Skip to main content
101

Dette jobopslag er udløbet

Paarisa sulianik pilersaarutinik aqutsisussamik nukittuumik pissarsiorpoq, suliniutit assigiinngitsut meeqqat inuusuttuaqqallu atugarissaarnissaannik siuarsaanissamut tunngasumik aqutsisussamik

Naalakkersuinikkut siunertarisamut Meeqqat 0-18 ukiulinnut, meeqqat inuusuttuaqqallu atugarisaannik sammisumut tunngasunik ineriartortitseqataallutillu suliniaqatigiiffinnik assigiinngitsunik akuulersitsillutit suleqataarusuppit?  Pilersaarutinik suliaqartut allat marluk peqatigalugit, suliniutinut nutaanut suleqataanissamut piumassuseqarpit? Ineriartornermut suleriaatsinik aqqutissiuinissaq soqutigaajuk sammisanullu allanut nuugasuarsinnaanermut piareersimavit? Taava illit pisariaqartippatsigit.
 
Meeqqat 0-18 ukiullit pillugit suliniut
Meeqqat 0-18 ukiullit suliniutaavoq, suleqatigiissitat assigiinngitsut akimorlugit suleqatigiisitaq, Isumaginninnermut Aqutsisoqarfik, Ilinniartitaanermut Aqutsisoqarfik kiisalu  Peqqinissamut Pinaveersrtitsinermullu Aqutsisoqarfik suleqatigiillutik ingerlanneqartoq. Siunertarisaavoq, Kalaallit Nunaanni meeqqat tamarmik  ineriartorfiusumik inuuneqalernissaat atugarissaarnissaallu anguniassallugu.  Siunertarisami sulissutigineqarpoq, suliniaqatigiiffiit assigiinngitsut peqatigitillugit suleqatigiittoqarnissaanik ataqatigiissaarinissaq kiisalu siusinaartumik iliuuseqartarnissaq pillugu pilersitsinissaq, taamaasilluni meeqqamut inuusuttuaqqamullu tunngasunik ilisimasat sumiginnarneqannginnissaat pinngitsoortinneqassammat. Suliniummi sulianut pilersaarutit sisamaapput. Ilaatigut tassaallutik meeqqat inuuneranni ikaarsaariarfiit, angerlarsimaffimmiit meeqqeriveqarfimmut, meeqqeriveqarfimmiit atuarfeqarfimmut kiisalu nunaqarfimmi meeqqat atuarfianiit illoqarfimmi atuarfeqarfimmut ikaarsaariarnerit. Pilersaarut sisamaat “meeqqat tamarmik ukiut ataasiarlutik misissorneqartarnissaat” suliniutip siunertarivaa, qulakkiissallugu meeqqat tamarmik inuuniarnermikkut atugarisaannik sullissisoq peqatigalugu nalilersorneqartarnissaasa qulakkeerneqarnissaat. Suliniutit taakku sisamaasut suliniutaapput ataatsimoortut, qanimut attaveqatigiinneq kiisalu suleqatigiinneq aqqutigalugu ingerlanneqarttusaq. Suliniutitut pilersaarummi sulissutigineqarpoq, pitsaasumik inuttullu atugarisatigut attanneqarsinnaasumik pilersitsinissaq, taamaattumik suliniutaasut ingerlanneqareersut nukittorsarneqarnerisigut ineriartortinneqassapput.   
 
Atorfimmut tunngasut   
Suleqatigiit sulianut pilersaarutinik aqutsisunik marlunnik kiisalu sulianut tunngasunik aqutsisumik suleqateqassaatit. Sulianut pilersaarutaasunik aqutsisutut suliannut tunngasumik illisimasatit atuutsinneqarnissaannut periarfissaqassaatit. Suliassarissavallu, pilersaarutinik aqutsisut allat suleqatigalugit suliniutinik ineriartortitsinissaq, tamatumalu kingorna sulianut tunngatillugu kommunit suleqatigalugit allanittaaq peqataatitsinissaq akisussaaffigissavat. Taamaattumik naatsorsuutigineqarpoq, suleqatigiinnik illuatungeriinnik sunniuteqarsinnaasunik suliaqarsinnaasutit, namminersuutigalugu suliassanut suliassanillu pilersaarutaasunik suliaqartut qanimut suleqatiginissaat kiisalu kommunini sammisanut suliaqartunik aqutsisoqarfinnillu suleqateqarnissaq. Massakkut sulissutigineqarpoq, meeqqanut 0- 18 ukiulinnut tunngasunik misissueqqissaarnissamut atortussanik misissuinerit ingerlanneqarput, sulisunik pikkorissaaneq, qanoq iliornikkut misissueqqissaartoqarnissaanik, iliuuseqartarnissamik kingornalu malinnaaviginninissaq pillugu suliaqartarnissaq pikkorissaaneq, kiisalu taakku suliniutit pingasuusut toqqammavigalugit inatsisitigut iliuuseqartarnissamut periarfissanik assiliortuinissaq.         
 
Suliassatit ilaatigut ukuupput:  

  • Suliniutaasut qulaani taaneqartut ineriartortinnissaat kiisalu suliniuteqartunik peqataatitsinissaq
  • Kommunit, aqutsisoqarfiit allallu suleqatigiinnissaannik ataqatigiissaarineq  
  • Sulianut aqutsisumut, aqutsisoqarfinnullu oqaaseqaatiliornissaq, siuariartornerullu killiffianik nalunaarusiornissaq  
  • Qaammarsaanerit ingerlanneqartarnissaat kiisalu ataatsimiinnissanik aaqqissuinissat ingerlannissaat
  • Pilersaarusianut suleqatigiissitalianik akisussaaneq
  • Pilersaarutaasunik isikkivilersuineq suliallu ingerlanneqarneri.


 Ujartorparput:

  • Pilersaarusiornermik aqutsinissamik misilittagaqarlunilu soqutiginnittoq kiisalu ineriartortitsinissamik suliaqarneq
  • Allattariarsornikkut oqaluttariarsornikkullu annertuumik attaveqaataasussamik piginnaasaqartoq  
  • Ullukkut paaqqinniffinnik, atuartitaanermut tunngasunik, peqqinnissaqarnermut tunngasunik kiisalu/imaluunniit Kalaallit Nunaanni isumaginninnermut tunngasunik ilisimasaqarlunilu misilittagalik.
  • Suliamut tunniutisimalluartoq, kattuffiit, suliniaqatigiiffiit aqutsisoqarfiillu akunnerminni suleqatigiilluarnissaannik qulakkeerinnissinnaasoq  
  • Pitsaaquteqassaaq, kalaallisut danskisullu allassinnaallutillu oqalussinnaaguit.

 
Atorfik, suliniaqatigiiffiit immikkoortortaanni Paarisami inissisimavoq. Paarisap ilaatigut suliassarai, peqqinnissamut siuarsaataasunik nutaanik atuutilersitsineq ineriartortitsinerlu kiisalu kommunit qanimut suleqatigalugit suliniuteqartarnerit, oqartussallu allat. Immikkoortortami suliniutitut qitiuvoq, sulianut tunngatillugu suliniaqatigiiffiit akimorlugit suleqatigiinnissaq suliniuteqartarnissarlu, pisortani sulisunut innuttaasunullu tamanut saaffiginnittoq.  
 
Sapaatip akunnerinut suliffissat 40 tiimiupput.
 
Piffiit ilaanni angalasariaqartarnissaq naatsorsuutigineqassaaq. 
  
Isumaginninnermut Aqutsisoqarfik pillugu
Isumaginninnermut Aqutsisoqarfik aqutsisoqarfiuvoq Naalakkersuisut ataanni inissisimasoq, arfinilinnik immikkoortortalik: Pinaveersaartitsinermut immikkoortortaq Paarisa, Aningaasaqarnermut Immikkoortortaq, Ulloq unnuarlu- kiisalu Inuttassarsiuussinermut Immikkoortortaqarfik, Pitsaaliuinermut Immikkoortortaqarfik kiisalu Allattoqarfik. Immikkoortortat tamarmik qanimut suleqatigiipput, suliffeqarfiuvorlu suliassarpassuarnik unamminartortalik. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ulloq atorfiniffissaq: 
1. november 2020 imaluunniit isumaqatigiissuteqarnikkut.

Paasissutissat allat
Atorfimmut tunngasumik paasisaqarnerorusukkuit, attavigisinnaavat immikkoortortami Paarisami qullersaasoq Ditte Enemark Sølbeck uunga ditt@nanoq.gl / +299 264995 imaluunniit pilersaarusiamut aqutsisoq Inaluk Olsen Heilmann uunga inoh@nanoq.gl / +299 346635. 
 
Qinnuteqarnissamut killligititaq: marlunngorneq ulloq 29. September 2020 nal. 12.00 (kalaallit nalunaaqutaat malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk