Skip to main content
88

Dette jobopslag er udløbet

Kalaallisuuliornermik Ilinniarfik erninermi sulinngiffeqarneq pissutigalugu, ilinniartitsisumut paarlatsissarsiorpoq

Ilinniartitsisumut paarlattaanermi piumasaqaataavoq Kalaallisuuliornermik Ilinniarfimmi ilinniagaqarsimasuunissat. Ilinniarfimmi ilinniartitsisutut atorfik assigiinngitsorpassuartigut unammillernartuuvoq. Ilinniartitsisup pisussaaffigaa Kalaallisuuliornermik ilinniarfiup siunertatut aalajangersagaa.
Ilinniarfimmut uummaarissumut ulluinnarnullu pissanganartunik ingerlataqarfiusunut isissaatit.
Kalaallisuuliornermik Ilinniarfimmi ilinniartut 15-nit missaaniipput, taakkulu illoqarfinnit nunaqarfinnillu assigiinngitsunit aggersuupput, nunaqavissunik ilaqarlutik.

Suliassat akisussaaffiillu

  • Qarasaasiakkut ilusilersuineq: Sapangaaqqat, avittat.
  • Amernik mersuussineq
  • Mersorfissorneq
  • Ammerineq: Qapiarneq, atungassineq, kaatitsineq
  • Ilinniartut suliaannik nalilersueqataaneq

Ilinnit naatsorsuutigaagut

  • Kalaallisuuliornermik Ilinniarfimmi ilinniagaqarsimasuunissat
  • Qarasaasiamut atuisinnaanissat
  • Kalaallisut oqaaseqartuunissat
  • Akisussaaffimmik tigusisinnaanissat
  • Piffissamut ataqqinnittuunissat
  • Sullissilluarusuttuunissat
  • Suleqatiginnissinnaassuseqarnissat
  • Namminersorluarsinnaanissat


Ilinniarfik pillugu
Kalaallisuuliornermik Ilinniarfik Ilinniartitaanermut, Kultureqarnermut, Ilageeqarnermullu Naalakkersuisoqarfiup ataani immikkoortortaqarfiuvoq Sisimiuni inissisimasoq. Tallimanik sulisoqarpoq, pisortaq, allaffimmioq, ilinniartitsisut marluk saniatigullu ikiorti. Nunatsinnilu kisiartaalluni kalaallisuut pillugit ilinniarfiulluni.

Atorfik pineqartoq pillugu sukumiinerusumik paasisaqarusukkuit Kalaallisuuliornermik Ilinniarfiup pisortaa attavigineqarsinnaavoq.
Kirstine Berthelsen Mail: kirstine@kalilin.gl imaluunniit kalilin@kalilin.gl Tlf: 86 69 09

Atorfiniffissamut ulluliussaq:
1. august 2020 atorfinittoqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk