Skip to main content
78

Dette jobopslag er udløbet

PEQQISSUTSIMUT NAALAKKERSUISOQARFIMMI INATSISINUT IMMIKKOORTOQARFIMMI PISORTAQ

Peqqissutsimut Naalakkersuisoqarfiup politikkikkut allaffissornikkullu sullissineranut siunnersuisarneranullu siuttuusinnaasumik inatsisinut immikkoortortaqarfimmi pisortassamik pissarsiorpugut. Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Pingaarnerpaatut suliassarput tassa peqqissutsimut tunngasutigut suliniutinik ineriartortitsinertigut Namminersorlutik Oqartussat (Naalakkersuisut) aalajangiinissaannut eqqortumik tunngavilersuisarnissaq isumannaassallugu.

Peqqissutsimut Naalakkersuisoqarfimmi suleqatigiiuvugut 15-it tassaallutalu inatsisilerituut, peqqinnissaqarfimmi sulianut tunngasutigut siunnersortit, oqalutsi aammalu AC-fuldmægtigit, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Peqqissutsimut Naalakkersuisoqarfiup sulisui suleqatigiilluartartutut ilisimaneqarput imminnut immersoqatigiittarneq ikioqatigiitarnerlu atugaallutik. Suliffitsinni pissutsit ammasuullutillu persuarsiortuunngillat, nutaanik isumaliornissamut kiisalu suliassanik naammassinninnissamut kikkut tamarmik peqataasarnissaannut periarfissinneqartarnerannik ileqquqarpugut. Allorfimmi, pinngitsuuisinnaajunnaarsimanermik katsorsaavimmi, Nunatsinni Nakorsaaneqarfimmi pisortat Naalakkersuisoqarfimmit qanimut suleqatigineqartarput.

Immikkoortoqarfimmi pisortap inatsisinut immikkoortoqarfimmi inatsisilerituut pingasut namminermullu tunngatillugu suliassat sulisullu ulluinnarni akisussaaffigissavai. Peqatigisaanik immikkoortortaqarfimmi pisortaq naalakkersuisoqarfimmi pisortap tullerissavaa. Tamatuma saniatigut makku suliassaapput:

  • Naalakkersuisoqarfimmi suliassanik ataqatigiissaarisarneq, taakkua ilagalugu naalakkersuisumik kiffartuussisarneq
  • Peqqinnissaqarfiup tungaatigut inatsiliornermut piareersaasarnernut suliarinnittarnernullu akisussaasuuneq.
  • Inatsisitigut aaqqiissutissat periarfissallu pillugit peqqinnissaqarfimmut, Allorfimmut Nunatsinni nakorsaaneqarfimmullu siunnersuisarneq.
  • Akissuteqarluni allakkianik, politikkikkut akissuteqartarnernik nassuiaatinillu suliaqartarnernut akisussaasuuneq.
  • Aqutsisunut inatsisitigut siunnersuisarnernut ilitsersuisarnernullu akisussaasuuneq
     

Atorfinitsinneqartussaqinatsisilerituutut misilittagartuujussaaq ulluinnarni naalakkersuisumik sulissinermik, inatsisilerinermik tunngasutigut aammalu inatsisitigut ajornartorsiutinik iluarsiisarnernut sulinermik nuannarisalik. Peqqissutsimut tunngasut tusagassiutitigut sammineqartaqaat, neriuutigaarpullu illit pissanganartutut unammilligassatullu tamakku isigissagitit. Peqqinnissaqarfik soqutigigukku iluaqutaassaaq, alapernaatsuunissalli suleqatiginnikkusussuseqartuunissallu pingaarneruvoq. Taakkununnga ilanngullugit:

  • Cand jur.-itut ilinniagaqarsimassasutit
  • Aqutsinermik misilittagaqartutit
  • Suliffeqarfimmi naalakkersuinikkut aqunneqartumi sulinermik misilittagaqassasutit susassaqarfiillu akimorlugit suleqatigiisinnaassuseqassasutit.
  • Inatsisinik taakkulu suliarineqartarnerini periutsinik misilittagaqartutit aamma/imaluunniit soqutigisaqartutit.
  • Aaqqissuussaasumik suleriaaseqartutit pitsaassutsinillu pingaartitsisuullutit
  • Sullivimmi suliassanik iluarsiiniarnerni akisussaassuseqarnermik takutitsisinnaasuseqartutit
  • Kalaallit oqaasiinik, kulturiannik aammalu inuiaqatigiinni pissutsinik ilisimasaqarnissaq pingaartinneqarpoq.


Suliffik ulapaarfiusoq inuttut ineriartornissamik periarfissaqarluartoq aamma sulinerup sulinngiffeqarnerullu nalaani misigisassarpassuaqarfiulluni soqutiginartoq unammillernartorlu pineqarpoq.

Nuuk 17.500-t missaannik innuttalik nunami illoqarfiit annersaraat. Illoqarfik illoqarfiit pingaarnersaattut nutaaliaasutut ineriartortuuvoq, suliffeqarfissuit suliffiillu assigiinngitsorpassuupput, nutaaliaasunik inissiaqarlunilu pitsaasunik atuarfeqarpoq meeqqanullu paaqqinnittarfeqarluni. Taakku saniatigut uummaarissumik kulturikkut sammisassaqartitsisoqartarpoq, timersortarfeqarpoq, naluttarfeqarpoq sisoraatinut majuartarfeqarlunilu ujakkaartarfeqarpoq aammalu sunngiffimmi meeqqanut inersimasunullu sammisassaqartitsinissamik pisariaqartitat allat pigalugit.

Tassunga atorfimmut inuttassarsiornissaq pillugu Namminersorlutik Oqartussat Pointer A/S suleqatigivaat. Taamaattumik Pointer A/S-imi pisortaaneq Inger Ingvardsen +45 29368636 aqqutigalugu attaviginninnissannut tikilluaqqusaavutit. Saaffiginnissutit tamarmik allanut saqqummiunneqarnavianngillat.

Qinnuteqaat nalunaaqutserlugu ”Inatsilerinermut immikkoortortami pisortaq” og piaarnerpaamik kingusinnerpaamillu 26. august 2020 uunga  imi@pointersearch.dk nassiunneqarsimassaaq.

Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job