Skip to main content
92

Dette jobopslag er udløbet

MANUmut siunnersortimik

Suleqatigiinni peqataarusuppit, pinaveersaartitsinermut suliniutinut ineriartortitsineq akuulersitsinissarlu soqutigisaraagit? MANU Kalaallit Nunaat tamarmi siuariartortinnissaanut qajannaatsumillu akuulersitsinissamut? Taava una atorfik ilinnut tulluartuusimassaaq.

Uatsinni suleatigilissavatit suleqatit tunniutisimasut sulianullu pikkorissut, ulluinnarni ulapaarfiusumi annertuunillu unammillernartulinni. Akisussaaffittut illit isumagissavat MANU Kalaallit Nunaanni tamani ineriartortissallugu atuutilerneqarnissaalu, kisianni aamma suliassanut nutaanut piareersimasariaqassaatit, misilittakkatillu matumani atorluartariaqassallugit. Illuatungaatigut aamma periarfissaqarluassaaq suliassatigut unammillerneqartarnissat immikkoortortamilu ineriartortuartumi peqataassallutit.

MANU sunaava?
MANU angajoqqaanut pikkorissarfiuvoq, inuunerissaarnerulernissamut peqqissutsimullu siuarsaataaffiusoq, neqeroorutaasorlu pinaveersaartitsiffiusoq. Naartusunut tamanut mikisunillu meeralinnut, ataataasumut anaanaasumullu inersimasunut perorsaariaatsimik neqeroorutaasoq. MANUp siunertarivaa, meeqqat ilaqutariillu siuarsassallugit inuunerinnerulernissaallu kiisalu peqqissuuneq, inuunermi ajornartorsiutaajumaartussanut pinaveersaartitsineq, attaveqaatinik isumalinnik pilersitsinissamut peqataaneq, kommuninut Namminersorlutik Oqartussallu neqeroorutaanut allanut attaveqaataaneq. Tunngaviusumik isumaavoq, ilaqutariit MANU-mut peqataasut periarfissinneqassammata namminneq “inuuneq pitsaasoq” pilersissallugu. MANU-p angajoqqaat peqqissumik meeraq sunnerniassavai, meeqqamut misigissutitsigut attaveqalersitsilluni kiisalu angajoqqaat qajannaatsuunerat nukittorsassallugu, uippakajaarnermut ajornartorsiutinullu qaangiiniarnermut iliuuseqarnissamut tapersiissalluni.

Atorfimmut tunngasut
Suleqatigiinni tunniutisimalluartuni peqataalissaat, isumassarsianik ineriartortitsinermik, tulleriiaarinermik, peqataalersitsinermik kiisalu piviusunngortitsineq qitiulluinnarput.

Suliassatit ilaatigut ukuussapput:

  • MANU ataavartissallugu kisalu siuarsassallugu.
  • MANU Kalaallit Nunaat tamakkerlugu ineriartortissallugu, nutarsassallugu piorsassallugulu
  • Nuna tamakkerlugu sullissisut ilitsersussallugit, ilinniartissallugit siunnersorlugit kiisalu aqqutissiutissallugit
  • Suliassanik akimortunik suleqatigiinnermi agguataarineq, matumani suliassat akimortumik suliarineqarnerisa qulakkeerneqarnissaat
  • Sullissisut ikorfartuineq Supervision
  • Ilisimasanik katersineq ingerlatitseqqiinerlu
  • Allattariarsornikkut atortussanik soorlu suliniutinik allaaserinninnissamut, oqaaseqaatinut imaqarniliornermullu atortussanik suliaqarneq
  • Suliniutinik pilersaarutaasunik nutaanik suliaqarneq
  • Malinnaaneq imaqarniliornerlu
  • Sulinissamut atortussanik nutaanik atuutsilersitsineq


Piginnaasatit
Suleqatissarput ujartorparput:

  • Angusaqarusussusilik misilittagartooq, meeqqat inuusuttuaqqat ilaqutariinnullu tunngasunik ineriartortitserusuttoq.
  • Naleqquttumik ilinniagaqarsimanissat, soorlu perorsaanerup iluani, tarnip pissusiinut tunngasunik, peqqissutsimut tunngasunik imaluunniit isumaginninnermut tunngasumik.
  • Pitsaaquteqassaaq ilinniagaqarsimanerpit saniatigut allagartartaarsimaguit soorlu masteritut kandidatitulluunniit.
  • Aqqutissiuisutut Supervisoritut ilinniagaqarnissat imaluunniit meeraaqqanut tunngasunik siunnersortitut. 
  • Immikut ilisimasaqarneq 
  • Pilersaarutaasunik suliniutinik misilittagaqarneq
  • Suliffimmut tunniutisimaneq, uukkatarinninneq sulianullu ineriartuutaasunut tunngatillugu aaqqissuussaareersunik ineriartortitsineq, akuulersitsineq, nakkutilliineq imaqarniliornerlu/uteqqiineq
  • Aaqqissuussaasumik suliaqartartoq inernerinillu angusaqarusussusilik
  • Aalassarittoq sulianullu aaqqissutissanik ujartuisoq
  • Attaveqatigiinnermut allattariarsornikkut oqaluttariarsornikkullu piginnaasalik
  • Qarasaasialerinermik piginnaasaqarluartoq
  • Sulianut tunngatillugu akimortunik suliaqarnermut suleqatiginnissinnaassusilik
  • Angalarusussusilik


MANU-mi atorfeqarnerup saniatigut atorfik aamma allanik suliniutinik pinaveersaataasunik PAARISA-mi aamma imaqarpoq, soorlu nakuusernerit, atoqatigiinnermut tunngatillugu peqqissuseq, atoqatigiinnikkut atornerluineq, siusinaartumik pinaveersaartitsineq, meeqqat 0-miit 18-it tungaanut ukiullit, imminut toquttarneq, imigassaq, pujortartarneq, hashi, nerisaqarneq il.il.

Naalakkersuisut og danskillu naalakkersuisui oktober 2019-mi isumaqatigiissutigaat, meeqqat inuusuttuaqqallu Kalaallit Nunaanni sumiginnagaasunut suliniuteqarnermut suleqatigiinneq nukittorsarneqassasoq matumanilu ataatsimoorussamik akimortumik suliaqarnerup pilersinneqarnissaa. Suliap inerneraa, innersuussutit 16-t pimoorullugit anguniarneqarnissaat, tassanilu meeqqanut tunngatillugu suliniutaareersut nukittorsarlugit sinaakkusersuinissaq. Taamaasilluni atorfik kalaallisut-danskisullu akimortumik suliniuteqareerpoq, aallaqqaasiutitullu piffissamik 2023-imut killiligaareerluni kisiannili suleqatigiinneq sivitsorneqarsinnaalluni.

Sapaatip akunneranut nal. akunnerini 32-ni suliffiuvoq piaartumillu atorfik inuttassarsiuunneqarpoq

Isumaginninnermut tunngatillugu Aqutsisoqarfik pillugu
Isumaginninnermut tunngasunik Aqutsisoqarfik Naalakkersuisut ataanniippoq arfinilinnillu immikkoortortaqarluni, Pinaveersaartitsinermik sulliniaqatigiiffik PAARISA, Aningaasaqarnermut immikkoortortaqarfik, Ullut- Unnuarlu kiisalu Inuttassarsiuussinermut Immikkoortortaqarfik, Oqartussaaffeqarfik, Pitsaaliuinermut Immikkoortortaqarfik kiisalu Allaffeqarfik. Immikkoortortat qanimut suleqatigiipput, suliffeqarfiuvorlu sulianut tunngasunik unamminartorpassualik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfimmut tunngatillugu paasisaqarnerorusukkuit, MANU-mi ineriartornermut siunnersorti Rikke Kuhn attavigisinnaavat, mail riku@peqqik.gl / +299 346852 imaluunniit PAARISA-mi immikkoortortami pisortaq Ditte Enemark Sølbeck mail ditt@nanoq.gl / +299 346037 attavigisinnaavat.

Ulloq qinnuteqarfissaq kingulleq: 15.10.2020 nal. 12:00

CV, ilinniagaqarsimanermut- pikkorisarsimanermullu uppernarsaatit allagartaq, kiisalu allakkat allat pisariaqartut “Qinnuteqaat nassiuguk” toorlugu nassiutikkit.
Qinnuteqaatit e-mail aqqutigalugu tiguneq ajorpagut.

Naalakkersuisut pillugit:
Inummillernartunik ujartuivit kiisalu ulluinnarni sulineq aqqutigalugu siunissaq ilusilersuiffigeqataarusuppiuk? Taava Namminersorlutik Oqartussat suliffigissallugu ilinnut naleqquppoq. 
Akisussaassuseqarnissaq annertuumik naatsorsuutigisarparput aamma suliamut piginnaasaqarnissaq, sulianut tunngasumik misissueqqissaarneq kiisalu pissutsit allanngoriataarsinnaanerannik piareersimanissat sulisunut. Tamatuma saniatigut piginnaasatit naapertorlugu ullup ingerlanissaa aaqqissuutissat sulianullu tunngatillugu isikkiveqarnissat pingaaruteqarpoq.

Namminersorlutik Oqartussat Qitiusumik Aqutsisoqarfeqarpoq, 650 pallillugit sulisoqartoq, taakkulu naalakkersuisoqarfinnut arlalinnut agguataagaapput, kiisalu qitiusumik immikkoortortaqarfiit arlalissuullutik. Ataatsimut katilluta Namminersorlutik Oqartussani 2500 pallillugit sulisuuvugut. Qitiusumik Allattoqarfiup suliassaarivaa, qulakkiissallugu Naalakkersuisut politikkikkut toqqammaviusumik qajannaatsuunissaat, kiisalu politikkikkut aaliangiussat timitalernissaat.

Namminersorlutik Oqartussat pillugit annerusumik uani paasisaqarsinnaavutit http://www.naalakkersuisut.gl/atorfiit

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk