aqutsinerussapput aammalu innuttaasut saaffiginnissutaat pillugit ataatsimiinnernik inniminniinerussallutik. Taamaattumik suleriaatsitit eqaatsuussapput nammineerlutillu suliassat nalinginnaasut ulluinnarnilu takkuttartut saniatigut piffissannik aqutsissaatit pitsaasumillu naammssinnittartuussallutit.
Qulaani pisariaqartinneqartut pigigukkit ataanilu suliassat misilittagaqarfigigukkit taava illit suleqatitaarisinnaavatsigit.

Suliassat

  • Ullorsiutinik aqutsineq ataatsimiinnernillu inniminniinerit
  • Allagaatinik aqutsineq journaliseriinerlu
  • Akiligassiineq
  • Annikitsunik sulianik ingerlatsinerit
  • Ataatsimiinnernut pisiassanillu allanik inniminniinerit
  • Angalanissanik pilersaarusiornerit
  • Kalaallisut kukkunersiuienerit annikitsumillu nutserinerit
  • Oqarasuaatikkut allakkatigullu saaffiginnissutinik akinninnerit
  • Suliassat takkuttut allat

Illit pillutit
Siullertut suleqatissatsinnik tunniusimasumik naatsorsuutigisinnaasatsinnullu, immikkoortortaqarfitsinni sulerusussusilimmik qiimasumik suleqatiginnikkusuttumillu ujartuivugut. Suliffitsinni ataatsimoorsinnaasarpugut illarsinnaasarlutalu taamaakkaluartorli aamma anguniagaqallaqqillutalu suliassatsinnik aallussisinnaavugut.

Naatsorsuutigaarput ilikkajassasutit pikkorissasutit kiisalu misilittakkatit kinaassutsillu arlaatigut tunniussaqarsinnaasut kiisalu ataaniittut aamma naammassisinnaassagitit:

  • Allaffimmiutut ilinniarsimasoq imaluunniit suliassarisat pillugit minnerpaamik ukiuni pingasuni misilittagalik
  • Officemik atuilluarsinnaasoq IT-qarnermi atortorissaarutinik aamma allanik ilisimasaqarsinnaasoq
  • Marlunnik oqaasilik (kalaallisut qallunaatullu)

Paasissutissat allat
Atorfik pillugu paasisaqarnerorusukkuit allaffimmi aqutsisoq Else-Marie Brødsgaard oqarasuaat +299 34 47 00 imalt. e-mailikkut embr@peqqik.gl attavigisinnaavat.

Kalaallit Nunaanni peqqinnissaqarfik pillugu paasissutissanik allanik nittartakkakkut www.peqqik.glpissarsisinnaavutit.
Peqqinnissaqarfiup Qullersaqarfia allaffissornikkullu ingerlatsivia Peqqissutsimut Pitsaaliuinermullu Aqutsisoqarfimmi aaqqissuussaanikkut Peqqissutsimut Naalakkersuisoqarfiup ataaniittumi inissisimavoq.
Peqqinnissaqarfiup qitiusumik allaffissornikkut ingerlanneqarnera Aqutsisoqarfiup isumagisaraa Naalakkersuisullu peqqinnissamut tunngasunut iliuusissatut siunniussaasa eqquutitsisussanut ilusiliisuusarluni.

Qinnuteqaat
Sap. ak. 31-mi qinnuteqartunik oqaloqateqarnerit ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk