Skip to main content
153

Dette jobopslag er udløbet

Peqqissutsimut Naalakkersuisoqarfimmut inatsisileritooq

Ukiuni arlalinni suleqatigisimasarput nutaanik ujartuinerata kingorna Peqqissutsimut Naalakkersuisoqarfik piaartumik atorfinittussamik inatsisilerituumik sulisussarsiorpoq.

Suliassat ilagaat peqqinneq pillugu inatsisiliorneq aammalu inatsisiliornermut tunngasutigut ajornartorsiutinut aaqqiissutinik suliaqarneq, aammattaaq peqqinnissamut attuumassuteqartunut apeqquteqaatit pillugit peqqinnissamik suliaqartut allaffissornikkullu sulisut suleqatigissavatit.

Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Suliassatsinni pingaarnerpaaq tassaavoq Naalakkersuisut Kalaallit Nunaanni peqqissutsikkut siuarsaaniarnermi peqqinnissaqarfiup iluani suliniutinik ineriartortitsisarnernik pitsaasumik aalajangiinissamut tunngavilernissaat.

Suleqatigiit uagut tassaavugut inatsisilerituut, peqqinnissaqarfimmi sulianut tunngasunik immikkut ittumik siunnersortit, oqalutsi aammalu AC-fuldmægtigit suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinermi avatangiisigut ammasuupput persuarsiortuunatillu. Kikkut tamarmik aaqqissuussaanermut suliatsinnillu aaqqiissutinut nutaaliorluni tapersiuteqarnissamut periarfissiineq pingaartipparput. Taamaattumik peqqinnissaqarfik soqutigigukku iluaqutaassaaq, ammasuunissalli suleqatikkuminarnissallu pingaarneruvoq.

Inatsisilerituutut makkuninnga suliaqartassaatit:

  • Peqqissutsimut Naalakkersuisumik sullissineq
  • Peqqissutsimut tunngasutigut inatsisinik piareersaaneq suliaqarnerlu
  • Peqqinnissaqarfimmi inatsisitigut iluarsiissutinik periarfissatigullu ineriartornermik tapersersuineq
  • Suliffeqarfimmi namminermi taassumalu avataani inatsisilerituutut siunnersuisarneq
  • Akissuteqarluni allakkianik, politikkikkut akissuteqartarnernik nassuiaatinillu il.il. suliaqartarneq
  • Aqutsisunik inatsisitigut siunnersuisarneq ilitsersuisarnerlu

Naatsorsuutigaarput

  • Peqqinnissaqarfiup iluani inatsisiliortarnermik misilittagaqartuusutit ilisimasaqartuusutilluunniit
  • Inatsisilerituutut suliffeqarfimmik politikikkut aqunneqartumik misilittagaqarluartutit, piumasaqaataanngilarli
  • Suliassaqarfiit akimorlugit suliniutinik suliaqarsinnaassasutit
  • Nammineersinnaassuseqartutit suleqatigiinnilu suleqataasinnaasutit, aaqqissuussaasumik suleriaaseqartutit pitsaassutsimillu ilisimaarinnilluartuullutit
  • Sullarissuusutit piffissakilliornermilu sulisinnaasutit
  • Allannguinissamut piareersimasuusutit
  • Attaveqallaqqissuusutit qiimasuullutillu
  • Suliassanik naammassinninnissamut akisussaassuseqarnermik takutitsisinnaassuseqartutit


Qinnuteqarneq attaveqarfissallu
Ulloq qinnuteqarfissaq kingulleq tassaavoq 4. Marts 2019. Oqaloqatigiinnerit ingerlaavartumik ingerlannissaat naatsorsuutigineqarpoq.
Qinnuteqaammut CV, ilinniagaqarnermut uppernarsaatit kiisalu inuit paasiniaavigineqarsinnaasut pingasut attavigineqarnissaannut paasissutissat ilanngunneqassapput.

Atorfik pillugu paasiniaanissannut tikilluaqqusaavutit Immikkoortortami pisoqartoq Michael Würtz-ip attavigineratigut oqarasuaatikkut +299 34 66 18 imaluunniit mailikkut micw@nanoq.gl. Tamatuma saniatigut nittartagaq www.peqqik.gl innersuunneqarpoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk