Skip to main content
89

Dette jobopslag er udløbet

Ivaaraq Qaqortoq tullersortimik pissarsiorpoq1.Marts 2020 atorfinittussamik imaluunniit isumaqatigiissuteqarnikkut

Ivaaraq 15-ninik inissaateqarpoq, marlunnillu immikkoortortaqarluni, immikkoortortaqarfiup aappaa (Ivaaraq tungujortoq) qulinik inissaateqarpoq, immikkoortortaqarfiullu aappaa (Ivaaraq sungaartoq) tallimanik inissaateqarluni.
Ineqartut sutigut tamatigut ikiorneqarnissaminnik pisariaqartitsisuupput. Atuartut “Tasersuup Atuarfiata” immikkoortortaani “Tungujortuaqqami” atuartarput. Ineqartut ulluinnarni susassaqartsinneqartarput “Orpikkami” “Orpigaq” susassaqartitsisarfiuvoq illu immikkoortoq,taannalu Ivaaraq sungaartup eqqannguani inissisimavoq.

Naatsorsuutigaarput:
Tullersorti sap.ak. 40 tiimit sulisinnaasoq.

 Piumasaqaatit:

  • Perorsaasutut ilinniarsimasoq.
  • Aqutsisoqatigiinni misilittagalik.
  • Suliannut ilisimasaqassasutit, eqqarsariallaqqissoq suleriallaqqissorlu.
  • Innarluutilinnut sullissinermik misilittagalik.
  • Nammineersinnaassusilik, suleqatigiuminartoq, suleqatinullu attaveqarluarsinnaasoq.
  • Perorsaariaatsimut ineriartortitsinermut sunniuteqarluarsinnaasoq.
  • Takunnilluarsinnaasoq sunniilluarsinnaasorlu.
  • Ilinniarsimassutsikkut inuttullu ilisimasaqarluartoq.


Ulluinnarni suliassat – akisussaaffiillu:

  • Pisortaq aqutsisullu suleqatigalugit perorsaariaatsimut pitsaassuseq isumannaassallugu.
  • Perorsaariaatsinik pilersaarusiorsinnaaneq.
  • Siunnersuisinnaasoq tapersersuisinnaasoq sulisunut.
  • Iisartakkanik akisussaasoq aqutsisoq peqatigalugu.
  • killiffiit pillugit ataatsimiinnissanut aggersaanermut akisussaasoq.
  • pisortaq peqannginnerani pisortamut paarlattaaneq.


Pillagaasimannginnermut meeqqanillu innarliisimannginnermut uppernarsaat:
Atorfik una pillagaasimannginnermut meeqqanillu innarliisimannginnermut inatsit malillugu uppernarsaammik piniarfiusussaasunut ilaavoq. Ivaaqqami atorfeqarneq aatsaat aallartissinnaavoq. Ivaaqqap pillagaasimannginermut uppernarsaat tiguppagu.

Qinnuteqaat ilinniagaqarsimanermut siusinnerusukkullu suliarisimasanik uppernarsaatinik ilaqartinneqartoq uunga nassiuneqassaaq:

Pisortamut Sussi Larsen: ivaaraq@nanoq.gl

Paasissutissat annertunerusut:
Atorfik pillugu annertunerusunik paasisaqarnerorusukkuit Ivaaqqami pisortaq
Sussi Larsen attavigineqarsinnaavoq uunga:
email: ivaaraq@nanoq.gl imaluunniit telefon +299 64 21 13/ 2

Qinnuteqarfissaq kingusinnerpaamik: 03.02-2020

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk