Skip to main content
67

Dette jobopslag er udløbet

PEQQISSUTSIMUT NAALAKKERSUISOQARFIMMUT INATSISILERITOOQ

Peqqissutsimut Naalakkersuisoqarfiup politikkikkut allaffissornikkullu sullissineranut siunnersuineranullu suleqataasinnaasumik inatsisilerituumik pissarsiorpugut. Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Pingaarnerpaatut suliassarput tassa peqqissutsimut tunngasutigut suliniutinik ineriartortitsinertigut Namminersorlutik Oqartussat (Naalakkersuisut) aalajangiinissaannut eqqortumik tunngavilersuisarnissaq isumannaassallugu.

Peqqissutsimut Naalakkersuisoqarfimmi suleqatigiiuvugut 15-it tassaallutalu inatsisilerituut, peqqinnissaqarfimmi sulianut tunngasutigut siunnersortit, oqalutsi aammalu AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Peqqissutsimut Naalakkersuisoqarfiup sulisui suleqatigiilluartartutut ilisimaneqarput imminnut immersoqatigiittarneq ikioqatigiitarnerlu atugaallutik. Suliffitsinni pissutsit ammasuullutillu persuarsiortuunngillat, nutaanik isumaliornissamut kiisalu suliassanik naammassinninnissamut kikkut tamarmik peqataasarnissaannut periarfissinneqartarnerannik ileqqoqarpugut.

Inatsisilerinermik Immikkoortoqarfimmi maannakkut Immikkoortoqarfimmi pisortaq inatsisilerituullu 3-t sulisuupput. Inatsilerituutut atorfinni suliassatit tassaassapput:

  • Naalakkersuisumik sullissisarneq
  • Peqqissutsimut tunngasutigut inatsisiliornernik piareersaasarnerit suliarinnittarnerillu
  • Peqqinnissaqarfimmi inatsisitigut iluarsiissutinik periarfissatigullu ineriartornermik tapersersuisarnerit
  • Suliffeqarfimmi namminermi taassumalu avataani inatsisilerituutut siunnersuisarneq.
  • Akissuteqaasiortarneq, naalakkersuisunikkut qisuariaasiortarneq nassuiaasiortarnerlu.
  • Aqutsisunik inatsisitigut siunnersuisarneq ilitsersuisarnerlu
     

Qinnuteqartoq inatsisilerinermik misilittagaqassaaq - ajornanngippat aamma peqqissutsimut tunngasunik.' Taakkununnga ilanngullugit:

  • Cand jur.-itut ilinniagaqassaatit
  • Aaqqissussaanermi naalakkersuinikkut aqunneqartumi sulissallutit soqutigisarissavat
  • Suliassanik assigiinngissitaartunik suliaqartarneq nuannarisarissavat
  • Aaqqissuussaasumik suleriaaseqartutit pitsaassutsinillu ilisimaarinnilluartuullutit
  • Sullissivimmi suliassanik iluarsiiniarnerni akisussaassuseqarnermik takutitsisinnaassuseqartutit
  • Attaveqallaqqissuusutit qiimasuullutillu
     

Suliffik ulapaarfiusoq inuttut ineriartornissamik periarfissaqarluartoq aamma sulinerup sulinngiffeqarnerullu nalaani misigisassarpassuaqarfiulluni soqutiginartoq unammillernartorlu pineqarpoq.

Suliffimmi avatangiisini pissanganartuni pisoqarfiulluartunilu atorfik pissanganartoq unammillernartorlu pineqarpoq, inuttut suliatigullu unammilligassarpassualik, persuarsiorfiunngitsoq imminnullu ikioqatigiikkusuttunik suleqatigiilluarfiusoq. Misigissavat suliffik assut eqaatsoq ulluinnarnilu sulinerpit sunniuteqarfiginissaanut periarfissalik. Namminersorlutik Oqartussat allaffeqarfeqarput nutaalianik pitsaasumillu nerisarfeqarlutik.

Nuuk 17.500-t missaannik innuttalik nunami illoqarfiit annersaraat. Illoqarfik iloqarfiit pingaarnersaattut nutaaliaasutut ineriartortuuvoq, suliffeqarfissuit suliffiillu assigiinngitsorpassuupput, nutaaliaasunik inissiaqarlunilu pitsaasunik atuarfeqarpoq meeqqanullu paaqqinnittarfeqarluni. Taakku saniatigut uummaarissumik kulturikkut sammisassaqartitsisoqartarpoq, timersortarfeqarpoq, naluttarfeqarpoq sisoraatinut majuartarfeqarlunilu ujakkaartarfeqarpoq aamma sunngiffimmi meeqqanut inersimasunullu sammisassaqartitsinissamik pisariaqartitat allat pigalugit.

Tassunga atorfimmut inuttassarsiornissaq pillugu Namminersorlutik Oqartussat Pointer A/S suleqatigivaat. Taamaattumik Pointer A/S-imi pisortaaneq Inger Ingvardsen +45 29368636 aqqutigalugu attaviginninnissannut tikilluaqqusaavutit. Saaffiginnissutit tamarmik allanut saqqummiunneqarnavianngillat.

Qinnuteqaat nalunaaqutserlugu ”Inatsilerinermut immikkoortortami pisortaq” aamma piaarnerpaamik kingusinnerpaamillu 26. august 2020 uunga imi@pointersearch.dk nassiunneqarsimassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job