Skip to main content
82

Dette jobopslag er udløbet

Kinguaassiutitigut atoqatigiittarnermi peqqissuunissaq pillugu aammalu Inuusamik paarisaqartarnermut pilersaarusiorneq pillugu suliniummut Paarisa meerartaartoqarnerani paarlatsissarsiorpoq

Kalaallit Nunaanni kinguaassiuutitigut atoqatigiittarnermi peqqissuunissaq pillugu aammalu Inuusamik paarsaqartarnermik pilersaarusiorneq pillugu suliniummut ineriartortitsinermi atuutsilersitsinermilu suleqataarusuppit? Taava atorfik una ilinnut tulluartuuvoq.

Inuusuttut akornanni peqqinnerulernissap aammalu atugarissaarnerulernissap siuarsarnissaanut pimoorussilluni sulissuteqarusuttumik nutaamik Pitsaaliuinermut Isumaginninnermullu Aqutsisoqarfik suleqatissarsiorpoq. Atorfik oqartussaasoqarfiit assigiinngitsunik suliallit akornanni pitsaaliuinermut immikkoortortaqarfiup PAARISA-p ataani inissisimavoq, tassanilu ilaatigut nuna tamakkerlugu periusissat nutaat kiisalu Peqqinnissaqarfiup aamma isumaginninnerup iluani suliniutit kommunit oqartussallu allat suleqatigalugit suliarineqartarput. Immikkoortortaqarfimmi suliassat pingaarnerit ilagaat suliassaqarfinnit assigiinngitsunit suliniutinik, oqartussaasunut kiisalu innuttaasunut tunngassuteqartunik ineriartortitsineq.
Suliffitsinni ullut tamaasa ulapaarfiusumi annertuumillu unammilligassaqarfiusumi sulisut suliaminnut tunngatillugu pikkorissut tunniusimasullu suleqatigissavatit. Inuusaqartitsineq pillugu suliniummik aammalu nappaatinik tunillatsinnaveersaarluni atoqatigiittarnermut tunngatillugu ineriartortitseqataaneq atuutsilersitsinissarlu pingaarnertut akisussaaffigalugit suleqataaffigissavatit taamaattorli suliassanik allanik piginnaasannut unammillernarsinnaasunik  suliaqartarsinnaanissat piareersimaffigissavat. Piginnaasavit unammillernissaannut immikkoortortaqarfimmilu ineriartortuartumi suleqataanissamut periarfissagissaarputit.

Inuusaqartitsinermik suliniut sunaava?
Illinniartitsinermut ilaatillugu 9. aamma 10. klassimi atuartunut ulluni pingasuni Inuusaqartitsineq neqeroorutigineqartarpoq, tassanilu meeraaraasaq elektroniskiusoq isumagineqartarpoq. Inuusaq meeraaravittut pissusilersugaavoq taamaasillunilu nerisinneqartarlunilu isumagineqartartussaalluni. Inuusaqartitsisarnerup siunertaraa inuusuttut angajoqqaatut pisussaaffinnik ilisimasaqarnerulerlutillu eqqortumik iliuuseqartalersinnaanissaat, aammalu naartunaveersaatinut, naartuersittarnernut, kinguaassiuutitigut nappaatinut, inuttut killissanik, nalinginnaasumik inuuneqarnissamik .il.il. ilisimasaqarnerulernissaat. Taamaasilluni taamatut ilinniartitsinikkut inuusuttut atoqatigiittarnermut tunngatillugu isumaqarluartumik akisussaassuseqartumillu ineriartornissaat ilaatigut anguniagaavoq.
 
Atorfik pillugu
Suliffimmi isumassarsianik ineriartortitsisarnermik, ataqatigiissaarisarnermik, akuutitsinermik atuutsilersitsisarnermillu pingaartitsisumi suleqataassaatit.
 
Suliassatit Ilaatigut makkussaapput:

  • Suliniutinik atoqatigiittarnermi peqqissuunissamut tunngassuteqartunik ineriartortitsinissaq.
  • Kalaallit Nunaanni inuusaqartitsisarnermik ineriartortitsillunilu, nutarterillunilu atuutsilersitsineq.
  • Atuartunik, aamma/imaluunniit Inuusaqartitsisarnermut tunngatillugu Nuummi sineriammilu suliaqartartunik ilinniartitsisarneq
  • Atortussanik allattariarsorluni suliaqartarneq soorlu killiffiit pillugit nalunaarusiortarnerit
  • Ilisimasanik katersineq ingerlatseqqittarnerlu
  • Suliassaqarfinni assigiinngitsuni suleqatigiinnerit ataqatigiissaartarneri
  • Suliassat Naalaakkersuinikkut pingaartitat salliullugit suliarisarnissaat


Piginnaasatit
Suleqatissarsiorpugut makkuninnga piginnaasalimmik:

  • Atoqatigiittarnikkut kinguaassiorsinnaassutsikkullu peqqissuunissamut, pineqartunullu tunngatillugu pisinnaatitaaffinnik ilisimasalik
  • Suliassanut ineriartortitsinermut, atuutsilersitsinernut, nakkutilliisarnernut nalilersuisarnernullu tunngasunik suliaqarnissamut tunniusimasoq, aallussilluarsinnaasoq aaqqissuussamillu sulisinnaassusilik
  • Kalaallisut danskisullu marluinnik oqaasilik (ajornanngippallu tuluttut pikkorissoq)
  • Suliniutinik ingerlatsinermik misilittagalik
  • Suliassanik naammassinninniartarnermi eqaatsumik ujartuisumillu periusilik
  • Allattariarsorluni oqaluinnarlunilu attaveqallaqqissoq
  • Suliassaqarfinni assigiinngitsuni suliassanik suleqataasinnaalluartoq


Atoqatigiittarnikkut peqqissuunissamut aammalu inuusaqartitsineq pillugu suliniummut tunngatillugu suliassat saniatigut atorfigiligassanni Paarisap suliniutaani allani soorlu kinguaassiutitigut atornerluisarnermut, siusinaartumik iliuuseqartarnissamut, imigassamut, ikiaroornartumut il.il. tunngasuni suleqataasassaatit. Ilinniagarisimasatit pingaarnerpaajunngillat taamaattorli suliassatit pimoorullugit kajumigalugillu suliarisinnaassavatit. Peqqissutsimut ilisimatusarnermik kanditatitut ilinniagaqarsimasinnaavutit, aammattaarli peqqissaasutut, ilinniartitsisutut, perorsaasutut, ernisussiortutut allatulluunniit ilinniagaqarsimasinnaavutit.
 
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik, Naalakkersuisuni aqutsisoqarfiuvoq tulliuttunik tallimanik immikkoortortaqarfeqartoq: Pinaveersaartitsinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu aamma nalilersuisarnermut immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Aningaasarsiatigut atorfinitsitaanermilu atugassarititaasut
Atorfik paarlattitut atorfiusoq sapaatit akunneranut 40 tiimit suliffiusarpoq augustillu aallaqqaataani 2020-imi inuttalerneqarnissaa kissaatigineqarluni. Atorfik aaqqissuussaanikkut Nuummi Pitsaaliuinermut Isumaginninnermullu Aqutsisoqarfimmi inissisimavoq. Angalasarnissaq naatsorsuutigineqassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut:
Suliffik pillugu paasisaqarnerorusukkuit Lisa Ivalu Lind Jensen, Paarisami siunnersorti, ugguuna saaffigisinnaavat livl@nanoq gl / +299 346853 imaluunniit Paarisap immikkoortortaqarfiani pisortaq Ditte Enemark Sølbeck, ugguuna ditt@nanoq gl / +299 346037.
Qinnuteqarnissamut killissarititaq: 24 juni 2020, nal. 12:00 (nunatsinni nalunaaqutaq malillugu). Oqaloqatiginninnerit sapaatip akunnerani 26-mi ingerlanneqarnissaat naatsorsuutigineqarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk