Skip to main content
88

Dette jobopslag er udløbet

Nunatsinni Nakorsaaneqarfik qaffasissumik ilinniagalimmik peqqinnissamut tunngasunik soqutigisalimmik sulisussarsiorpoq

Nunatsinni Nakorsaaneqarfik suliassat annertusiartuinnartut ilaannik isumaginnittussamik nutaamik sulisussarsiorpoq. Oqartussatut suliassanik peqqinnissamut tunngasunik pissanganartunik arlalinnik suliaqaratta ikiortissatsinnik suleqatissarsiorpugut. Atorfik nutaajuvoq.

Suliassat assigiinngitsorpassuupput suliassaqarfittalu amerlanersaannik ilaqassallutik. Nakkutilliinermut atatillugu suliassani maalaarutinillu suliaqarnermi peqataasinnaasoq, innuttaasut pisortaqarfiillu allat saaffiginnissutaannut akissuteqartartussaq peqqinnissamullu tunngatillugu misissueqqissaartartussaq atorfissaqartipparput.

Suliat arlallit qinngornernut sakkortuunut tunngasut- ilaatigut qinngornernik ulorianartunik aniatitsisut atortullu qinngornernik sakkortuunik pilersitsisartut (qinnguartaalluni assiliissutit) nalunaarsuineq nakkutilliinerlu suliaralugittaaq aallartippagut.

Nunatsinni Nakorsaaneqarfik nunatsinni peqqinnissamut tunngatillugu oqartussaqarfiuvoq. Immikkoortumi suliassat tassaapput siunnersuineq, nakkutilliineq, maalaarutinik suliaqarneq, qinngornernut ulorianartunut imminut illersornissaq, suliassat nappaatinut tuniluuttunut tunngasut suliallu avatangiisit sunniinerannik nappaateqalersarnermut nakorsallu pinerlussimanerni paasiniaasarnerannut tunngasut.

Suliffeqarfiuvugut annikitsoq maanna sisamanik aalajangersimasunik sulisulik avataaneersumillu inatsisilerinermi siunnersortilik.

Neqeroorutigaarput

  • Suliffik isumalik inuiaqatigiinnut iluaqutaasunik sulialik.
  • Ilinniagaqassutsikkut avatangiisinut annikikkaluarlutik assut uummaarissunut akuulernissaq.
  • Suliffeqarfik ilinniagaqassutsimik suleqatigiittullu avatangiisinik pitsaasumik pingaartitsisoq.

Suleqatitaassatsinnut tunngatillugu naatsorsuutigisagut

  • Naapertuuttumik ass. innuttaasut peqqissusaannik ilisimatusarnermi qaffasissumik ilinniagalik imal. innuttaasut peqqissusaannik ilisimatusarnerup iluani peqqinnissamut tunngasumik qaffasinnerusumik iliniaqqissimaneq.
  • Ilinniakkat akimorlugit avatangiisini annikitsuni suliniutinik suliaqarnermik pikkoriffilik
  • Suleqatigiinnissaaq nammineerluni sulisinnaassusilik, aaqqisuussamik periusilik pitsaassutsimillu ilisimaarinnittoq
  • Qaffasissumik pitsaassusilimmik allakkatigut attaveqatiginnissinnaasoq
  • Pitsaassutsimik ilisimaarinnittoq sulianillu naammassinninnissamik akisussaasusermillu sakkortuumik takutitsisoq
  • Nunatsinni inuiaqatigiinnik oqaatsinillu ilisimaarinninneq piginnaanerupput pingaarutillit.

Qinnuteqartumut eqqortumut uppernarsaatissartalinnik piginnaasalimmut naapertuuttumillu sivisussusilimmik atorfeqarsimasumut, siunnersortitut immikkut ilisimasalittut atorfinitsitaanissaq isumaqatigiinniutaasinnaavoq. Qinnuteqartumut peqqissaasutut ilinniarsimasumut, peqqissaasunut isumaqatigiissut naapertorlugu atorfinititsisoqarsinnaavoq.

Paasissutissat sukumiinerusut
Atorfik pillugu annertunerusunik paasisaqarusukkuit Nunatsinni Nakorsaaneq Henrik L. Hansen oqarasuaatikkut: +299 55 35 61 imal. mailikkut: henh@nanoq.gl attavigisinnaavat.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk