Skip to main content
112

Ivaaraq Timimik Sungiusaasumik pissarsiorpoq

1. november 2019 atorfinittussamik imaluunniit isumaqatigiissuteqarnikkut.

Ivaaraq 15-ninik inissaateqarpoq, marlunnillu immikkoortortaqarluni, immikkoortortaqarfiup aappaa (Ivaaraq tungujortoq) qulinik inissaateqarpoq, immikkoortortaqarfiullu aappaa (Ivaaraq sungaartoq) tallimanik inissaateqarluni.
Ineqartut sutigut tamatigut ikiorneqarnissaminnik pisariaqartitsisuupput. Atuartut "Tasersuup Atuarfiata" immikkoortortaani "Tungujortuaqqami" atuartarput. Ineqartut ulluinnarni susassaqartsinneqartarput "Orpikkami" "Orpigaq" susassaqartitsisarfiuvoq illu immikkoortoq,taannalu Ivaaraq sungaartup eqqannguani inissisimavoq.

timigissaasoq sulisarppoq Ivaaqqap immikkoortortaqarfiani tungujortumi.

Naatsorsuutigaarput:
Timimik Sungiusaasoq sap.ak. 40 tiimit sulisinnaasoq.

Piumasaraarput:

  • Nammineersinnaassusilik, suleqatigiuminartoq, suleqatinullu attaveqarluarsinnaasoq.
  • Innarluutilinnut sullissinermik misilittagalik.
  • Suliannut ilisimasaqassasutit, eqqarsariallaqqissoq suleriallaqqissorlu.

Pigaagut:

  • Sullitassat nuannaartut ineriartornissaminnut piareersimasut.
  • Suleqatissat suleqataarusuttut.
  • Suliffik ineriartortoq.

Suliassatit/akisussaaffiillu:

  • Sulisut peqatigalugit ineqartut susassaqartinniarnerannut pilersaarusioqataaneq, ineqartut ulluinnaat imaqartilluarnissaat siunertaralugu.
  • Ineqartut pisariaqartitaat ikiuutsit assigiingitsut sulisut isumasioqatigalugit qinnuteqartarneq, kingornalu pedelit suleqatigalugit piareersartarnissaat.
  • Sulisut eqaarsarnermut sullissinermut periaatsinik ilitsersuullugit.
  • Ineqartut ataatsimiissutiginerani suleqatigiit assigiinngitsut ataatsimiinneranni peqataasarnissaq.
  • Eqaarsaarnermi sungiusaatissat pilersaarusiorneri, ineqartullu sullinneranni pilersaarutinik allaasigisaqarneq.
  • Meeqqat inuusuttullu najugallit timaasa eqaarsaartinnissaat, pisinnaasai appartinnaveersaarlugit.
  • Illoqarfimmi allat Timimik Sungiusaasut ataatsimiinneranni peqataasarnissaq.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasisaqarnerorusukkuit uunga paasiniaasinnaavutit pisortaq Sussi Larsen tlf. +299 642112-2 imaluunniit mailikkut ivaaraq@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk