Find job
Dette jobopslag er udløbet
Kontorfuldmægtig til studiekontoret søges til Peqqissaanermik Ilinniarfik
Qitiusumik tunngaviusumik ilinniartitaanermut immikkoortortaqarfimmi allaffissornikkut tamakkiisumik isiginnissinnaasoq kontorfuldmægtigimik suleqatissarsiorpugut.
December-ip aallaqqaataani 2023, immikkullut isumaqatigiissuteqarnikkulluunniit atorfinittussamik pissarsiorpugut.
Atorfik
Makku suliassatut naatsorsuutigineqarsinnaapput:
- Ilinniagaqarnersiuteqarneq pillugu nalunaarut naapertorlugu sulianik ingerlatsineq
- Ilinniartunik kiffartuussineq
- Systemit arlariit atorlugit Ilinniartunut tunngasunik qarasaasiamut immersuineq - Ilinniarneq pillugu siunnersuisumik/afdelingslederi, uddannelsesleder allaffissornikkullu ingerlatsinermi sulisunik allanik suleqateqarneq.
Naatsorsuutigaarput:
- EVU/HK allaffissornermulluunniit tunngatillugu allamik ilinniagaqarsimanissat
- Allaffissornikkut ingerlatsinermik misilittagaqarnissat
- Qarasaasiarsorsinnaanissat
- Sulerusussuseqartuunissat/isumassarsiullaqqissuunissat, nammineersinnaassuse- - qartuunissat akisussaassuseqartuunissallu
- Illugiinnik kalaallisut qallunaatullu oqaaseqartuunissat
Paasissutissat sukumiinerusut
Atorfik pillugu sukumiinerusumik paasisaqarusukkuit Peqqissaanermik Ilinniarfiup pisortaa Bettina Hanghøj Johansen oqarasuaatikkut: 349950, e-mailikkut: behj@nanoq.gl imal. allaffimmi aqutsisoq Sofie Lynge Kreutzmann oqarasuaatikkut: 349950, e-mailikkut: solk@nanoq.gl attavigisinnaavat.
Kalaallit Nunaat Namminersorlutillu Oqartussat pillugit sukumiinerusumik paasisaqarusukkuit nittartakkami www.nanoq.gl - mi qulequttap Atorfiit nalaani alakkaasinnaavutit.
Qinnuteqaat
Qinnuteqarfissatut killiliussaq: 23. oktober 2023
Qinnuteqartunik oqaloqateqarnissaq sap. ak. 43-mi pisussatut naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Namminersorlutik Oqartussat naatsumik oqaatigalugit
Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulaaluanut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.
Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job