Skip to main content
115

Dette jobopslag er udløbet

Oqaasileriffik suliniummik aqutsisussamik ukioq ataaseq sulisussamik pissarsiorpoq

Atorfik septembarip aallaqqaataaniit 2019 imaluunniit immikkut isumaqatigiissuteqareernerup kingorna inuttalerneqassaaq ukiorlu ataaseq atuutissalluni.

Atorfik pillugu:
Oqaasileriffimmi suliniummik aqutsisussamik namminersorsinnaalluartumik ukioq ataaseq sulisussamik pissarsiorpugut. Suliniut Online leksikon The Arctic Indigenous Fundimit aningaasalerneqarpoq siunertaallunilu kalaallisut ordbogit piusut ataatsimoortilerlugit digitalikkut kikkunnit tamanit ajornanngitsumik ujaasiffigineqarsinnaasunngortinnissaat. Suliaq leksikografiimi periutsit atorlugit suliarineqassaaq.
Suliniummik aqutsisutut makkua akisussaaffigissavatit: pilersaarusiorneq, ataqatigiissaarineq, suliap ingerlanerani siuttuuneq suliniutillu iluatsilluarnissaanik isumagisaqarneq. Taamaattumik inuttut sunniuteqarluarsinnaasuussaatit suliallu iluani tamakkiisumik isiginnissinnaassuseqarlutit.
Suliassat tassaanerussapput pilersaarusiorneq, ineriartortitsineq, siammarterineq, aqutsineq aamma nalunaarusiornerit kiisalu suliniutip ingerlarngata killiffiatalu suleqatinut allanullu susassaqartunut ilisimatitsissutigisarnissaa.

Piginnaasassat:

  • Oqaatsit pillugit ilisimatusarnernut tunngasumik kandidatitut ilinniagaqarsimanissaq (imalt. minnerpaamik bacheloritut naammassisimanissaq)
  • Kalaallisut oqaatsit pillugit ilisimasaqarnissaq taakkunanngalu suliaqarnermik misilittagaqarsimanissaq
  • Oqaatsit uku atorsinnaassallugit: kalaallit oqaasii ilitsoqqussaralugit oqaatsisut, danskisut tuluttullu.
  • Oqaasilerisinnaanermik leksikografimillu suliaqarnermik ilisimasaqarneq
  • Pilersaarusiukkamik sulisinnaaneq - suliap ineriartortinnerani, siammarternerani kiisalu piviusunngortikkiartuaarnerani
  • IT-mik paasisimasaqarluarnissaq iluaqutaassaaq piumasaqaataananili

Neqeroorutigisinnaavarput:

  • Suliassat leksikografip iluani kiisalu oqaatsinik passussisinnaanermi suliat pissanganartut
  • Suliffeqarfik eqqissisimasoq suleqatillu pikkorissut aalaakkaasut
  • Suliffik oqaasilerinerup iluani ineriartorfissaqarluartoq
     

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi
soraarnermilu angalanissamut akiliunneqarnissamut pisattallu nassiunneqarnerannut Kalaallit
Nunaanni Namminersorlutik Oqartussat kattuffiullu isumaqatiginniarsinnaatitaasup
attuumassuteqarfigisap akornanni isumaqatigiissutaasut atorfininnerup nalaani atuuttut
naapertorlugit ingerlanneqassapput.
Sulinermi piffissaq sapaatip-akunneranut nalunaaquttap akunneri 40-t.


Najugaq:
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat annertunerusut:
Atorfik pillugu annertunerusumik paasisaqarusuttut Oqaasileriffimmi pisortamut saaffiginnissinnaapput, uunga: Katti Frederiksen (kfre@oqaasileriffik.gl, +299 346891)


Qinnuteqarnissamut killigititaq:
Qinnuteqarnissamut ulloq killigititaq: 16.august 2019 
Qinnuteqaat CV-mik, ilinniarnermut uppernarsaatinik assigisaanillu imaqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk