Skip to main content
115

Peqqinnartumik atoqatigiinnermut inuusarnikkullu meerartaarnissamut piareersarnermut siunnersortimik pissarsiorpoq

Nunatsinni peqqinnartumik atoqatigiinneq inuusarnikkullu meerartaarnissamut piareersarnermut iliuuserisanik inerisaaneq piviusunngortitsinerlu kajungeraagit? Taava atorfik ilinnut naleqquttuuvoq. Atorfiniffissaq ulloq isumaqatigiinnikkut
 
Isumaginninnermullu Aqutsisoqarfik inuusuttut akornanni peqqissutsimik inuunerinnermillu siuarsaanissamut suleqartissarsiorpoq. Atorfik ilinniakkat akimorlugit pitsaaliuinermi immikkoortortaqarfimmi PAARISAmi, ilaatigut periutsinik nutaanik peqqissutsimut isumaginninnermullu tunngatillugu, kommunit pisortaqarfiillu allat qanimut suleqatigalugit, iliuusissanik inerisaanermik suliaqartumi aallaaveqarpoq. Immikkoortortami suliassat qiterisaat tassaavoq ilinniakkat akimorlugit iliuusissanik pisortaqarfinnut innuttaasunullu saaffiginnittunik inerisaaneq.
 
Uatsinni ilinniagaqassutsimikkut pikkorissunik ulluinnarni sukkasuumik annertuunillu unammilligassalinnik ukkassilluartunillu suleqateqassaatit. Akisussaaffivit inuusarnikkut meerartaarnissamut piareersarnermik peqqinnartumillu atoqatigiinnermik inerisaanermi piviusunngortitsinermilu peqataanissaq pingaarnersarissavaat, suliassanik nutaanik tigusinissaq ilinniagaqassutsikkullu piginnaasavit tamakkerlugit atorsinnaanissaat piareersimaffigissavattaaq. Ilinniagaqassutsikkut unammillerneqarnissat immikkoortortamullu inerisartuartumut peqataalernissamut pitsaasunik periarfissaqassaatit.
 
Inuusarnikkut meerartaarnissamut piareersarneq sunaana?
Inuusarnikkut meerartaarnissamut piareersarneq 9. klassinut 10. klassinullu ulluni pingasuni ilinniartitsineq aallaavigalugu meeraaqqatut pissusilersortitamik elektroniskiusumik paarsineq neqeroorutaavoq. Inuusaq meeraaqqatut pissusilersorpoq taamaalillunilu nerisinneqarlunilu tungiugassaalluni. Inuusarnikkut meerartaarnissamut piareersarnermi inuusuttut angajoqaajunermut, aammali naartunaveersaarnermut, naartuersinnermut, nappaatinut atoqatigiinnikkut tuniluuttartunut, inuttut killissanut, pissusissamisoornermut assigisaannullu tunngatillugu ilisimasaqalersinnissaat piginnaaneqalersinnissaallu siunertaavoq.
Ilinniartitsineq taamaalilluni inuusuttut akornanni isumalimmik akisussaassuseqartumillu atoqatigiinnermik inerisaaqataassaaq.
 
Atorfik
Isumassarsianik inerisaanermik, ataqatigiissaarinermik, peqataatitsinermik piviusunngortitsinermillu pingaarnertut oqaasertaliisunut suleqatigiinnut pimoorussisunut akuulissaatit.
 
Makku ilaatigut suliassaraatit:
  • Nunatsinni inuusarnikkut meerartaarnissamut piareersarnermik inerisaaneq, nutarterineq piviusunngortitsinerlu
  • Atuartunik aamma/imal. sulisunik ilinniarsimasunik inuusarnikkut meerartaarnissamut piareersarneq pillugu Nuummi sinerissamilu ilinniartitsineq allattarissanik soorlu killiffissiorluni nalunaarusianik suliaqarneq
  • Nunatsinni peqqinnartumik atoqatigiinnermut tunngatillugu inersisaaqataaneq  
  • Ilisimasanik katersineq ingerlatitseqqiinerlu
  • Ilinniakkat akimorlugit suleqatigiinnermik ataqatigiissaarineq
  • Politikkikkut salliussassanik suliaqarneq
Piginnaasatit
Suleqatissarsiorpugut:
  • Peqqinnartumik atoqatigiinnermik kinguaassiornermillu tamatumunngalu atatillugu pisinnaatitaaffinnik ilsimasalimmik
  • Sulianut inerisaanermut, piviusunngortitsinermut, nakkutilliinermut attuumassutilinnut tunngatillugu pimoorussisumik, ukkassisumik aaqqisuussamik periusilimmik naliliinermillu ukkassisumik
  • Illugiinnik kalaalisut qallunaatullu oqaasilimmik (tuluttullu pikkoriffeqaruni iluassaqisumik)
  • Eqaatsumik periusilimmik suliallu naammassinissaannut ujartuisumik
  • Allattariarsukkanut oqaatitigullu attaveqatigiinnermut pikkoriffilimmik
  • Ukiup ingerlanerani sap.ak. arfinillit arfineq pingasullu akornanni angalasinnaasumik
  • Ilinniakkat akimorlugit suleqatiginnissinnaalluartumik

Inuusarnikkut meerartaarnissamut piareersarnermik peqqinnartumillu atoqatigiinnermik suliaqarnerup saniatigut, atorfik ilinniagaqassuseq tunngavigalugu Paarisami iliuuseriniakkanut allanut- soorlu kinguaassiuutitigut atornerlugaanermut, siusinaartumik iliuuseqarnernut, imigassamut, hashimut il.il. tunngatillugu siunersioqatigiinnermik inerisaanermillu suliaqarnissamik nassataqarportaaq. Ilinniagaqassutsikkut tunuliaquttat aalajangiisuusariaqanngilaq suliassaqarfiilli pimoorutissavaat. Peqqissutsimut tunngatillugu ilisimatusarnermi kandidatiusinnaavutit, aammali peqqissaasutut, ilinniartitsisutut, perorsaasutut, juumuutut imal. allarluinnarmik tunuliaqutaqarsinnaavutit.
 
Pitsaaliuinermut Isumaginninnermullu Aqutsisoqarfik 
Pitsaaliuinermut Isumaginninnermullu Aqutsisoqarfik Naalakkersuisut ataanni tallimanik ukuusunik immikkoortortaqarpoq: Pitsaaliuinermut immikkoortortaq PAARISA, Aningaasaqarnermut immikkoortortaq, Ulloq Unnuarlu Paaqqinniffinnut innersuussisarnermullu immikkoortortaq, Qitiusumik Siunnersuisarfik Allatseqarfillu. Immikkoortortat qanimut suleqatigiipput, suliffeqarfiuvorlu ilinniagaqassutsikkut unammilligassarpassuarnik neqeroorutissalik.
Akissarsiat atorfininnermilu atugassarititaasut
Atorfik aalajangersimasumik atorfiusoq sap. ak. nal. ak. 40-it suliffiusussaq piaarnerpaamik inuttassarsiuunneqarpoq. Atorfik aaqqissuussaanikkut Nuummi Pitsaaliuinermut Isumaginninnermullu Aqutsisoqarfiup ataani inissisimavoq. Piffissap ilaani angalasarnissaq naatsorsuutigisariaqarpoq.
 
Atorfininnerup nalaani Kalaallit Nunaanni Namminersorlutik Oqartussat kattuffiullu isumaqaatigiinniarsinnaatitaasup isumaqatigiissutaat atuuttoq naapertorlugu, atorfininnermi suliunnaarnermilu angalanermut pisattanillu angallassinermut atatillugu akiliunneqarnissamut pisinnaatitaaffeqarneq ilanngullugu, akissarsianut-atorfininnermullu atatillugu atugassarititaasut aalajangersagaapput
 
Ineqarneq
Atorfininnermut atatillugu inissamik innersuussisoqarsinnaanngilaq. Qinnuteqartoq Namminersorlutik Oqartussani suliffimminut atatillugu ineqareerpat inissamik innersuunneqarnissamut pisinnaatitaaffik attatiinnarneqassaaq. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
 
Paasissutissat annertunerusut
Atorfik pillugu annertunerusumik paasisaqarusukkuit perorsaarnermi siunnersorti Hanne Lystrup mailikkut/oqarasuaatikkut: haly@nanoq.gl / 345160 imal. Paarisami immikkoortortami pisortaq Ditte Enemark Sølbeck mailikkut/oqarasuaatikkut: ditt@nanoq.gl / 346037 attavigisinnaavat 
 
Qinnuteqarfissaq kingulleq: 01.september 2019 nal. 12.00 (nunatsinni nalunaaqutaq naapertorlugu) 

Naalakkersuisunut tunngasoq
Unammilligassanik ujartuivit? Sulinerit aqqutigalugu ulluinaat sunniiviginissaannut siunissannillu ilusileeqataanissaannut kajungerlutit? Taava Namminersorlutik Oqartussani atorfeqarnissaq ilinnut naleqquppoq. Sulisut annertuumik akisussaassuseqartuunissaat naatsorsuutigaarput ilinniagaqassutsikkullu piginnaasat, pitsaasumik misissueqqisaarsinnaassuseqarneq allannguinissamullu piareersimaneq annertuumik pingaartillugit. Tamatuma saniatigut ulluinnaat aaqqissuunnissaannut ataatsimullu isiginnissinnaanermut piginnaasaqarnissat pingaaruteqarpoq. 
 
Namminersorlutik Oqartussat allaffissornikkut qitiusumik immikkoortortaqartut Naalakkersuisoqarfinnut arlalinnut kiisalu siammarsimasunik amerlasuunik immikkoortortalinnut agguataarsimapput 650-illu sinnerlugit sulisulimmik qitiusumik aqutsisoqarfeqarlutik.
Katilluta 2500 sinneqartugut Namminersorlutik Oqartussanut atassuteqarpugut.
Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai.
 
Nunatsinni Namminersorlutik Oqartussat pillugit paasissutissat annertunerusut uani pissarsiarisinnaavatit:

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk